من تجربتي , احصل على قبول دراسات عليا .. في شهر

الله يوفقكم استفددت من الموضوع ..

بيانات الابليكشن على هذا الرابط قصدك ؟؟؟
http://www.bsu.edu/internationaladmit/online.app/

والا بيانات ايش بالضبط ؟؟ حتى نقدر نساعدك ؟

بالنسبة للي على الرابط لما تفتحوه بيطلع لكم الابلكيشن الخاص بالطلاب الاجانب وهو مكون من صفحة وحده فقط مثل كلامي بالموضوع تعبوه في عشر دقائق او اقل

وبانقل لكم ما في الابلكيشن من الالف للياء الان

Applying for admissions as: * يطلبكم الدرجة اللي انتم مقدمين عليها وفيه ايقونة جنب السؤال اختاروا منها بكالوريوس والا ماستر دكتوراة دبلوم الدرجة اللي انتم تبغون تدرسوها

Entry date هنا يسألكم عن موعد الدراسة المرغوب .. متى ناوين تبدأوا دراستكم للدرجة العلمية مو معهد اللغة وبرضه فيه ايقونة اختاروا الخيار المناسب لكم

1 و2 Desired major هنا يسألكم عن التخصص المرغوب وفيه خانتين الخانة الاولى مطلوبة الاخرى فقط اختيارية يعني لو تتركوها فاضية مو مشكلة - لاحظوا علامة النجمة الصغيرة بعد رقم واحد معناها الخانة ضروري تعبيها واللي ما فيها نجمة مو ضروري

BSU ID number, if applicable الرقم الجامعي اذا كنت طالب سابق في الجامعة - خانة غير مطلوبة اتركها فاضية

Last Name First Name Middle name ثلاث خانات ورى بعض اعتقد واضحة اسمك الكامل حسب جواز السفر

Permanent address(Number and Street, City, State/Province, Postal Code, Country عنوانك الكامل في السعودية متضمن ( رقم العمارة واسم الشارع والمدبنة والمنطقة والرمز البريدي والدولة ) غالبا احنا ما عندنا هذا التفاصيل اكتب عنوانك كما تراه مناسب

Current mailing address(Number and Street, City, State/Province, Postal Code, Country هنا عنوانك البريدي اللي تبغاهم يراسلوك عليه وشامل كل اللي فوق الفرق بينهم الاول لسكنك والثاني للبريد على أي حال ممكن تكتبهم نفس الشئ المهم انك تكتب مكان يرسلوا عليه القبول والاي توني بالاخير .. واغلب تعاملهم معك بيكون اصلا بالايميل .. لكن تبغى الخانات هذي ضرورية - لاحظ النجمة الحمراء

Phone - Fax-E-mail Address ثلاث خانات ورى بعض التلفون والفاكس والايميل الفاكس مو مهم ما فيه نجمه حمراء اهم شئ الايميل تعاملك بيكون معهم عن طريقه

Place of birth(City, Province, Country) مكان الميلاد متضمن المدينة والمنطقة والدولة خانة مطلوبة
Country of Citizenship الجنسية .. وفيه ايقونة اختار السعودية .. او ايا كانت جنسيتك
Place of legal residence مقر سكنك الشرعي .. برضه ايقونة اختار السعودية او المكان اللي كتبت عنوانك فوق .. طبعا ممكن تكون حاليا طالب لغة في امريكا اختار هنا السعودية بينما عنوانك فوق في امريكا لذلك قالوا سكنك الشرعي .. احس النقطة هذي ملخبطة .. بكل حال هنا اختار نفس جواب الجنسية ..

sex حدد انت ذكر او انثى خانة ضرورية
Marital Status حدد اذا انت اعزب او متزوج والثنتين كلها ايقونات .. وباختصار كل ايقونة اختار منها ما يناسب حالتك
Members of your family 123 ثلاث خانات عن افراد عائلتك .. اذا كانوا بيرافقوك للبعثه وغالبا هي مهمة للمتزوجين .. عشان الاي توني وكذا .. انصح تعبيها اذا متزوج
Parents or guardians(1.Father's full name 2.Mother's full name) هنا يسألك عن اسم الوالدين او المرافق غالبا للي عمره تحت ال18 عام .. الصراحه ما اذكر كيف عبيتها لكن ممكن تكتب اسم ابوك وامك وتفك نفسك لأن اي خانة ناقصة بيرجعك تعبيها .. خصوصا اللي عليها نجمة حمراء

Complete Educational Background (Secondary 1) [institute name, date entered, date completed, degree earned] هذي بتلقاها على اربع خانات وهي خاصة بتاريخك الدراسي الثانوية والجامعة انت عبيها بما تراه مناسب اذا طالب ثانوي اكتب المتوسط والثانوي واذا طالب ماستر كمل البكالوريوس واذا دكتوراة سجل الماستر المهم هنا انه اي شئ تكتبه لازم يكون عندك منه صورة مصدقة يعني اذا مضيع شهادة المتوسطة لا تكتبها لأنهم بيطلبوك كل شهادة سجلتها هنا المشكلة ان الاربع خانات عليهم نجمة حمراء وما راح يقبل ارسال الابليكشن الا بكل الخانات مليانة لذلك انتم وشطارتكم

بعد الخانات الاربع .. تجيك ايقونات على النحو التالي
If you are currently in the U.S., indicate your current Visa type. اذا كنت في امريكا نوع الفيزا اذا مو في امريكا خلها فاضية
Please indicate the date you entered the country نفس ما سبق خاص بمن هم في امريكا واعتقد طالما دخلت امريكا فاكيد تعرف معنى الكلام لذلك راح اتجاوز الخانات القادمة حق I94 لأنها برضه متعلقة بمن هو داخل امريكا واكيد يعرف ايش المطلوب ..

Do you wish to be considered for a graduate assistantship
هنا يسألك عن رغبتك في الحصول على الاسستنت شيب وهي مثل البعثه تقريبا يعني تعمل لديهم عدد محدد من الساعات مقابل تخفيض مبلغ الدراسة واحيانا حذفه عنك تماما بل ويصل الى اعطائك راتب هو خاص بطلاب الدراسات العليا وله اوقاته وشروطه .. وانت براحتك اذا مبتعث اصلا انصحك تقول لا وبس
If yes, name the graduate or university department you intend to apply to for an assistantship
متعلق بما سبق اذا قلت لا خليه فاضي اذا قلت نعم سجل اي قسم تبغى تقدم عنده واي جامعة تبغاها تبتعثك يعني تقبل ان ترعاك دراسيا ..


TOEFL score, Date taken/to be taken(Paper Test, Computer Test, Internet Test) يسألك عن التوفل .. وهذي خانة ضرورية اذا ما اخذت التوفل قريب سجل فيه واكتب متى ناوي تختبره .. ضروري جدا تقدم لهم التوفل بأي درجة كانت لأنهم يعطون قبولات مشروطه
بعد كذا ثلاث خانات عن الجي ار اي والجيمات والسات ما عليك منها مو ضرورية اهم شئ التوفل

How did you learn of Ball State University كيف عرفت بالجامعة .. اكتب من ابو غلا امزح فيه ايقونة اختر منها ما شئت
Please list Ball State graduates or current students you know
سمي شخص تعرفه يدرس هناك .. خليها فاضية اذا حاب واذا تعرف احد سجله واذا تبغى اسمي ما عندي مانع عموما ما فيه نجمة حمراء
Would you like a current Ball State student to contact you
تبغى احد من الطلاب الحاليين يتواصل معك ؟؟ يعني تسأله عن الجامعه وكذا .. انت بكفيك بس اشوف لو تكتب نعم افضل لأنه يبين لهم انك شخص منفتح واجتماعي وتحب التواصل
If yes, how اذا قلت نعم - مثل ما وصيتك - يقولك كيف يتواصل معك قلهم ايميل .. تضمن محد يغثك
If you have you applied to other universities in the U.S., please indicate their names. اذا انت مقدم على جامعات اخرى اكتبها .. لقافة منهم انصحك خليها فاضية خصوصا ما فيه نجمة حمراء

Name of sponsor, and Relationship to you سجل مين بيتكفل بتكاليف دراستك .. انت ابوك اخوك عملك الحكومة السعودية .. حسب وضعك
Address of sponsor عنوان من يتكفل بدراستك .. عنوان اللي فوق يعني

واخير تلقى كلمة SUBMIT اكبس عليها والابليشكن بيروح لهم وتلقى التفاصيل في موضوعي الاصلي اللي انت اكيد قريته والا ما رديت علي واعذرونا على القصور


بالتوفيق للجميع .. واي خدمات .. حاضرين

الله يعافيك .. ابد .. واجبنا .. وبالتوفيق

حياك الله يا غالي .. نموذج معبأ صعب .. لأن كل واحد له بياناته الخاصة لكن الترجمة ابشر بعزك .. شفها في رد لي في الصفحة الثالثة فوق هذا الرد بشوي فيه كل حرف انجليزي مترجم .. واعذرونا على القصور

الله يعافيك .. ياسيدي .. ونرحب بك وبكل زيارتك .. ومداخلاتك واضافاتك

واياك اختي الفاضلة .. كتبت انا في اول الموضوع الجامعة في مدينة اسمها منسي MUNCIE وتبعد عن تيرا هورت حدود المية الى مية وعشرين ميل .. يعني تقريبا ساعتين بالسيارة ..

وبالتوفيق لك ولقريبك وللجميع

حياك الباري .. والله يوفقك وكل المسلمين والمسلمات ..

مقدر مرورك

ابو غلا كفيييييييييت ووفيييييييت الله ييسر لك امورك بحق السميع العليم ..

عندي سؤال...

دحين انت متأكد ان هذه الجامعة ما تبغى خطابات توصية و لا خطابات الغرض من الدراسة؟

لأن هذه الأشياء هي اللي معقدتني حاليا.

شكرا على تجاوبكم مقدما.

اخو ابو غلا .. سجلت بعد ترجمتك للبيانات المطلوبه ..
الله يعطيك العافيه ..

لكن عبيت التخصص المطلوب تغذيه وهو ما اندرج تحت التخصصات الموجوده بالوزارة .. عادي ولا لا ؟!

وش لون ارجع اراسلهم اغير تخصصي ؟!

اول ما ارسلت البيانات لقيت لهم ايميل يشكروني اني سجلت ويقولون بعد 5 ايام نرد لك وش السواة