من تجربتي , احصل على قبول دراسات عليا .. في شهر

اخوي ابو غلا فزعتك يالطيب والله اني تعبت راسلت اكثر من جامعة لقبول مشروط تخصص applied lingustic ماجستير

ولا احد ردلي المشكلة اني بحثت وراسلت يعني مااعتمدت على احد وحاولت بس للاسف .والمشكلة انا اصلا لازم اكمل دراستي

لاني معيد ولو احصل قبول يمديني اطلع بسرعة واخاف الوقت يروح علي وانا ماسويت شي تكفى اذا عندك نصيحة او تعرف احد درس نفس تخصصي وقبول مشروط الله لايهينك والله مانستغني يالغلا وربي محتار كثير وضاقت بي الوسيعة بكبرها ومااقدر اقولك الا الله يوفقك

ويخليك لعين ترجيك وتحقق اللي تبيه وتنال اجر الدنيا ولاخرة

اخوك يفكر والله يستر من هالتفكير

وعليكم السلام ورحمة الله وبركاته .. يبدو أن فيه امور تغيرت .. على أي حال كل الجامعات تطلب رسوم .. ان شالله بس ما تبدأ الجامعه تطلب شروط اخرى .. تفائل بالخير اخي الفاضل وان شالله يوصلك القبول

بالتوفيق
ابو غلا

هلا وغلا .. حياك الباري .. اولا العجلة شينة .. كلنا معيدين ومرينا بحالتك خصوصا لما يجيك قسم معقد وجامعة اعقد .. على أي حال جرب الجامعه هذي كما في الموضوع .. وانصحك كمان تقدم على جامعه انديانا ستيت في مدينة تيري هوت Indiana State University, Terre Haute

مجموعه من الزملاء نفس تخصصك يدرسوا فيها الان وجابوا قبولات في شهر واحد فقط .. اذا محتاج مساعدة ابشر بعزك بس عسى تخصصك انجليزي مو عربي

بالتوفيق
ابو غلا

الجامعة أعلاهـ غير معترف بها في تخصص لغويات تطبيقية , وأيضا BSU غير معترف بها أيضا في التخصص ذاتـه .!.!.

مشكور ياغالي على التوضيح .. الاكيد زملائي يدرسون لغويات لكن هل هم لغويات تطبيقية ام لأ مو متأكد .. انت ممكن تفيد الاخ اكثر ..

والله يوفق الجميع

ابوغلا

الله يعطيك العافية على الموضوع المتميز وبخصوص ماجستير تسويق دخلت على موقع التعليم العالي واتضح بانه معترف به يمكن الدخول على الرابط التالي:
http://ru.mohe.gov.sa/univ.aspx?uc=s...ertid=4&stid=0

شكراً

ابو غلا وااذا مابغيت اختبر توفل وش اكتب لهم ...!!

وطيب المعهد كيف اجيب قبول منه .. او هم مسئولين عن التقديم للمعهد ...!!

مشكوور على الموضوع الحلوووو

السلام عليكم
الأخ الفاضل ابو غلا
ممكن اعرف انت ايش تخصصك ؟ انا حسيت من كلامك انه E فهل عندك فكرة عن
ال Applied linguistic زي ما نبه الاخ مدوح غير معترف به في هذ ه الجامعة لكن افكر اغامر بالتقديم على اللغويات عشان اجيب القبول للوزارة وادخل المفاضلة واذا تعرف احد يدرس هناك اللغويات ياليت تسأل لي عنه .

الله يعافيك يا غالي .. ولا شكر على واجب .. بل الشكر لك على التوضيح واعذرني فالخطأ مو مني بل من موقع الوزارة الموجود في أصل موضوعي وكالعادة معلومات متضاربة ولا ندري الى متى ..
لا هنت