من تجربتي , احصل على قبول دراسات عليا .. في شهر

انا مشاركاتي لا تساعدني في مراسلتك

وايميلي
alsokheel ات هوتميل دت كم

يعطيك العافيه بقولك الي صار لي

اول شي ارسلت رساله لقسم المحاسبه قالو لي عندنا قبول مشروط

جيت بتاكد اكثر ارسلت رساله لطلاب الدولين (قالو ما فيه قبول مشروط)

اهم شي قلت لنفسي ليش ما اتصل عليهم ؟؟؟؟

اتصلت على قسم المحاسبة قلت عندكم قبول مشروط قالت لي عندنا قبول مشروط لاكن تاكد واتصل على الطلاب الدولين عجزت اطلع منهم بعلم
اهم شي عبيت البلكيشن وانتضر ردهم بشوف وش يقولون

وش رايك بلفلم الي صارلي ؟؟؟؟؟؟ ا
ارجو اذا تقدر تجيبلي علم او تعرف احد من الشباب يدر محاسبه اساله وررررررررررررررربي يوفقك
ويسعدك ان شاء الله ويبارك لك فى مالك وولدك وصحتك امين

السلام عليكم
شف يا اخوي عبدالمجيد .... خذ العلم

الكلام وقبولك من عدمه يكون عند القسم وليس الطلاب الدوليين..فادراة الطلاب الدوليين ترسل اوراقك للقسم والقسم اهو اللي يقرر قبولك من عدمه

بالعربي ادارة الطلاب الدوليين اهي زي السكرتارية ..ز تنفذ اللي يقوله القسم


انا رايي توكل على الله وقدم تراها من الجامعات اللي قبولها سهل وبالتوفيق



لاتساني من دعواتك ان الله يسهل لي امر الفيزا

ابن الروابي الله يخليك سويلي اضافه عندك على المسن هاذا ايميلي

MUTAWA999 هوت ميل بسالك عن شغله

ابو غلا يعطيك العافيه وبصراحه انا معطي اوراقي مكتب ومن ضمن الولايات الي طالبها هذي الولايه بس ماجانني قبول للحين لي شهرو واسبوع تقريبا ولا رد ولا شي ماستر وابي تخصص اديوكيشن تعليم

ماتدري وش السبب ياليت ترد علي بخاص يابو غلا لاهنت

السلام عليكم انا مقدم اوراقي الان لي شهرين و8 ايام بالضبط ولا احد رد علي وهم مواعديني بعد 6 اسابيع مع العلم اني مقدم ماستر صبر جميل والله المستعان

<< يسوي أضافة للموضوع على المفضله .

الله يعطيك ألف عافيه يابو غلاا ..

ننتظر عودتك لهذه الصفحه بصحة وسلامه أنشاء الله ,, حتى نستفيد من تجربتك حتى في نظرتك للمكان اللي أنت سكنت فيه ودرست فيه .


نحن بأنتظارك يابو غلا ..

أبو غلا عندي كم سؤال لك ياعزيزي هل انت متواجد ومشرف على الموضوع لحد الأن ..؟

هل اصحاب المعدل المقبول في البكلوريوس يقدرون يكملون ماجستير في الجامعات المعترف فيها من قبل وزارة التعليم العالي وشكراً

السلام عليكم .. الله يعطيكم العافية جميع .. ويوفقكم فردا فردا ..

اولا اعتذر عن الانقطاع .. لكني أشرت في احد ردودي اني مسافر .. وهانذا وصلت امريكا مدينة منسي وصار لي الان شهر .. طبعا لقيت نت متوفر لكني انشغلت كثير ما بين التنقل مع الاهل - زوجة وطفلين وعفش يهد الحيل - وما بين البحث عن سكن - اثاث - سيارة - وكمان وافق رمضان وارتباطي بمواعيد فطور وسحور كل هذا مع بداية للدراسة بالجامعه بمجرد وصولي .. تخليوا كله فوق راسي مرة وحده .. على أي حال ان شالله الجميع توفق في اموره واشكر اخي ابن الراوبي على كلامه الحلو وان شالله اكون استحق بعضه وكذا بقية الاخوان خصوصا man u

لي تعليق على man u خصوصا ان طلبك تأخر كثير فيا ليت ترسلي رقم الابليكشن حقك اللي عطوك اياه بالايميل وانا اراجع الجامعه واشوف ليه تأخر .. فيه البعض مثلك شاركنا هنا بالموضوع والان ما شالله عليه لقى القبول وارسلوا لي خاص يبشروني بالقبول والحمد لله من قبل ومن بعد .. الكلام برضه موصول لا بو عبدالمجيد اذا عندك رقم اعطوك اياه اعطيني اياه هنا اذا ما تقدر ترسل خاص وان شالله اشوف وضعك
اخي شمالي مطنوخ من الان باتواجد في الموضوع باحاول يوميا وان شالله اقدر افيدكم فتفضل بطرح اسئلتك
واعتذر لكل من ارسل لي خاص وما رديت عليه ومن يطلب اضافة بالايميل والسبب اني ابغى الفائدة تعم الجميع يعني لا ترسل خاص الا بمعلومات خاصة ما تهم احد اسمك بياناتك وكذا لكن تجيني اسئلة خاص تقول الجامعه فيها قبول مشروط ؟؟ والا واحد يقول كيف معهد اللغة وغيرها من الاسئلة اللي رديت على ما اعرف منها هنا عشان الكل يستفيد ما يصير ارد هنا وخاص وعلى الايميل يبغى لي اتفرغ بشكل اكثر وهذا صعب بالوقت الحالي ..
ان شالله الكل يلقى قبول فيما يحب ونسأل القبول من الله عز وجل وكل عام وانتم من الفائزين عند رب العالمين

اه نسيت اللي سأل عن المدينة .. لا باس بها جوها كان حار بدأ يعتدل وقريبا يجي البرد وبعده الثلج .. صغيرة جدا المدينة وخلاصتها كلها بشارع يعني كلنا ساكنين على نفس الشارع اللي كله مجمعات سكنية والجامعه تقع عليه برضه والمول وكل شئ فيها باص بس متعب شوي لكن لو ودك بس من البيت للجامعه للمول يجيك كل ربع ساعه والمسجد برضه قريب من الباص يبغى له كعابي خمس او عشر دقائق .. عددنا الان تقريبا عشر عوائل من السعودية ومثلهم عزوبية وكم عائلة من دول اخرى مثل الكويت والعراق وليبيا فيها مجتمع مسلم طيب صلاة جمعه ومسجد متعوب عليه بصراحه ولقاءات حلوة اسعار السكن فيها مو رخيص جدا ولا غالية اغلبها تتراوح بين ال600 دولار الى ال850 حسب اذا مفروش كامل او بدون اثاث والنظافة والخدمات وكذا سعر النت والكهرب والتلفزيون معقول بس ابدا مو رخيص مثل ما كانوا يقولون استراليا ارخص بصراحه يعني اخذت النت انا ب70 دولار بس اسرع شئ يوصل الى 12 ميغا والتلفزيون ضميته للنت فطلع كلها 100 دولار وهكذا السيارات برضه قالوا انها رخيصة وتفاجأت بالاسعار اسعار مثل السعودية واغلى الاليكترونيات فعلا ارخص بكثير خصوصا الابتوبات وملحقاتها اشتروها من هنا في منسي افضل من السعودية الاثاث هنا غالي نار تخيلوا مرتبة السرير من 300 دولار وانت طالع مع السرير كلها تطلع عليك من 600 وطالع محلات المستخدم للاسف هنا تعبانه فيا انك تاخذ بيت مفروش كامل او تشتري اثاث جديد صعب تلقى مستخدم نظيف ولو لقيت تلقى بسعر الجديد. الجامعه فيها انشظة كثيرة جدا حلوة يعني لو ما تطلع منها بتتسلى فيها لقاءات سوالف مع ثقافات اخرى وعروض ومسرحيات ومباريات ودورات يعني اللي العزابي لو يفضى يروح لها بيشغل وقته ويتسلى .. لكن مشكلتنا مو متعودين عليها اغلب هذي الانشطة ما يتواجد فيها الا انا من السعودية

ان شالله اكون غطيت اغلب الاستفسارات .. واي سؤال انا حاضر .. والعذر والسموحه لو قصرنا
اللي جاي منسي وجاه قبول وفيزا ينسق معي هنا او خاص نضبط له وضعه قبل لا يوصل. واللي يبغى يراسل يرجع للموضوع من اوله ويتبع التعليمات .. واللي بيحط دعوه حلوة نقوله امين في ميزان الحسنات .. وكل عام والجميع بخير وعيدكم مبارك