ابي مساعدتكم في قبول بمعهد بامريكا

وعليكم السلام ورحمة الله وبركاته..

حياك الله أخوي..

أخوي بالنسبة لموضوع قبول المعهد أسهل مما تتصور, ولكن المهم في الموضوع إنك تعرف تخصصك إلي راح تدرسه إن شاء الله وهل هذا التخصص من ضمن التخصصات المعترف به من قبل وزارة التعليم العالي

بعد تحديد التخصص تروح للخطوة الثانية وهي تحديد الجامعة, طبعاً بعد البحث عن الجامعة في موقع الوزارة راح تحصل على أكثر من جامعة تدرس نفس تخصصك هنا تجي نقطة اختيار الجامعة والولاية والمدينة المناسبة لك من كل شيء على قدر الإمكان

وأيضاً تقدر تختار المعهد, لأن بعض الجامعات توفر معاهد خاصة بها وهي نقطه حلوه من حيث انك تعفى من اختبار التوفل او الآيلتس في حال تجاوزك لجميع مستويات المعهد الخاص بالجامعة او على حسب ما تحدد الجامعة من مستوى مطلوب لتجاوز مرحلة اللغة

والإنتقال لمرحلة الدراسة الأكادمية..

اعذرني على المقدمة الطويلة ولكن اقتبست من موضوعك انك بإذن الله تبغى تنتقل من الدراسة على حسابك الخاص إلى الإبتعاث بإذن الله..

ومن شروط الإنتقال والإنضمام للبعثة هوا توفير قبول جامعي مشروط..! (( فهذه نقطة مهمة لا تنساها ))..

وحتى الحصول على موافقة الوزارة للدراسة على الحساب الخاص يتوجب عليك الحصول على القبول الجامعي المشروط من أحد الشروط.. حتى تحصل على الموافقة للدراسة..

مما يعني انها نقطة مهمه جداً..


حدد اختياراتك واستخير الله عز وجل أولاً وآخراً ومن ثم احنا معاك بإذن الله..

والله الموفق..

..

اخوي تبي قبول ماستر ولا بكالوريس ؟ وكم معدلك ؟ وايش التخصص ؟؟

بقدر اوفر لك قبول باسرع وقت ...