LinkBack URL
About LinkBacks يارررررررررررب بالتوفيق وتتسهل امورك يارب
7 " 
المرافق الدارس في الجامعات السعوديه ... ايش الحل .. ساعدوني بليز
المرافق الدارس في الجامعات السعوديه ... ايش الحل .. ساعدوني بليز
تنبيه: هذا الموضوع قديم. تم طرحه قبل 5976 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
- 7 "فرجك يارب
سهل جدا المرافق يعادل الساعات و يكمل دراسة و هالكلام موجود بلائحة الابتعاث بموقع الوزارة
الزوجة الدارسة في مرحلة اللغة تمهيداً لإلحاقها في أي مرحلة من مراحل التعليم العالي تدفع عنها الرسوم الدراسية وتلحق بالبعثة بعد حصولها على قبول صريح من جامعة موصى بها لدى الوزارة في أي من التخصصات الآتية :
( طب - علوم طبيه - صيدلة - رياضيات - محاسبه - حاسب آلي - قانون - لغة إنجليزية - اقتصاد منزلي - علوم صحية - صحة عامه - تعليم خاص - لغات - إدارة مستشفيات - إعلام - رعاية كبار السن - قراءات - عمارة وتصميم ) .
4- الزوجة التي درست في إحدى جامعات المملكة أو ما يعادلها مدة لاتقل عن ستة شهور ما يعادلها في غير التخصصات المشار إليها في الفقرة (3) من هذا البند يمكن إلحاقها بعضوية البعثة في التخصص الذي درسته بعد إنهائها لمرحلة اللغة وحصولها على قبول صريح من جامعة موصى بها من الوزارة على ألا يقل عدد الساعات المحولة ( المعادلة ) عن 40 ساعة في الجامعة التي قبلتها .
طبعا اللي ينطبق ع لزوجة ينطبق ع المرافق
اما بالنسبة لتخصص اخوك سويت بحث ع الجامعات المعتمدة من الوزارة في كندا و اللي تدرس تخصص هندسة و هذه كانت النتيجة:
http://app.mohe.gov.sa/education/Eng...echnology.aspx
انا ماعندي خلفية بتخصصات الهندسة بس يمكن اخوك لو شاف التصنيفات راح يعرف تحت اي قسم يندرج تخصصه و بسهولة يروح لموقع الجامعة عشان يشوف هل تخصصه متوفر او لا
اتمنى اكون افدتك و بالتوفيق ان شاء الله
ربي يسعدك يااااااااااااااااااااااااارب دنيا واخره
ما تعرف كيف افدتنى بالمعلومات
بازن الله بس اجتمع مع اخويا اوريلو التخصصات واشوف الوضع كيف
والله يسلهلها ويفرجها من عندو
ومرا شكرن على خدمتك
- 7 "تخصص maintenance الموجود في كلية ينبع الصناعية يندرج تحت تخصص الهندسة الميكانيكية Michanical Engineering . وطبعا هاذا التخصص مررة قوي وجيد في كندا وموجود في اغلب الجامعات.
واما بالنسبة لمعادلة المواد فهذا الموضوع اللي متعبني ومحيرني انا كمان, بس في كتيير يقولوا انو في جامعات في كندا تعادل ساعات الدبلوم وانا الى الى الان ابحث وازا لقيت شي راح اضيفوا هنا.
الله يعينك يااختي عليكم بالبحث ومراسلة الجامعات وتسئلوهم ازا يعادلو الساعات ولا لا.
وازا ماحصلتوا في جامعة فلا تيأسوا (ترا في جامعات في كندا تعادل) بس تختلف من جامعة لجامعة في جامعات تعادل وجامعات لا .. وانتو وحظكم.... وبالتوفيق ان شاء الله.
الله يسعدك يارب يا يودي
والله لو اعرف كيف اراسل الجامعات وايت جامعات كان سويت من اول
بس اه يا قهر والله منى عارفه والمصيبه حتى اخويا مرا متكل عليا
ومو سائل حتى اقله بس روح الكليه عندك واسالى عن بعض الاشياء
وعبال ما جبلى الرد عليها فقع قلبي
الله يخليك اى معلومه تحصلها ممكن تضيفها
والله يسعدك يارب ويفرجلك همك دنيا واخره
- 7 "
اهلين امونه
لا عايدى يا قلبي ما يحتاج تتاسفي
ايوا هستنى ايش بيدى كمان
بس برضو لو استغل الوقت دا برضوا واخد فكره بدل ما تطربق الدنيا على راسي بعدين
والله انى بكتب الرد وابكى من جد قلبي محروق
كيف اهلى عشمونى بعدين يقهرونى زى كدا
الله يختارلى الى في الخير
دعواتكم
ومرا شكرن على مساعداتكم كلكم - 7 "
اميـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــن
الله يسمع منك يارب
مرا شكرن ياقلبي والله من جد شكرن
- 7 "الله يسعدك يارب يا يودي
والله لو اعرف كيف اراسل الجامعات وايت جامعات كان سويت من اول
بس اه يا قهر والله منى عارفه والمصيبه حتى اخويا مرا متكل عليا
ومو سائل حتى اقله بس روح الكليه عندك واسالى عن بعض الاشياء
وعبال ما جبلى الرد عليها فقع قلبي
الله يخليك اى معلومه تحصلها ممكن تضيفها
والله يسعدك يارب ويفرجلك همك دنيا واخره
لا تشيلي هممممممممم - هونيها وتهون - باذن الله, اللي ربي كاتب فيه الخير هو اللي حيسير
وابشري مايصير خاطرك الا طيب.. ازا حصلت اي حاجة او معلومة حأعطيكي هيا. - 7 "
دقيييييقة... سؤال مهم: اخوكي على وشك تخرج؟ او كم باقيلو عشان يتخرج من الكلية؟
ياليت تحددي باقيلو ترم ولا سنة؟؟!! ضروري جدا وفي اقرب فرصة - 7 "ربي يسعدك دنيا واخره ياااااااااااااااااااااااااااااااااااااااااارب
اخويا لسه دوبو سنه تاني
بس سنه تحضيريه اخد
بعدين اجل ترم
ودحين سنه تاني اظن مستوى رابع
بس انو اهلى لى مصرين على انو يكمل فى نفس التخصص
يقولو عشان اول ما يرجع تكون وظيفته مضمونه فى نفس المصانع حقت الكليه وزي كدا
ما ادرى ازا كمل برا فى نفس التخصص هيلاقى وظيفة محترمه زي الى درس هنا فى كليتهم
ولا مع نفسي انا اروح انتحر احسن شي هههههههههههههههههه
الله يسعدك يا يودى والله ريحتلى قلبي - اهااااااا.... قولي كدا من البداية..خوفتيني ياشيخة, انا كنت احسب الموضوع معقد اكتر من كدا, لكن طلع الموضوع مافي اسهل منووو..7 "
ياستي حطي في بطنك بطيخخخخة صيفي>>> على قول المثل..
واتوكلي على الله وروحي اطلعي البعثة ودررربك خضررررر... باذن الله.
ربي يسعدك دنيا واخره ياااااااااااااااااااااااااااااااااااااااااارب
اااااامييين ياااااارب, و انتي كمان.
بس انو اهلى لى مصرين على انو يكمل فى نفس التخصص
يقولو عشان اول ما يرجع تكون وظيفته مضمونه فى نفس المصانع حقت الكليه وزي كدا
(الله يحفظلك اهلك يارب ويجعلك فخرا لهم).. بالنسبة لدا التخصص اللي هو Mechanical Engineering . موجود تقريبا في كل جامعات كندا والقبول فيلو سهل.
ما ادرى ازا كمل برا فى نفس التخصص هيلاقى وظيفة محترمه زي الى درس هنا فى كليتهم
(مع احترامي لكل جامعات السعودية).. لاتقارن كليات وجامعات السعودية بجامعات ودراسة كندا.
وازا رجع بشهادة هندسة من كندا ان شاء الله حيلاقي وظيفة احسسسسسسسسن من محترمة(محترمة بقوة). وفي النهاية هاذي الوظايف كلها قسمة ونصيب وبتوفيق من رب العالمين..كل مين ياخد رزقه ونصيبوا.
الله يسعدك يا يودى والله ريحتلى قلبي
ويسعدك انتي كمان يااارب ويحققلك كل امنياتك.
....وبالتوفيق ان شاء الله.... - بالنسبة لاخوكي وضعوا الان افضل من وضع الطالب اللي يكون دوبوا متخرج من الثانوية. فوضعوا دحين مرررة حلو ومناسب, ونقدر نلخصها في الاسباب التالية:7 "
1. اكتساب اللغة : لانو طبعا معروف انو الدراسة في كلية ينبع الصناعية باللغة الانجليزية وخصوصا في السنة التحضيرية لانو في مواد انجليزي مكثفة. فبالتالي اتطور مستواه في اللغة سواء في الدراسة الاكاديمية او في اللغة بشكل عام.
2. التعرف على الوضع الاكاديمي بالنسبة للجامعات والكليات من ناحية الانظمة والدراسة, لانو زي مانعرف انو نظام الدراسة في الجامعات يختلف تماما عن نظام الدراسة في المرحلة الثانوية. فبالتالي نقدر نقول انو اخد خبرة ومعرفة تامة بنظام الجامعات والكليات.
3. (ازا كنتوا من سكان المدينة المنورة) فهذا يعني انو اغترب عن اهله, وراح مدينة تانية -وهذي تسمى غربة-. وجرب العزوبية والاعتماد على النفس, وكوّن شخصية وثقافة جديدة, وبالتاكيد تجدي انو ثقافته توسعت واصبحت ذات افق اعلى.
فبالتالي لما يروح برا (على سبيل المثال كندا) فإن الغربة حتكون عندو شي عادي ويمكن ان يتأقلم معاها بسرعة.
وارجو اني ما اكون أزعجتكم بفلسفتي, بس صدقيني هادا كلام واقعي ومن مجرب..
واتمنى اني اكون افدتكم ولو بالشي القليل.
------- واسف على الاطالة -------
