مبتعث جديد New Member
السعودية
عبد الله راشد , ذكر. مبتعث جديد New Member. من السعودية
, مبتعث فى السعودية
, تخصصى ادارة اعمال
, بجامعة جامعة الامام محمد بن سعود
- جامعة الامام محمد بن سعود
- ادارة اعمال
- ذكر
- الرياض, الرياض
- السعودية
- Apr 2014
المزيدl September 16th, 2014, 01:00 PM
September 16th, 2014, 01:00 PM
بسم الله الرحمن الحريم
تجربتي مع مكتب مستقبلي للقبولات
اعطاني احد الزملاء رقم مستقبلي وقال انه يجيب قبولات وشغلهم سريع( زميلي حالياً في امريكا في Texas ) .. قال انهم يبجون قبولات بسرعة .. فتحمست ورحت لهم اذا بسرعة
طبعاً ياخذون 2500 ريال .. وفيه غيرهم على 1600 واقل بعد
في تاريخ 14/05/2014 رحت للمكتب وطلبت منه ان يجيب لي قبول من معهد اكاديمي وقبول جامعي لدرجة الماجستير فعرض علي مجموعة من المدن والولايات بنسبة 90% كلها في كاليفورنيا .. فقلت له انا ابي ولاية شرق لا توديني هناك غاااااالية هالولاية ولا لي حيلة عليها خصوصاً اني طالع على حسابي الخاص
بدأ يقدم لي بعض المعاهد في الشرق قال ممكن اجيب لك قبول معهد في ولاية بنسيلفينا او متشقن او .. ام ام ام .. وقال غير مضمون
بس اذا تبي معاهد ممتازة مالك الا الي في كاليفورنيا .
طبعاً طلبت منه يعطيني اسماء المعاهد الي عنده فرفض حتى ادفع فلوس ضغط عليه وعطاني المعاهد ... حقيقة عرض علي معاهد ممتازة جداً اكاديمياً لا تحضرني حالياً اسماءها ولكن من ضمنها معهد Irvine
هذا بخصوص المعهد
اما بخصوص الجامعة فعرض علي جامعتين فقط قال اجيب لك قبول منها سهل وبسرعة ومن هالكلام
الجامعة الاولى جامعة Mercer University
الجامعة الثانية Wayne State University الجامعة في منطقة غير امانة نسبياً
فرفضت في البداية الجامعتين في البداية لسبب ان لي رغبة في الحصول على قبول مشروط من جامعة Creighton تعطي قبول مشروط حسب ما قريت في موقعهم
فطلبت منه يجيب لي قبول فقال ما تعطي قبول مشروط فقلت له ادخل موقعهم ودخل وشاف بعينه .. وكان هدفي اني ادخل معهد جامعة Creighton
المهم ان الشخص اخذ اوراقي وقال يبي لك من شهر الى شهرين عشان نجيب لك قبول
بعد ثلاثة اسابيع وانا رايح امشي في طريق الملك عبد الله قلت خلني امره واشوف وش الاخبار قبولي .. مريته وقال للاسف تم الرفض .!!
فستغربت وقلت في نفسي كيف تم الرفض ولا دق علي طيب ؟
فقلت له كيف تم الرفض ؟ قال: اصبر اشوف وراح دخل في في الغرفة الدخلية في مكتبهم ورجع وقال انه طالبين شهادتك الاصل والسجل الاكاديمي الاصل ؟!!
قلت له كيف يطلبون الاصل يا اخي وهم ما عطوني قبول ما فيه جامعة تسويها في العالم الا اذا اخذت القبول المضمون مش المشروط حتى ..
قال هذي طلباتهم .. فقلت له بعطيك اوراق رسمية تفيد بمصداقية كل شي .. عطيته صور مصدقة من الجامعة لشهادة و السجل الاكاديمي وقلت له: شف شهادتي فيها موقع الكتروني حق الجامعة بلغهم انهم يقدرون يتاكدون من مصداقية شهادتي بالتواصل عن طريق الرابط في الشهادة .. قال كذا ممتاز ( حجرت له )
عاد وانا رايح اصدق اوراقي في الجامعة سألت الموظف هناك
قلت له: فيه جامعة تطلب الشهادة الاصل والسجل الاكاديمي الاصل في امريكا؟
قال انتبه تعطيها احد الا أذا قبلوك وحصلت على شي يثبت انه عطاك قبول عشان لو ضاعات اوراقك تقدر تطالبه فيها .. ولا فيه جامعة تطلب اوراقك الاصل الا اذا عطوك قبول .. قلت خير ان شاء الله
وبعد سبوعين دق علي المكتب وقال انهم طالبين التوصيات الاصل وعليها ايميل الدكتور ورقمه عشان يكلمونه ..!!؟
فقلت له اوكي خلاص كنسل فكرة طلبي ما عاد ابي ادرس خلاص هات الدراهم خخخخخخ
فقال نجوم السما اقرب لك .. خخخخخخخ
المهم حاولت اني اتفاهم معه بشكل هااااادئ جداً .. ما احب المشاكل و عرفت من كلامه ان وراه ظهر
فبحثت وتتبعت المكتب وصاحبه فعرفت ان له علاقة بشرطة العليا .. ومن افادني قال تجي شكاوي عليه لشرطة وتتكنسل فحاول تطلع منه بدون مشاكل لانك خسران .. الا اذا انت عندك ظهر اقوى منه ..
قلت له اوكي ما عندي مشكله بروح له بخليه يدبر لي قبول وخلاص .. الدعوة مهيب عناد
وقلت له طيب جب لي قبول من معهد جامعة كرايتون .. خلاص ما نبي قبول جامعي منها القبول الجامعي نجيبه من اي جامعة .. قال كلمتهم من اول ورفضوا
وقلت له ابي معهد جامعة دنفر .. قاله بصريح العبارة هالمعاهد ما تعترف فينا ولا تعطينا قبول مستحيل ..!! عرفت انه تكلم من غير وعي .. لاني وترته من كثر ما اطلب معاهد اكاديمية ممتازة في مدن رخيصة ..
كان متوقع اني جاي على وجهي .. ما درى اني لاف امريكا لف في قوقل وقوقل ايرث ومبتعث
المهم اني عند خبرة معلوماتية لا يستهان فيها عن المعاهد وعن الجامعات .. بفضل الله ثم فضل اخوانا الي يكتبون في الموقع
فقررت اختار معهد جامعة ارفاين .. وقال خلال 3 اسابيع اجيب لك قبول باذن الله
والجامعة قال بختار لك جامعة مرسي في جورجيا اسرع وقال خلال شهرين بالكثير الى شهر
والله يا اخوان القبول الجامعي جاني بعد يومين
والمعهد فعلاً اخذ 3 اسابيع بالضبط
وكانت طالب منه تكون دراستي في 07/01/2015 عشان يمديني الحق على الملتقى .. واخلص اجراءاتي على راحتي .. حاس وجاب قبولي في 01/04/2015 قلت له متب صاحي .. قال ما عليش اعدل لك القبول
راسلهم من جديد .. طبعاً المكتب عنده نظام تعديل موعد دراسة بــ 500 ريال
بسبب انه غلطه هو قال مجاني خخخخخخخخخخخخ
وقلت له بعد كم يوم يجي قبولي الجديد عشان اقدم على الفيزا ؟
قال يبي له اسبوع الى اسبوعين قلت له اوكي
تصدقون اني اقدر اقدم على الفيزا لو عطاني رقم السيفس والسكول نمبر الي مكتوبة في I-20 الي جا تاريخه بالغلط .. بس يحب يماطل او ما ادري وش قصته من مكتب
وتصدقون يقدر يدق على الجامعة ويطلب منهم رقم السيفيس والسكول نمبر قبل ما يجي الايتوني عشان اقدم على السفارة .. ولا سواها .. تصدقون انه يقدر يعطني رقم الشحنة اذا الجامعة ارسلت I-20 عشان اقدر اتتبعها عن طريق موقع الشركة الي تقوم بالتوصل مثل ارمكس او فدكس او دي اتش ال .. ما سوها
ماطل فيني لين عجز .. ^_^
بعد اسبوعين تقريباً وانا رايح امشي على طريق الملك عبد الله قلت خلني امره قلت هاه كم باقي قال اسبوع
وراح داخل مدري وش اشغله عني .. شوي وجا خويه وجلس على المكتب الثاني .. وقلت له كم يبي له عشان ياصل I-20 حقي .. قال 3 اسابيع قلت له شلون 3 اسابيع وانا الحين صار لنا اسبوعين ..!؟؟
قال كذا نظامهم قلت له يا اخي خويك قبل شوي يقول اسبوع وانت تقول 3 اسابيع
هل السالفة كل واحد ينطل كلمة من راسه ..؟
قال هو قالك هو يتحمل كلامه ..!
وجا خوينا الاول .. وسأله قال كم قلت لعبد الله ويجي I-20 الجديد حقه قال بناء على ما قال مكتبنا في امريكا اسبوع .. المهم اني طلعت منهم وعرفت ان الدعوة خبصه
ملاحظة : طلبت منه I-20 حق الجامعة قال ما تحتاجه الحين .. تحتاجه اذا جيت تطابق اوراقك ... وسكت ما قلت شي له
ولاحظت ان كل من طلب I-20 قاله انت ما تحتاجه الان
ما ادري ليه يمسكه عنده ما يبي يسلمه لاصحابه .. ؟!
المهم ما جا الصبح الا وانا عنده افتح معه المكتب .. ^_^
وادخل عليه واخمه بالكلام واساله عن اني ابي سكن في المدينة عن طريق المعهد خلهم يوفرون لي سكن وان تيسر يوفرون لي سكن مع عائلة .. قال المعهد ما يوفر .. بناء على خبرتنا ما معمرهم وفروا سكن مستحيل .. المهم خلا المسالة معقدة في وجهي .. واسولف معه عن رسوم الفيزا انه يراعيني فيها ويسوي لي خصم .. ( قصة الفيزا بكتبها لكم في اخر الاخير بس اخلص من قصة القبول اول )
فخميته بالكلام وطلبت منه I-20 حق الجامعة .. وقال موجود قلت له طيب جبه ابي اشوفه الا اذا ممنوع ؟؟
قال لا حقك المهم جابه لي .. والله ما تتخيلون كيف كان وجهه ووجه زميله وهو يقدمه لي تغيرت وجيههم .. احس انهم بيتهاوشون بعد ما اطلع .. المهم اني قلت هذا الاصل سويت نفسي غشيم قال ايه .. قلت له اوكي باخذه معي ماله داعي يقعد عندكم ^_^
ووقعت على ورقه استلام القبول ..
ويوم جا العصر وانا طالع من الدوم ثاني يوم طبعاً قلت خلني ادق اشوف وش صار .. ^_^ نشبت لهم
الا يرد علي واحد ثالث .. وسالته عن قبولي قال موجود ..!! قلت كيف ..!!
قال لا I-20 القديم موجود الي تبدا الدراسة في شهر اربعة
الجديد ما بعد وصل .. قلت له كم يبي له ويوصل .. قلت له اسال مكتبكم بالله في امريكا خخخخخخخخ
قال يبي له 3 اسابيع .. !! هنا طلع في راسي نخله .. وطقتني الوساويس .. ليه يسوي يسوون كذا معي مهوب راكدين .. كل واحد ينطل كلمه
والهمني ربي ادق على الجامعة .. وادق عليهم وتكلمني موظفة جعل ربي يهديها للحق .. ودي اعطيها عيوني على خدمتها لي ^_^
شرحت لها الوضع اني مقدم موعد دراستي ومن هالكلام فتحققت مني بس وش اسمك مثل ما هو مكتوب في الجواز اساله بسيطة .. وعطيتها السبحة كاملة قلت لها اسم المكتب وعنوانه واساعدها في نطق بعض الكلامات .. مثل شارع العليا ما عرفت تنطق العليا زين فعززت لها ^_^
المهم انها تاكد مني .. فسالتها عن I-20 تصدقون يا خوان قالت جاهز للارسال ..!!
واعطيها عنواني .. وقلت ارسليه لي .. لا ترسلينه للمكتب .. قالت OK
وطلبت منها ترسلي رقم الشحنة قالت اوكي .. شوي الا رقم الشحنة على ايميلي 4 ايام و I-20 عندي في بيتي تصدقون ؟
المكتب انهبل دقدق علي وسحبت عليه .. ومن باب الذوق ارسلت له ايميل افدته باني استلمت I-20
الفيزا قصتها قصه .. حاولت مثل ما قلت لكم انه يسوي لي خصم لان عرضه كالتالي:
موعد مستعجل 2500 ريال
موعد عادي 1800 ريال
والله يا خوان اني سالته اكثر من مرة واكثر من موظف عندهم .. اذا حجزت عادي متى يصير موعدي
مرة يا خوان يقول شهر ونص ومرة يقول 3 اسابيع ما تعرف لهم من وجهه
طلعت ورحت لمكاتب ثانية وسالت عن تكلفة حجز موعد وانهاء الاجراءات كاملة حقت الفيزا اكثر من مكتب قالي 1600 ريال .. وسالتهم فيه شي اسمه موعد مستعجل وموعد غير مستعجل
قالوا مافيه نختار لك اقرب موعد وبس
الله يهديهم بصراحة .. يلعبون على جهل الناس ..
وما حبيت اذكر اسماء وعن الغيبة رغم اني ما ذكرت الا الي صار معي بشكل عام بدون تفصيل .. ولو فصلت يبي لي اكثر من صفحة عشان اكتب موضوعي فيه .. فحبيت اذكر تجربتي
ملاحظة: سالفة مكتبهم في امريكا .. مالهم مكتب ولا شي .. هم يعرفون اشخاص يعملون في الجامعات والمعاهد اللي يتعاملون معها فقط لا غير ويعطون الشخص مبلغ يكون متفقين عليه مقابل انه يخلص لهم امورهم .. تصدقون قبول جامعة لدرجة الماستر تخصص ادارة اعمال يجي في يومين ؟؟
قال: ما المعهد ما يوفر سكن .. المعهد يوفر سكن وفيه نموذج عندهم يوم دخلت على موقعهم
وهذا رابط النموذج http://unex.uci.edu/pdfs/forms/intl_application.pdf
بس هو يرفض لان فيه دفع رسوم غير مسترده تتجاوز تقريباً 150 دولار .. وفيه عندهم استقبال في المطار .. خدمات حلوة بس المكتب يقول ما يوفرونها .. عشان ما تقل ربحيته
كويس انك حجرت لهم هههههههههههههههههه
المكاتب احيانا تلعب العاب ماتدري ايش مصلحتهم من وراها وترى الفيزا شغلتها بسيطة جدا لو تبغاني اسويها في عشره دقايق اخلصها مجانا بس نبغى دعواتك
بس عندي سوال انا لغتي ضعيفة فاكلمت شخص مبتعث بامريكا يجيبلي قبول واديته مقدم 100 عشان اعرف انك وقالي بعد ماتستلم القبول ادفعلي الباقي
سوالي هو كيف اعرف ان القبول مو مزور ؟ ايش الطرق الي ممكن اعرف فيها
معتز الحربي 2 September 17th, 2014, 07:07 AM
7 " هل طلب منك المكتب خطاب الغرض من الدراسة؟
Ahmed_1988 September 23rd, 2014, 10:39 PM
7 " اشكرك اخ عبدالله على التنبية وكفانا الله من شر كل نصاب وكذاب
احمد11111 March 17th, 2015, 01:37 AM
7 " السلام عليكم
الله يجزاك خير أخوي عبدالله ويجعلها بموازين حسناتك ، والله انك أفدتنا يالغالي ، أنا مريت المكتب وقالي ما أجيب لك إلا قبول ادارة أعمال خلال يومين زي كلامك ، لكني رفضت لأني أبي ادارة هندسية وما أقدر أنظم للبعثة إلا اذا كان امتداد للتخصص ، اذا فيه امكانية تفيدني بمكاتب ثانية ممكن تساعدني بالقبول أكون لك من الشاكرين
engm7md March 17th, 2015, 05:02 AM
7 " وعليكم السلام ورحمة الله وبركاته
الله يوفقنا وياك لكل خير
المكاتب كثيرة وانا اخوك متواجدين عند وكالة الوزارة للبعثات الي في شارع العليا
وراى المبنى فبه كم مكتب
وعلى شارع العليا في كم مكتب
وشارع الثلاثين (الامير سلطان ) اذا صار التميمي على يسارك امش سيده ويصير ماك على يسارك امس سيده يجي على يسارك فندق المسافر
بعده بمسافة تجيك مكاتب عزى يسارك
بعض مكاتب خطوط الطيران تجيب قبول
فيه واحد اذكر اني شايف له لوحة في محله
جمب مكتب اومكس الي في السليمانية الي في عماير الصفوة حقت الراجحي
عبد الله راشد March 17th, 2015, 06:00 AM
7 " يعطيك العافية أخوي عبدالله ، ماقصرت كفيت ووفيت
engm7md March 17th, 2015, 12:51 PM
7 " بجرب أكلمهم في البحرين ، الله يجزاك خير ومشكورة اختي smoth
engm7md March 17th, 2015, 12:53 PM
7 " 
LinkBack URL
About LinkBacks
September 16th, 2014, 01:00 PM
تجربتي مع مكتب مستقبلي للقبولات
اعطاني احد الزملاء رقم مستقبلي وقال انه يجيب قبولات وشغلهم سريع( زميلي حالياً في امريكا في Texas ) .. قال انهم يبجون قبولات بسرعة .. فتحمست ورحت لهم اذا بسرعة
طبعاً ياخذون 2500 ريال .. وفيه غيرهم على 1600 واقل بعد
في تاريخ 14/05/2014 رحت للمكتب وطلبت منه ان يجيب لي قبول من معهد اكاديمي وقبول جامعي لدرجة الماجستير فعرض علي مجموعة من المدن والولايات بنسبة 90% كلها في كاليفورنيا .. فقلت له انا ابي ولاية شرق لا توديني هناك غاااااالية هالولاية ولا لي حيلة عليها خصوصاً اني طالع على حسابي الخاص
بدأ يقدم لي بعض المعاهد في الشرق قال ممكن اجيب لك قبول معهد في ولاية بنسيلفينا او متشقن او .. ام ام ام .. وقال غير مضمون
بس اذا تبي معاهد ممتازة مالك الا الي في كاليفورنيا .
طبعاً طلبت منه يعطيني اسماء المعاهد الي عنده فرفض حتى ادفع فلوس ضغط عليه وعطاني المعاهد ... حقيقة عرض علي معاهد ممتازة جداً اكاديمياً لا تحضرني حالياً اسماءها ولكن من ضمنها معهد Irvine
هذا بخصوص المعهد
اما بخصوص الجامعة فعرض علي جامعتين فقط قال اجيب لك قبول منها سهل وبسرعة ومن هالكلام
الجامعة الاولى جامعة Mercer University
الجامعة الثانية Wayne State University الجامعة في منطقة غير امانة نسبياً
فرفضت في البداية الجامعتين في البداية لسبب ان لي رغبة في الحصول على قبول مشروط من جامعة Creighton تعطي قبول مشروط حسب ما قريت في موقعهم
فطلبت منه يجيب لي قبول فقال ما تعطي قبول مشروط فقلت له ادخل موقعهم ودخل وشاف بعينه .. وكان هدفي اني ادخل معهد جامعة Creighton
المهم ان الشخص اخذ اوراقي وقال يبي لك من شهر الى شهرين عشان نجيب لك قبول
بعد ثلاثة اسابيع وانا رايح امشي في طريق الملك عبد الله قلت خلني امره واشوف وش الاخبار قبولي .. مريته وقال للاسف تم الرفض .!!
فستغربت وقلت في نفسي كيف تم الرفض ولا دق علي طيب ؟
فقلت له كيف تم الرفض ؟ قال: اصبر اشوف وراح دخل في في الغرفة الدخلية في مكتبهم ورجع وقال انه طالبين شهادتك الاصل والسجل الاكاديمي الاصل ؟!!
قلت له كيف يطلبون الاصل يا اخي وهم ما عطوني قبول ما فيه جامعة تسويها في العالم الا اذا اخذت القبول المضمون مش المشروط حتى ..
قال هذي طلباتهم .. فقلت له بعطيك اوراق رسمية تفيد بمصداقية كل شي .. عطيته صور مصدقة من الجامعة لشهادة و السجل الاكاديمي وقلت له: شف شهادتي فيها موقع الكتروني حق الجامعة بلغهم انهم يقدرون يتاكدون من مصداقية شهادتي بالتواصل عن طريق الرابط في الشهادة .. قال كذا ممتاز ( حجرت له )
عاد وانا رايح اصدق اوراقي في الجامعة سألت الموظف هناك
قلت له: فيه جامعة تطلب الشهادة الاصل والسجل الاكاديمي الاصل في امريكا؟
قال انتبه تعطيها احد الا أذا قبلوك وحصلت على شي يثبت انه عطاك قبول عشان لو ضاعات اوراقك تقدر تطالبه فيها .. ولا فيه جامعة تطلب اوراقك الاصل الا اذا عطوك قبول .. قلت خير ان شاء الله
وبعد سبوعين دق علي المكتب وقال انهم طالبين التوصيات الاصل وعليها ايميل الدكتور ورقمه عشان يكلمونه ..!!؟
فقلت له اوكي خلاص كنسل فكرة طلبي ما عاد ابي ادرس خلاص هات الدراهم خخخخخخ
فقال نجوم السما اقرب لك .. خخخخخخخ
المهم حاولت اني اتفاهم معه بشكل هااااادئ جداً .. ما احب المشاكل و عرفت من كلامه ان وراه ظهر
فبحثت وتتبعت المكتب وصاحبه فعرفت ان له علاقة بشرطة العليا .. ومن افادني قال تجي شكاوي عليه لشرطة وتتكنسل فحاول تطلع منه بدون مشاكل لانك خسران .. الا اذا انت عندك ظهر اقوى منه ..
قلت له اوكي ما عندي مشكله بروح له بخليه يدبر لي قبول وخلاص .. الدعوة مهيب عناد
وقلت له طيب جب لي قبول من معهد جامعة كرايتون .. خلاص ما نبي قبول جامعي منها القبول الجامعي نجيبه من اي جامعة .. قال كلمتهم من اول ورفضوا
وقلت له ابي معهد جامعة دنفر .. قاله بصريح العبارة هالمعاهد ما تعترف فينا ولا تعطينا قبول مستحيل ..!! عرفت انه تكلم من غير وعي .. لاني وترته من كثر ما اطلب معاهد اكاديمية ممتازة في مدن رخيصة ..
كان متوقع اني جاي على وجهي .. ما درى اني لاف امريكا لف في قوقل وقوقل ايرث ومبتعث
المهم اني عند خبرة معلوماتية لا يستهان فيها عن المعاهد وعن الجامعات .. بفضل الله ثم فضل اخوانا الي يكتبون في الموقع
فقررت اختار معهد جامعة ارفاين .. وقال خلال 3 اسابيع اجيب لك قبول باذن الله
والجامعة قال بختار لك جامعة مرسي في جورجيا اسرع وقال خلال شهرين بالكثير الى شهر
والله يا اخوان القبول الجامعي جاني بعد يومين
والمعهد فعلاً اخذ 3 اسابيع بالضبط
وكانت طالب منه تكون دراستي في 07/01/2015 عشان يمديني الحق على الملتقى .. واخلص اجراءاتي على راحتي .. حاس وجاب قبولي في 01/04/2015 قلت له متب صاحي .. قال ما عليش اعدل لك القبول
راسلهم من جديد .. طبعاً المكتب عنده نظام تعديل موعد دراسة بــ 500 ريال
بسبب انه غلطه هو قال مجاني خخخخخخخخخخخخ
وقلت له بعد كم يوم يجي قبولي الجديد عشان اقدم على الفيزا ؟
قال يبي له اسبوع الى اسبوعين قلت له اوكي
تصدقون اني اقدر اقدم على الفيزا لو عطاني رقم السيفس والسكول نمبر الي مكتوبة في I-20 الي جا تاريخه بالغلط .. بس يحب يماطل او ما ادري وش قصته من مكتب
وتصدقون يقدر يدق على الجامعة ويطلب منهم رقم السيفيس والسكول نمبر قبل ما يجي الايتوني عشان اقدم على السفارة .. ولا سواها .. تصدقون انه يقدر يعطني رقم الشحنة اذا الجامعة ارسلت I-20 عشان اقدر اتتبعها عن طريق موقع الشركة الي تقوم بالتوصل مثل ارمكس او فدكس او دي اتش ال .. ما سوها
ماطل فيني لين عجز .. ^_^
بعد اسبوعين تقريباً وانا رايح امشي على طريق الملك عبد الله قلت خلني امره قلت هاه كم باقي قال اسبوع
وراح داخل مدري وش اشغله عني .. شوي وجا خويه وجلس على المكتب الثاني .. وقلت له كم يبي له عشان ياصل I-20 حقي .. قال 3 اسابيع قلت له شلون 3 اسابيع وانا الحين صار لنا اسبوعين ..!؟؟
قال كذا نظامهم قلت له يا اخي خويك قبل شوي يقول اسبوع وانت تقول 3 اسابيع
هل السالفة كل واحد ينطل كلمة من راسه ..؟
قال هو قالك هو يتحمل كلامه ..!
وجا خوينا الاول .. وسأله قال كم قلت لعبد الله ويجي I-20 الجديد حقه قال بناء على ما قال مكتبنا في امريكا اسبوع .. المهم اني طلعت منهم وعرفت ان الدعوة خبصه
ملاحظة : طلبت منه I-20 حق الجامعة قال ما تحتاجه الحين .. تحتاجه اذا جيت تطابق اوراقك ... وسكت ما قلت شي له
ولاحظت ان كل من طلب I-20 قاله انت ما تحتاجه الان
ما ادري ليه يمسكه عنده ما يبي يسلمه لاصحابه .. ؟!
المهم ما جا الصبح الا وانا عنده افتح معه المكتب .. ^_^
وادخل عليه واخمه بالكلام واساله عن اني ابي سكن في المدينة عن طريق المعهد خلهم يوفرون لي سكن وان تيسر يوفرون لي سكن مع عائلة .. قال المعهد ما يوفر .. بناء على خبرتنا ما معمرهم وفروا سكن مستحيل .. المهم خلا المسالة معقدة في وجهي .. واسولف معه عن رسوم الفيزا انه يراعيني فيها ويسوي لي خصم .. ( قصة الفيزا بكتبها لكم في اخر الاخير بس اخلص من قصة القبول اول )
فخميته بالكلام وطلبت منه I-20 حق الجامعة .. وقال موجود قلت له طيب جبه ابي اشوفه الا اذا ممنوع ؟؟
قال لا حقك المهم جابه لي .. والله ما تتخيلون كيف كان وجهه ووجه زميله وهو يقدمه لي تغيرت وجيههم .. احس انهم بيتهاوشون بعد ما اطلع .. المهم اني قلت هذا الاصل سويت نفسي غشيم قال ايه .. قلت له اوكي باخذه معي ماله داعي يقعد عندكم ^_^
ووقعت على ورقه استلام القبول ..
ويوم جا العصر وانا طالع من الدوم ثاني يوم طبعاً قلت خلني ادق اشوف وش صار .. ^_^ نشبت لهم
الا يرد علي واحد ثالث .. وسالته عن قبولي قال موجود ..!! قلت كيف ..!!
قال لا I-20 القديم موجود الي تبدا الدراسة في شهر اربعة
الجديد ما بعد وصل .. قلت له كم يبي له ويوصل .. قلت له اسال مكتبكم بالله في امريكا خخخخخخخخ
قال يبي له 3 اسابيع .. !! هنا طلع في راسي نخله .. وطقتني الوساويس .. ليه يسوي يسوون كذا معي مهوب راكدين .. كل واحد ينطل كلمه
والهمني ربي ادق على الجامعة .. وادق عليهم وتكلمني موظفة جعل ربي يهديها للحق .. ودي اعطيها عيوني على خدمتها لي ^_^
شرحت لها الوضع اني مقدم موعد دراستي ومن هالكلام فتحققت مني بس وش اسمك مثل ما هو مكتوب في الجواز اساله بسيطة .. وعطيتها السبحة كاملة قلت لها اسم المكتب وعنوانه واساعدها في نطق بعض الكلامات .. مثل شارع العليا ما عرفت تنطق العليا زين فعززت لها ^_^
المهم انها تاكد مني .. فسالتها عن I-20 تصدقون يا خوان قالت جاهز للارسال ..!!
واعطيها عنواني .. وقلت ارسليه لي .. لا ترسلينه للمكتب .. قالت OK
وطلبت منها ترسلي رقم الشحنة قالت اوكي .. شوي الا رقم الشحنة على ايميلي 4 ايام و I-20 عندي في بيتي تصدقون ؟
المكتب انهبل دقدق علي وسحبت عليه .. ومن باب الذوق ارسلت له ايميل افدته باني استلمت I-20
الفيزا قصتها قصه .. حاولت مثل ما قلت لكم انه يسوي لي خصم لان عرضه كالتالي:
موعد مستعجل 2500 ريال
موعد عادي 1800 ريال
والله يا خوان اني سالته اكثر من مرة واكثر من موظف عندهم .. اذا حجزت عادي متى يصير موعدي
مرة يا خوان يقول شهر ونص ومرة يقول 3 اسابيع ما تعرف لهم من وجهه
طلعت ورحت لمكاتب ثانية وسالت عن تكلفة حجز موعد وانهاء الاجراءات كاملة حقت الفيزا اكثر من مكتب قالي 1600 ريال .. وسالتهم فيه شي اسمه موعد مستعجل وموعد غير مستعجل
قالوا مافيه نختار لك اقرب موعد وبس
الله يهديهم بصراحة .. يلعبون على جهل الناس ..
وما حبيت اذكر اسماء وعن الغيبة رغم اني ما ذكرت الا الي صار معي بشكل عام بدون تفصيل .. ولو فصلت يبي لي اكثر من صفحة عشان اكتب موضوعي فيه .. فحبيت اذكر تجربتي
ملاحظة: سالفة مكتبهم في امريكا .. مالهم مكتب ولا شي .. هم يعرفون اشخاص يعملون في الجامعات والمعاهد اللي يتعاملون معها فقط لا غير ويعطون الشخص مبلغ يكون متفقين عليه مقابل انه يخلص لهم امورهم .. تصدقون قبول جامعة لدرجة الماستر تخصص ادارة اعمال يجي في يومين ؟؟
قال: ما المعهد ما يوفر سكن .. المعهد يوفر سكن وفيه نموذج عندهم يوم دخلت على موقعهم
وهذا رابط النموذج http://unex.uci.edu/pdfs/forms/intl_application.pdf
بس هو يرفض لان فيه دفع رسوم غير مسترده تتجاوز تقريباً 150 دولار .. وفيه عندهم استقبال في المطار .. خدمات حلوة بس المكتب يقول ما يوفرونها .. عشان ما تقل ربحيته