عاجل : الاسم و الجواز

هلا اخوي
يعتمد على الجامعة وموظفها وو الخ. كمان يمكن تقابل مشكلة في الفيزا والاجراءات الاخرى..
انصحك تراجع الجهة مصدر الوثيقة ومعك الجواز وصورة منه وتطلب تعديل الاسم طبقاً للجواز. وهذا من حقك.
تقبل تحياتي.

طيب بالنسبه لتجديد الجواز, اكثر من مره لما اجي اجدد اكتب الاسم بالانجليزي في النموذج لكنهم يطنشون ويخلونه على الكمبيوتر اللي يعتمد الاسم بالجواز السابق, الحل معهم؟ هل هناك إمكانيه لهذا الموضوع؟

السلام عليكم ورحمة الله وبركاته

اخوي من الضروري ان تكون كل الاوراق مطابقة للاسم في الجواز حقك لان اختلافه يسببلك مشاكل

يا عزيزي تعديل الاسم في الوثيقة أسهل وأفضل بكثير، أعتقد أن الجواز هو المستند اللي تنبني عليه باقي الشهادات والوثائق وليس العكس.

واذا اصريت على تعديل اسمك بالجواز طبقاً للوثيقة حاول تكلم موظفي الجوازات وتقنعهم وتجيب معاك صور واصل الوثيقة او الوثائق.
اتمنى لك التوفيق.

اللي خلاني افكر بتجديد الجواز سببين :

1-أرى أن الاسم في الوثيقه أدق.

2-الجامعات غثى وتأخير وبعضهم يتعمد يأخرك, الجوازات ميزتهم السرعه في الانجاز لكن مأخذي الوحيد عليهم في الاسم بالانجليزي


الله يسهل

المهم لازم تغير وحدة من الثنتين عشان يكون اسمك في الأوراق متطابق، والا عند الأجانب ما بيعترفون بالاختلاف البسيط وممكن يعتبرون ان الشهادة ترجع ملكيتها لشخص آخر غير حامل الجواز، فقط لأنها لا تحمل اسماً يطابق اسمه في جوازه، وتعرف ان تشابه الأسماء وارد كثير، وحالات التزوير يأخذونها بمنتهى الجدية ماهوب مثل عندنا مشي حالك!

الخيار الأول افضل وهو انك تعدل وثيقتك حسب الجواز وتبني وثائقك الجديدة عليه، فالجوازات من الصعب تغيير الاسم عندهم لأنهم مرتبطين بقاعدة بيانات وهم من القطاعات المحوسبة عندنا بشكل كبير، في حين انه يحق لك مطالبة الجامعة بتعديل وثيقتك حسب الجواز وهذا من ابسط حقوقك ولو ما خدموك فيها تقدر تروح لعميد القبول والتسجيل أو رئيس وحدة التخرج أو عميد شؤون الطلاب وتكلمه، وانا سبق وغيرت وثيقتي والسجل الأكاديمي وترجمتها بالانجليزي من جامعتي وانا واقف في ظرف 5 دقائق! ومن ناحية الاسم ما اعتقد ان هناك ترجمة لاسمك ادق من اخرى لأنه ببساطة الأسماء لا تخضع لقاعدة هجائية موحدة، فعندك مثلاً اسم (عمر) فيه ناس تكتبه Umar وفيه تانين يكتبونه Omar، ومن يقدر يثبت ان الأولى او الثانية أصح أو أدق؟!!

اتمنى لك التوفيق ولو تذكر لنا الجامعة اللي متخرج منها ممكن نعرف فيها احد يخدمك.
تقبل تحياتي.

جامعة الملك فيصل


فيه نقطه أخرى, لو قدمت على الإعاده بالوثيقه الحاليه ما فيه مشكله؟ خصوصا انهم ما يعرفون اسمي بالجواز !! وخلال فترة عملي في الجامعه ممكن اغير الوثيقه عشان تتسهل أموري في الابتعاث والا !!

أخي الكريم ..
مطابقة الاسم في الوثيقة مع الاسم في الجواز لا تتم إلا خارج المملكة لأن الجواز هو مستند الهوية الوحيد بالخارج. وكل الكلام اللي قلناه فوق من ضرورة مطابقتها بالجواز هو في حال الابتعاث والتقديم على الجامعات الخارجية.
أما داخل المملكة يتم مطابقة الاسم في الوثيقة بالاسم في بطاقة الأحوال الشخصية وغالباً يتم التغاضي عن الاختلافات البسيطة.
نعم تستطيع التقديم على وظائف بالجامعة او اي جهة اخرى في المملكة بدون الحاجة للجواز لأنهم لا يطلبونه بل يطلبون صورة البطاقة الشخصية.

أتمنى لك التوفيق.

جزاك الله خير وما قصرت