من تجربتي , احصل على قبول دراسات عليا .. في شهر

اسال الله ان يجعل لك من كل هم فرجا ومن كل ضيق مخرجا وان يبارك لك في كل امرك

الله يوفقك يا اخي الكريم على هالمساعده

تقبل منى كل الشكر والتقدير

السلام عليكم ابو غلا

عبيت الابليكيشن حق الجامعة و من ثاني يوم جاني ايميل بالبيانات اللي عبيتها كلها و لي شهر تقريبا ماجاني اي شي ثاني فهل هذا معناه انهم ما قبلوني؟

السلام عليكم
انا طالب احمل بكالوريوس محاسبه معدلي 3.34من 5
ابي قبول مشروط هل استطيع الحصول عليه في جامعتكم
ممكن يالغالي وش يطلبون هم ابي قبول مشروط للماستر
انا مامعي لاخبره ولاتوفل ولاشي
يقبلون او لا؟؟؟؟

الله لايهينك ابي تعلمني وش اسوي وانا اراسلهم ووارسل اوراقي لهم

واياك يا رب..

شكرا لك .. وبالتوفيق

اخي جداوي .. واياك ياغالي .. الشكر لله ثم لكم ..

اخي وليد الفيصل .. وعليكم السلام ورحمة الله وبركاته
ايش قالوا لك بالايميل ؟ القبول من عدمه ملحوق عليه والمسألة صارت تاخذ وقت اطول .. لكن المهم ايش قالوا لك بالايميل ؟ قالوا اوراقك وصلت قالوا ارسل الشئ الفلاني ؟ والا ايش بالضبط ؟ اذا صعب عليك تترجمها قص الرسالة والزقها عندي بالخاص واشوف
وبالتوفيق

اخي احمد الفهد .. وعليك السلام ورحمة الله وبركاته
انا رديت عليك بالخاص قبل لا اشوف ردك هنا .. عموما ارجع لأول صفحتين ثلاث بالموضوع هذا فيه شرح ممل لكل شئ تبغاه .. هم ما يقبلون الا ابلكيشنات اون لاين .. اذا لغتك مرة ضعيفة ما تساعدك تعبي الابلكيشن - علما اني ترجمت الابلكيشن في احد الردود الصفحة الثانية او الثالثة من الموضوع - شف لك واحد يساعدك في الابليكشن

انت بس اقرأ اول ثلاث صفحات وشوف هل فيها اجابة لك او لأ ..

وبالتوفيق ..

للعلم .. وجدت مرة ثلاث رسائل بالخاص - صاحبها يعرف نفسه - الاولى والثانية يسألني فيها اسئلة في الرسالة الثالثة يقول شكرا لك لما قرأت كامل الردود وجدت الاجابات على كل اسئلتي ... اكتب هذا الشئ لأوضح اني قد انسى اشياء كنت فاكرها ساعة كتابة الموضوع .. الواحد لما يخش بجو الدراسة ينسى حتى اسمه فالافضل ترجع الله يعينك تقرأ الردود كلها تجد الاجابات كلها


واعذرونا على القصور

ابو غلا ياليت تفيدني لاني انشالله بقدم على هذي الجامعه انشالله مادري للحين القبول عنده سهل ولا تغيروا يابو غلا وشكرا

يعطيك العافيه على الموضوع الاكثر من رائع , وجعله الله عز وجل في ميزان حسناتك .

استغفرك اللهم واتوب اليك , لا حول ولا قوة الا بالله العلي العظيم .

السلام عليكم جميع ..

الاخ عبودي .. والله تجارب الاخوان الحالية ما تبشر بالخير .. المسألة تطول عن السابق .. ولكن فيه ناس حصلوا على قبولات .. انت قدم على الجامعه خصوصا اذا برنامجها مناسب لك والله يختار لك الطيب ..

الاخت miash الله يعطيك العافية وجزاك بمثل ما قلتي .. وشاكر مرورك وكلامك الجميل ..

اخي مسار الضوء .. وعليكم السلام ورحمة الله وبركاته
يا غالي .. شروطهم عادية مثل الماستر .. نفس ما ذكرته في بداية موضوعي .. لا جي ار اي ولا غيره المهم التوفل وكمان لو تدرس سنة عندهم في المعهد ما راح تحتاج للتوفل .. بالنسبة لمسار التوحد فهم على مستو ى الدكتوراة ما يركزوا على تخصص بعينه الكورسات عامة مع التركيز على مواد البحث والانظمة انت ممكن تاخذ المواد اللي تبغاها في التخصص اللي تبغاه .. وطبعا رسالتك في التوحد بتكون
هذا رابط الكورسات كلها
http://www.bsu.edu/teachers/media/pd...urses08-09.pdf

التوحد عندهم يندرج تحت مسمى Mild Intervention او Severe Intervention

والتركيز عليه كثير كفئة من من ضمن الاعاقات ( مطلوب مني الان بحثين عن التوحد رغم ان تخصصي مو توحد واذا عندك مراجع وابحاث جيده بالانجليزي وحديثة جدا ممكن تفيدني بها ياليت تكتبها لي ) .. لكن من خبرتي .. اذا انت راغب في دراسة مواد في التوحد فممكن تشوف لك جامعه اخرى علما بأن هذي الجامعه اللي ادرس فيها الان تعتبر من اقوى الجامعات في امريكا في التربية عموما والتربية الخاصة تحديدا .. لكن تنسيقهم للبرامج مختلف فقد لا يتناسب مع رغبتك .. اتمنى تكون اجابتي مفيدة

واحب اعيد واكرر ما ذكرته في اول موضوعي .. الجامعه خيار ممتاز لمن تعب ولف وداخ واتعقد من اجراءات القبول .. اما من يبحث عن الجامعه الافضل في تخصصه او عن المكان الانسب له .. فالجامعه خيار متوسط ليست بالسيئة لكنها ليست بالممتازة. كثير يسألني على الخاص عن تخصصات طبعا ما اقدر اقولهم ان الجامعه الافضل في تخصصهم .

والله ولي التوفيق