استفسار ضروري جداً ، والله يوفقكم احتاج مساعدتكم..

السلام عليكم ورحمة الله وبركاته ..
انا موظف قطاع خاص؛ وطموحي اكمل دراستي.. ان شاء الله " ماستر "
عندي خطة وهي أني اقدم على برنامج وظيفتك بعثتك ١٣
وإذا تم قبولي كان بها ..
لكن اذا لا سمح الله لم يتم القبول .. أبغى اطلع على حسابي الخاص!
لكن .. هل اذا سجلت ببرنامج وظيفتك بعثتك يسمح لي أسجل أيضاً بالتقديم على الدارسين على الحساب الخاص؟
أم انا مجبر بواحدة منها ! وانتظر سنة اخرى عشان اقدم على الحساب الخاص؟
..

ما أعتقد إن سيستم الوزارة يقبل بتقديمك على البرنامجين بنفس الفتره!

لابد من الإنتظار حتى تحصل على النتيجة النهائيه لك بالمرحلة 13 بالقبول أو الرفض!! أكيد أقل من سنه!!!

ولكن من باب الإستفاده من الوقت وعدم إضاعته بفترة أجراءات البعثه 13 ...حسن لغتك الإنجليزيه قدر ما تستطيع بكل الوسائل المتاحه لك وانت على رأس العمل إستعدادا للدراسه على الحساب الخاص لاحقا!

وبعد تأكدك تماما ويأسك من القبول بال13 ...ألغي تقديمك أو أنسحب منه ...على شأن يطلع أسمك من السيستم...تعرف على شروط الدراسه الخاصه كامله وأبدأ بأجراءات فتح الملف بالوزارة للموافقه على ذلك!!



أيضا بالنسبة لدراسة اللغة ، هل اجيب قبول معهد أو قبول جامعة؟
لانه ماقد درست إنجليزي قبل ! ولكن معدلي الجامعي جيد جداً
..

قبول المعهد كافي إذا أنقبلت بالبعثه 13



بعدين .. كم تاخد وقت عشان استخرج فيزا دراسة وموافقة دراسة على الحساب الخاص وأحضر الملتقيات تبعها؟

ما أتوقع انها تأخذ وقت كثير جدا.... والملتقيات الظاهر إنها ألتغت!




وهل الإجراءات هذي اقدر اخلصها وانا موظف ؟ بعدين قبل السفر استقيل .. أو ملزم أني استقيل؟ عشان أخذ موافقة دراسة ؟ واطلع تأشيرة و و و ..
..

خذ راحتك في ذلك!

ولا تستقيل من عملك إلا قبل سفرك مع التأكد إن أسمك تم شطبه من التأمينات الإجتماعيه!!



ارجوا المساعدة ..
وعسى الله يوفقكم ويحقق لكم اللي تتمنون يارب