غسلو عقل زوجتي .. الحل يا اخوان ؟؟؟؟؟؟

يمكنها خيرة

ولاتلومها مو بيدها

انت لو تبغى بعثه روح على حسابك واطلب الحاق بالبعثه

وهي مالها ذنب ان ابوها رفض يمكن تبغى رضى ابوها

اذا تقدر تقنعها كان بها

واذا ماتقدر حاول تشوف لك حل

بصراحه الله يكون في عونك ويفرج همك يارب
هذا الكلام إللي راح أكتبه موجه لزوجة طالب محبط..... أرجوك ياأخي تخليها تقراه

أنا مبتعثه من المرحلة الرابعة وزوجي مرافق معايه وراح يكمل دراسته كمان ولمن كلمت أبويه من باب العلم بالشي رحب بالفكرة وشجعنا ودعالنا...لأنه بصراحه لا أبويه ولا ابوه راح يدومون لنا ..
وهذا مستقبل عايلتي أنا وهوه وأولادنا يعني جميع أعضاء العايلة مستفيدين من السفرة هذي مو أنا أو هوه بس..
.ومارح أخلي سبب تافه أو خوف عابر يضيع عليه فرصة عمر وطموح سنين...

أختي الله يجزاك خييير إنتي قاعدة ترسمين مستقبلك بيدك,,وشوفي وش الرسمة إللي تحبيها تزين حياتك ؟؟مو رسمة بيت سعيد فيه زوجك حبيبك وابتسامة أطفالك فلذات اكبادك والأحلى من هذا كله إنه إنت السبب في هذي السعادة...شوفي كم بيكون لك من الأجر.
وأبوك على العين والراس بس.. رضا زوجك هو المهم وهوه جنتك ونارك..

طـالب مجتهـد ...

كثير يصير مثل كذا يامع الزواج او الزوجه ....

ولا تلوومها اابد البنت مهما كان لها اولاد وزوج حنوون ماتقدر تبعد عن اهلها من كثر مااهي ضعيفه

عكسكم يالرجال ممكن يزعل منك ابووك ومع ذلك تقدر تشق طريق حياتك ومافيه شي يووقف ضدك

اما اهي فلا مالها الا والدها ومهما يكن تراها عايشه معاك واهي مو ضامنتك ...

مو عن شي فيك بس العالم كلها تتغير الا ابوها وامها

ثانيا هل فكرت تجلس معها وتقعنها وتاخذ وتعطي معها ترى لابد تقول لها ان المستقبل لكم انتوا الاثنين

وابو البنت مفكر انكم رايحين عشانها فهو خاف ع بنته

فانت لا تزعل عليها ولاتكرهها بس ابتدااءا من اليوم النقاش اللي يدور بينكم واي اتفاق تاخذونه مايتغير بمين ماكان

وبيني وبينك اانا اعرف ووحده قدمت ع البعثه من غير علم ابوها واهي متزوجه لانها عارفه ان والدها راح يقنعها بالرفض بس لانها تبغى ترووح ماراح تقول له الا بعد روحتها الفعليه بشهر

يعني زوجتك غلطانه لما قالت لابوها وااهي عارفه ووش وجهت نظره وكيف تفكيره

الله يعينك .. استخير ..

السلام عليكم ..
انا ماقريت كامل الردود ولكن راح ارد عليك بكل عقلانيه ..

اولاً : هي زوجتك ، بمعنى في ذمتك وليست في ذمة ابوها .. فأنت وزوجتك قراركم بينكم
ثانياً : لما يعترض الأب مو معناه الرفض .. معناه عدم رغبة سفر .
ثالثاً : انت تزوجت البنت بحيث تكون ملك لك وانت ملك لها ، تنفذ اوامرك بما لايعصي الله ، والحمد لله مافيه اي مخالفه شريعه لمن تسافر لطلب العلم .
رابعاً : مع احترامي للزوجات ، في بعض القرارات تكون مصيريه .. مثل السفر للدراسه واشياء ثانيه تكون تحدد حياة الشخص ، لذلك القرار اذا كان سليم وميه بالميه صح يكون الجواب صارم حتى لو كانت زوجتك تخالفك وانت موضح لها الأسباب ..

اذا تبي رايي كلمتين قلها لزوجتك ..
( انتي زوجتي / في ذمتي / انا مسؤول عنك وليس ابوك ) (بتروحين معي / واذا ماتبين تروحين / خليك عند اهلك لما ارجع من البعثه )
والبنت قلبها طيب بتجي معك غصب ..

والله يكتب اللي فيه الخير لك ولها ويهدي ابوها

السلام عليكم
اولا اقول الله يكون في العون
قبل كل شيء
قول لا حول ولا قوة الا بالله
انا لله وان اليه لراجعون اللهم اجرني في مصيبتي واخلفني خيرا منها
ثانيا:
خل في بالك اخوي طالب محبط وان شاء الله امك متفائل
ان الواحد ما يعرف وش ربي كاتب له
وماتدري وعسى ان تحبو شيئا وهو شر لكم

لكن الان نبحث عن الحل

انا في رأيي
انه احد يكلم ابوها احد يعزه ..مثلا عمها.. او احد من الجماعة.. تروحون انت وابوك معهم طبعا وقبل تدخل تقول
اللهم لا سهل الا ماجعلته سهلا وانت اذا شئت جعلت الحزن سهلا وانت بالاجاتة جدير وعلى كل شيء قدير

لانه الحل ان ابوها يقتنع حتى تروحون ان شاء الله وانتو مرتاحين وتعرفون انه ما احد من الوالدين زعلان عليكم

اسفة على الاطالة
الله يسخره لكم بحق اسماءه الحسنى وصفاته العلا

الله يعينك ياخوي والله ما تنلام انحطيت بموقف صعب

انا والله لو كنت مكانك مشيت زوجتي وهي ما تشوف الدرب لانه قراري مو قرار ابوها بس عاد انت ادرى بوضعك وانا ما ابي اتدخل

المهم انا بقولك اللي اعرفه عن الالحاق انا واخوي طلع لكندا والتحق ما كلفته الا 22 الف ريال والحقوه خلال 19 يوم من تاريخ تقديمه الاوراق للملحقيه مع انه هو قعد فوق الشهر وهو ما قدم اوراقه يعني لو قدم على طول كان كلفته اقل واللي اعرفه وسمعته منه ومن كم واحد غيره انه افل مكان للالتحاق هو كندا وانا حتى اشوفه احسن مكان للابتعاث بشكل عام العيشه والناس وكل شي ارخص من امريكا وارقى وارخص من بريطانيا بكثير والجامعات تعطيك قبول بسهوله والفيزا سهله على العموم الله يوفقك و يسهل لك امورك وانا اقول لك رح ان شاء الله بيكفيك هالمبلغ ويزيد بعد وترا اكثره بيرجعونه يرجعون لك حق السكن والمعهد وعلى ما اظن التذكره بس مو متأكد ...

و الله يا اخويا باين إنك إنسان حشييييييم جدا
و محترم و مؤدب
و عامل قدر كبير لأبو زوجتك
فالله يجازيك كل خير
و يديك على قد نيتك
و ربنا ما حيتخلى عك
أدعو باسم الله الفتاح و ربنا أكيد حيفرجها عليك
الله يوفقكما لما يحبه و يرضاه و يأخذ بناصيتما للبر و التقوى

السلام عليكم
أخوي أولآ وأخيرآ انت رب البيت وانت المتحكم في البيت(ما يمنع انك تأخذ رايها في مواضيع معينه) يعني لا والدك ولا والدها ولا أخوك ولا أخوها يتحكم في مصير بيتك
ثانيآ اين طاعة الزوجه لزوجها (لو أمرت احدآ ان يسجد لغير الله لأمرت الزوجه ان تسجد لزوجها)
(اذا صلت المرآه فرضها وحصنت فرجها وأطاعت زوجها دخلت من أي أبواب الجنة شآت)
مع العلم بأنك سوف تسلك سبيل علم ان شاء الله
لا أحب ان أطيل عليك(لدي نصائح كثيره قد لا يسمح لي المجال بذكرها)
نصيحه من أخ له تجارب عديده
في مثل هذه المواضيع لا تعتمد على نصائح أعضاء المنتدى كثيرآ وعلى رأسهم ( فاقد الأمل) لعدة أسباب
1-هل كل الذين تجاوبو معك في موضوعك أرباب بيوت
2-قد يكون بعض الذين تجاوبوا معك متعلمين مثقفين أرباب بيوت لكن قد لا يستطيعون دخول دورة المياه الا بأذن من زوجاتهم(انت لا تدري ممكن فاقد الأمل من هذه العينات)

توجه الى الله ثم استشر الأشخاص الذين تعرفهم شخصيآ بأنهم ناجحين في بيوتهم

ملحوظه مهمه \ لا أحد يعلم اين الخير لك

تحياتي