من تجربتي , احصل على قبول دراسات عليا .. في شهر

كل عام وأنت بخير يا أبو غلا ..
أسأل الله العظيم رب العرش العظيم أن يشفي أبنائك...
وتراي راسلت الجامعة وموضوعي في قسم اللغويات وباذن الله بيردون علي بعد ستة أسابيع لدرجة الماستر (معيد)
والله يجمعنا وياك على خير وان شاء الله بينا تواصل لأني احتاجك إذا وصلت هناك..

أبو غلا ما يشووفوون شر أولادك

طمنا عنهم والله يوفقك دنيا واخره

والله لو نقدم ما نقدم ما وفيناك حقك فقدمت لنا النصح والمساعدة

الله يعطيك الصحة والعافية

لك مني كل احترام والتقدير

أخو أبومالك *

ألف شكر لك ابو غلا
لا باس على العيال الله يشافيهم ويعافيهم
ويطمنك عليهم بالعافية
تحياتي

السلام عليكم جميع .. والله يعافيك من كل شر ولا يريكم مكروه ..

امس الخميس كنت في الجامعه وسألت عن بعض الاخوة والاخوات . وكان الرد كالتالي
الاخت ام جود حسب كلامهم انهم يطلبوا فقط السجل الاكاديمي كامل ولما قلت لهم انك ارسلت لهم السجل قالوا الاحتمال الاكبر انه مو اصلي او انه ناقص .. طبعا ما شافوا الملف لأنهم طلبوا الاسم بالانجليزي وتاريخ الميلاد وانا عندي فقط رقم الطلب وقالوا ما نقدر نطلع الملف لأن البيانات تكون يدوية بمعنى تفتح الموظفة درج في المكتب وتشوف بالاحرف فين اسمك وتشيك على الملف ايش صار فيه . من كلامهم الحل لموضوعك انك تتاكدي ان السجل كان كامل بمعنى انتي تقولين ارسلت لهم السنة المنهجيه الاولى فقط لأن السنة الاخرى بحث المفروض حتى البحث يسجل في السجل الاكاديمي من حيث عدد الساعات واسم الماده ورمزها. يعني مثلا th299 او بالعربي بحث 567 وكذا. الخلاصة هم ما يطلبوك شئ مغاير عن العادة فممكن ترسلي لهم ايميل تقولي كيف النقص وايش ممكن تعملي معاهم واذا حبيتي اعطيني الاسم بالانجليزي وتاريخ الميلاد وانا اشوف التفاصيل واناقشهم حتى عن سجلك الاكاديمي .. والله يكتب ما فيه الخير

الاخ Man U... الحقيقة ما اذكر انت علمتني عن تخصصك او لأ عموما هم يقولوا ان الاجراءات احيانا تطول بس المهم ان ملفك تحت التدقيق في القسم. ممكن ترسل لهم ايميل تقول فيه وين وصل الملف وبأي مرحلة راح يردوا عليك على طول مع اني اتوقع بيقولوا نفس الكلام في الرفيو في القسم لكن ايميل ما يضرش

بقية الاخوة والاخوات الرد في الخاص ..

والله يسلمكم جميع من كل شر .. واشكر من سال عن اطفالي وابشركم انهم طيبين بس الحقيقة خفنا لا يكون انفلونزا خنازير بس طلعت انفلونزا عادية بسبب تغير الاجواء والحمد لله على كل حال

وسامحونا على القصور
ابو غلا

مشكور ابو غلا ما قصرت .

ما هنا قصور والله ان سسمعتك يا ابو غلا مثل الطيب فاح

الله يرفع مقامك ويعلي مراتبك

ولا يريك ولا اهلك كل مكروه

لك كل تحيات اخوك الصغير ابومالك

الحمد لله على سلامة الوصول وعلى سلامة العيال
استاذنا الفاضل استلمت رسالتين من الجامعة من القبول للدوليين الأولى فيها الطلبات التالية:
1- رسوم التسجيل 40 $
2- السجل الاكاديمي باللغة الأم (العربية)
3- السجل المالي
والرسالة الثانية معطينها أهمية قصوى في الرد يسألوني عن هل تم ارتكاب جريمة جنائية؟ وأرسلوها الثلاثاء الماضي

استفساراتي يا الغالي:
الحين دفع الرسوم هذي للجامعة أو المعهد؟ لأني طالب قبول مشروط باللغة.
السجل الاكاديمي ليه يطلبونه وأنا مرسلهم تقييم WES وقالوا انهم استلموا التقييم. فما هو الداعي للسجل الاكاديمي باللغة الأم؟
وبخصوص السجل المالي هل المقصود به الشهادة البنكية؟ والمشكلة ان البنك يصدرها بالعربي وبالريال !!

انا رديت على رسالتهم الثانية بس الرسال الأولى إلى الآن ماني عارف وش اسوي هل ادفع الرسوم للمعهد أو الجامعة وايش سالفة السجل الاكاديمي؟ والسجل المالي؟

ارجو الفزعة يا استاذنا وكافة الاعضاء حفظكم ربي من كل سوء

فيها تخصص اداره مستشفيات ؟؟؟؟؟ وهل مقبول من الوزاره

جزاك الله خير

الله يسلمكم جميع ويعافيكم .. كل فرد باسمه
في الايام الماضية سألت الجامعه عن ملفات البعض منكم وكان الجواب كله متشابه ان الطلب في الـ review وان العملية تأخذ وقت وهذا الكلام نفسه اكيد جاكم على الايميل يعني لا جديد .. اشوف انكم ترسلوا لهم ايميل تخبروهم بانكم مستعجلين وفين وصل الملف يعني امر تعجيلي .. اما من لديه مشاكل معينة غير مراجعة الطلب فيكتب لي هنا او الخاص وابشر اشوف له /ها الموضوع لأني رحت وجيت الانترناشيونال اوفيس وردهم واحد فقط تغير عند احد الاخوات قالوا ما نطلب شئ جديد انما لو الورق كامل بتكون في الـ review

نفس القصة .. اكتب هذا الكلام عشان ما احد يتعطل او ينتظر كثير .. اذا طلبك زاد عن المدة اللي علموك عليها ارسل لهم ايميل تستفسر واذا ما اعجبك ردهم او ما ردوا اصلا اكتب لي هنا او بالخاص ..

والله يوفقكم جميعا ..

اخي المحيط الهادي .. حياك الله .. رابط موقع الجامعه والتخصصات المعترفة في الصفحة الاولى وممكن تتأكد من وزارة التعليم العالي لأنهم كل يوم يجونا بعلم جديد ..

اخي stepplanner تم الرد في الخاص بما اعرف

وبالتوفيق

مشششششششششششششششششششششششششششششششششششششكككككككككككك كككككككوررررررررررررر ابو غلا على الاهتمام باخوانك المبتعثين والله يكثر من امثالك .