غسلو عقل زوجتي .. الحل يا اخوان ؟؟؟؟؟؟

يا سبحان الله

تصدق كنت هاليومين مخطط اني الغي البعثة بس كذا مزاج . ويوم شفت موضوعك واصرارك على البعثة وما تلاقيه من هموم ومشاكل قلت والله العظيم اني ماأرفس هاذي النعمة برجولي واحافظ عليها مثل عيوني

اللهم لك الحمد والشكر يا رب

اشكرك كل الشكر على التغيير الرهيب الذي احدثته في نفسي وانت لم تكن تعلم ..

ايش يعني اذا والد زوجتك مايبي بنته تطلع وتتغرب وتشوف الانفتاحيه الي خارج
خليته شيخ
هو الشيخ مثلا بيعبدك ولا يعبد ربه

قال صلى الله عليه وسلم((إن الرجل ليتكلم بالكلمة من رضوان الله تعالى ما كان يظن أن تبلغ ما بلغت يكتب الله بها رضوانه إلى يوم يلقاه وإن الرجل ليتكلم بالكلمة من سخط الله ما كان يظن أن تبلغ ما بلغت يكتب الله له بها سخطه إلى يوم يلقاه))


وانا والله لو أني ابو لاحدى البنات لمنعتها من السفر بأي شكل من الاشكال
وهذا رأيي
والناس لايمكن ان يتفقوا على رأيي واحد ولو استطاع الناس ان يتفقوا على رأي واحد لما وقعت المشاكل والحروب

اخوي معليش
لكن هذي بنته موب لعبه يطلعها الى اي مكان يخاف عليها فيه
وهو مسؤول امام الله عنها يوم القيامه
واتق الله في لسانك
الشيخ او غيره يطيع الله وانتبه من كلمه ترديك وانت ما تدري

وتقول غسلوا عقل زوجتك
والله ياخوي اعذرني لكن في نظري انت الي مغسول العقل
تقول خلي ابوها يشبع منها وانا طالع طالع ماعلي فيها؟؟
الى ذا الحد حبيت نفسك وبغيتها تطلع بس عشان تكمل دراستك أنت ؟؟؟؟؟

وانا لا احكم على النيه ولكن ظاهر الكلام يدل على ذلك
واذا كنت ترى عكس ذلك فلماذا تريد الذهاب ولو من دونها للدراسه
واذا كان لايسمح لك بلالتحاق في البعثه اذا كنت مرافقا هل كنت ستغضب كل هذا الغضب

اما الاولى فقد قلتها صراحه انك سوف تذهب ولو من دونها للدراسه
والثانيه فأن عضبك واضح منه أنه ليس حبا في زوجتك لاكمال دراستها وانما هو لك لكي تكمل دراستك الجامعيه فقط عن طريق الانضمام للبعثه من بلد الدراسه حيث ان المرافق يستطيع ان يلتحق بالبعثه متى ما أراد

ولو كنت تريد لها ان تكمل دراستها لذكرت على الاقل شيئا من هذا القبيل في الموضوع ولقلت على الأقل أنك عضبان من أجل أن زوجتك لاتريد الذهاب الجامعيه لكي تتفوق في حياتها

وأنا اعرف شخصا يريد الذهاب مع زوجته ليكمل دراسته ولكن والله هو الذي منعها من الذهاب مع أنه يريد ان يكمل دراسته والاثنان مستفيدان
ولكن لا يريد أن يضع امرأته في مجتمع انفتاحي بل نقول جنسي اكثر من انفتاحي وهذا الشيء لا يختلف فيه عاقلان
وانا اسأل اكثر طلاب البكالوريوس بحكم أني اعرفهم فأسأل ليش تبون بعثه قالوا عشان.............
لا يحتاج أكمل فالجميع يعرف الجواب مسبقا
صحيح انه هنالك الشيء الحسن ولكن الغالب يحكم الشاذ مهما كان

وانا اكرر لا أحكم على النيه ولكن أحكم على الظاهر من الكلام



والله يستر عليك وعلى زوجتك
واسئل أن يهديك ويرجع عقلك اليك

{ عسى ان تكرهوا شيئاً وهو خير لكم }

اخوي انت ماتدري وين الخيره ..؟
يمكن هذي البعثه شر بحياتكم و ربي له حكمه لما خلا ابو زوجتك يوقف بطريقكم ..
"ابيك تؤمن إيمان تااااام ان لو البعثه فيها خير ..
ربي بيجعلها من نصيبك و لو فيها شر راح يبعدها عنك "


اخوي انا جربت معنى الإحباط عشان كذا فاهمه شعورك اللي خلك تكتب هذا الموضوع ..
ولكن لا تيأس لسا قدامك فرصه تصلح اللي خرب ..
ركز في تعاملك هالفتره مع زوجتك ( إكسبها و خلها بصفك )
عاملها بحب و حنان ..لأن هي مالها ذنب باللي يسويه أبوها ..
خلها تعرف انك انت راحتها من التعب و آمانها من اخوف و انك الظهر اللي تتسند عليه وقت الشده ..

لكن لما زوجتك تشوفك تتصرف بناءاً على مصلحتك و بس و انك تبي تسافر و تدرس بأي طريقه
راح تعرف انها مو مهمه عندك و ان البعثه أهم منها وقتها بتزيد الشكوك في راسها و بتقول ايييوه ابوي معه حق و يبدا الشيطان يخربها بينكم اكثر و اكثر ..

انصحك تسوي اللي قالته لك الاخت :

آخر شي اقوله عليك بالإستغفار و صدقني راح تعجبك النتايج ..
دعواتي لكم بالتوفيق ،،

بارك الله فيك اخي الفاضل

لم استطع النوم من ردك الوافي الكافي . . .

ما رأيك بمن اردا ان يحقق منى زوجته وان يعالجها في بلاد التقدم الطبي وعلى حساب الحكومة بحكم الابتعاث

وذلك ان علاجها في وطنه يكلف الكثير الكثير

لذلك قررت الالتحاق بالبعثة مما يخولني ارفاقها معي بدون شرط الدراسة

ثم تذكر اخي الفاضل ان كلام الغضبان لايحسب عليه

اجمل كلمة قلتها يالقيصر

وانا اكرر لا أحكم على النيه ولكن أحكم على الظاهر من الكلام

هذا ما اردت قوله وباختصار

اتمنى من احد الاخوة المشرفن حذف الموضوع

الحمد لله فيه ناس استفادت من موضوعي وصار عندهم اصرار وعزيمة وهذا من فضل ربي

استودعكم الله الذي لاتضيع ودائعه

حل المشكلة ولا تفكر تطلع بحسابك لان النظام شدوا فيه والشيء الثاني 100 الف يادوبها تكفيك

انا رائي من رائي عسوله جده بس اهم شئ تصلي استخاره وصدقني الشئ اللي كاتبه ربي ح يصير (عسى ان تكرهوا شيئا وهو خيرا لكم)

وشو لعب عيال هو

بعد ما سويت هذا كله تقول ماني رايحه

على كيفها هي ولا هي بس جالسه تلعب

على العموم انا لو محلك باخلي قدامها خيارين قبل ما اقول الخيارين هي ما سوت كذا الا لهالشي

يا اما انها معتبرتك هامش واخر تفكيرها هو انت

يا اما انت مفهي (واعذرني على هالكلمه) كلمه توديك وكلمة تجيبك

على العموم

انا لو محلك راح يكون لها خيارين

1- تكمل السفرة وتروح هناك وتدرس ولو هي اصلا ما تبغى ولكن تقديرا للاشياء اللي سويتها

2- تسمع كلام ابوها وبكذا انا لومحلك وربي لا اذبها عند ابوها ومعها ورقة طلاقها والسفرة راح اخذها ولو سياحة

والحرمه اللي ما تقدر زوجها وما تقدر تعبه ووقفته ما تستاهل تكون زوجه له

والدعوة الان ماهي بعثه وكلام فاضي

الدعوة فيها كرامه وتقدير لتعب الغير,,,

يعني هي سوت كمثل اللي تخدمه بالدوام تجيب له الورقه اللي يبيها وتوقعها من الكل و و و وتخدمه من عيونك

ويوم جا بالاخير خذاها وشقها قدام عينك,,

هذا اذا هو واحد من الدوام تفلت في وجهه

كيف اذا زوجتك؟؟

معليه رجعت

قسم بالله يا ان الموضوع لعب في اعصابي

ياخي صحيح ان الدنيا وصلت لدرجه دنائة غير طبيعيه

بس مو لهالدرجه..!!!!!

وين حق الزوج ووين تعبك ووين ووين

ويلوموني لما يقلقوني يقولون لي تزوج اقولهم مابي واجلس اتهاوش الى ما يغيرون الموضوع

اتزوج واخرتها كذا...!!

على العموم

سالفتك ذكرتني بسالفة قديمه وحبيت اكتبها

يقولك فيه شخص راح للضابط وقاله يا سعادة الضابط انا جاي اشتكي

قاله الضابط تفضل استريح ولو احنا بالخدمه بس على مين تبغى تشتكي

قال الرجال ابغى اشتكي على زوجتي

قال الضابط: زوجتك..!!!

قال الرجال: ايه زوجتي يا سعادة الضابط زوجتي ماهي مريحتني بالبيت ابد مغير غثا البيت كله هم وغم وبلاوي ولله صرت اكره البيت بسبتها اجي من الدوام تعبان وما فيه غدا ولا هي معطتني اكبر حقوقي كزوج وهو اول حق لي عندها وكل ما طلبتها تقولي تقلع

قال الضابط: اهااا..!!! طيب ممكن تعطيني عقالك؟؟
قاله الرجال: ابشر
الضابط: نادا الجندي اللي عند الباب وقاله يا جندي سكر الباب ولا احد يدخل علي مهما كان

بعدها قام الضابط وفتح العقال وصار يصمخ الرجال ويطقه ويطقه اليييين عض الارض

بعدين قاله الضابط: شفت هاللي جاك هذا عشان تتذكر مين انت..!!!

وبس

اتمنى كل التوفيق لك
لكن انصحك نصحية من القلب استخير ربك
والدنيا بخير اطلع انت واذا هدت الأمور مع عمك جيب اهلك
والله يسترك دنيا وآخره
بالتوفبق لكل شاب وشابة في الابتعاث يارب واحفظ دينهم
اخوك ابو شنب