مهم انصب مكتب قبول في السعوديه ( انتبهوا منه)

نصيحه مني لوجه الله انتبهوا من مكتب الطريق الذكي او المجموعة المتحده للتعليميه فيه شخص اسمه مصطفى عبدالستار او اخوه اسمه مرتضى وكلهم فلسطينيين الجنسيه من قطاع غزه اللي كل اشويه دافعين لهم فلوس ومع ذلك شوفوا رد الجميل كيف "
قصتي كنت ابحث عن مكاتب قبول الين شفت اعلان في جريده الوسيله عن هالمكتب ورحت له في شهر 11 ميلادي في حي المصيف والرجال اقنعني وقلت بشاور واجيك المهم سحبت عليه وبعد شهرين لقيت اعلان عن مكتب وكلمت ورحت في حي التخصصي المهم الا والقى هاذا في وجهي قلت وش جابك انت قال خليت المكتب وجيت هنا قلت في نفسي الا والله ( غسيل اموال ) المهم اقنعني وحسيت ان الوقت راح علي قلت اجل بكمل اوراقي عندك وقال من اسبوعين الى 4 اسابيع بالكثير والقبول عندك قلت ابي الجامعه اللي اخترتها انا قال عندي جامعه احسن قلت طيب واذا وصلت هناك اقدر اغير بس اهم شيء اخلص الحين لاحظوا هو اللي اختار الجامعه وقال حنا وكلاء لها ( قوه كذب)
والكلام هاذا يوم 1/1/2009 واتفقنا على مبلغ 1500 ريال مع تقديمه لي بالسفاره بعد
المهم جلست كل يوم اكلمه وكل يوم عذر الجامعه ماردوا علينا والعذر الثاني يقول موعد انتخابات اوباما ومره يقول موظف الجامعه في اجازه واخر رده يقول خلاص الاسبوع الجاي القبول بيجي انتظرت الى الاسبوع الجاي قال تأخرت الشحنه وفي الاخير بعد مرور شهرين قال ماعندك ماستر كارد عشان نسدد رسوم الابلكيشن؟؟؟؟ يعني وش كان يسوي ذا من اول قبل شهرين ماغير جواله مشغول وجالس يكلم بنات خلق الله عاد قلت له ترى يطقطقون عليك بياخذون قبولهم ويسحبون عليك جلس يضحك
من جد وقاحه عاد قلت هاذا ماعنده سالفه قمت انا وقلت بعطيه جوه وبسوي الاجراءت بنفسي
قدمت على جامعه امريكيه ومن افضل 100 جامعه في امريكا غير اللي قدم لي عليها هو والحمدلله جاني القبول في اسبوعين تخيلوا ورحت الاسبوع الماضي وحجزت موعد وسويت مقابله في السفاره وقالوا اسبوع الى اسبوعين
والفيزا عندك
واكلمه امس وش صار قال خلاص البريد بيرسلون لي ان شاء الله قلت اقول انت حرامي اصلا وقليل حياء ومافيك خير انا اجيك المكتب مريته ولالقيته انحاش لقيت واحد سعودي هزئتهم بكم كلمه واخذت فلوسي وقلت انا باسبوعين جبت القبول وهاذ 75 يوم ولاجاب شيء يعني تقريبا شهرين ونص مع ان قبولي بكالوريس مو ماجاستير ووريته قبولي عشان يصدق " وعلى فكره ترى دايم متعامل مع اكثر من مكتب بس اهم شيء من اسمه بتعرفون
وفي الختام نزلت هالموضوع عشان الناس ينتبهون من المكاتب ومن هالمكتب بالذات ومن الشخص هاذا ويعتمدون على الله ويقدمون بانفسهم ترى كلها ابلكيشن اون لاين ورسوم الجامعه وانتهى الموضوع
واسبوعين والقبول عندك
والله على مااقول شهيد
واي خدمه او استسفار انا حاضر ،،،

الله يعينك اخوي ....... وانا ياخوي كلية صناعية ((يعني شهادة الجامعية المتوسطه)) ودي ابتعث لكندا .. اذا كان على حسابي كم تكلف تقريباً ..
وقيسها على امريكا ..
يعني بكمل بكاالريوس..
تقبل مروري

يعطيك العافية اخوي ماقصرت

شكرا على التنبيه

يا اخي احمدوا الله سبحانه على انكم لديكم مكاتب لتوفير القبول
و وزارة تعطيكم الضمان المالي
احنا هنا في المغرب ما في لا مكاتب قبول و لا وزارة الزفت
يجب حمد الله على نعمة على الاقل هناك من يفكر فيكم