تعبئة نموذج السفارة الجديد DS-160 بالصور

ايوه تكتبي انك موظفه لانه اصلا مبتعثه من جهة عملك وشوفي اش الاعمال اللي تسويها وعادي اكتبيها ,,,

جزاكي الله الف خير اختي شفايف ربي ينور دربك ان شالله ويحقق امانيكي قولي امين
انا لسه دحين باعبي الابليكيشن حقي وحايسة فيه بس لمن جات فقرة انو انا المقدم الرئيسي وكتبت نعم ما طلعتلي فقرة انو اكتب رقم ال sevis على طول جاني نوع الفيزا وجاني بعدها add another بس ما كتبت شي صح انا ماشية كدا ولا في غلط في الموضوع لازم اضيف انواع الفيز التانية الي هيا حقت السياحه B
وفي الابليكيشن حق اخواتي اكيد ما رح اكتب انهم هما المقدم الرئيسي للطلب ولا اش رايك لانو وحده عمرها 8 سنوات والتانية 6 سنوات فاكيد انه احد تاني رح يعبي مو بنفسهم "ودا الاحد اللي هوا انا " ولا كيف

وفي حاجة تانية سامحيني رح اطفشك باسالتي بس اعذريني الين ما اخرج منها بالسلامه لاني رح اعبي حقي وحق 4 انفار معايا ماشالله يعني 5 والله يعين ويسهل
في ابليكيشن المرافقين اش اكتب في فقرة عنوان الاتصال في امريكا بالنسبة ليا انا المعهد طيب وهما كاني قرأت اني اكتب عنوان السفارة السعودية في امريكا صح الكلام دا واذا صح ياريت تعطيني العنوان الله لا يهينك

وكمان في فقرة الراتب اكتب الراتب الاساسي من غير بدلات ولا الصافي النهائي مع البدلات )

وشي تالت لمن اجي اكتب صلة القرابة لاخواتي اكتب OTHER ولا OTHER RELATIVE مني عارفة صراحه يعني اش الفرق في النهاية كلهم OTHER والسلام طيب اش يبغوا هما مثلا انا مني عارفة

وابغى اسال كمان والله اسالتي كترررررررت انا عارفة بس ارجوكي تستحمليني كل شوية يطن في بالي سؤال سار دماغي موسوعة اسئلة :S
1) اقدر احفظ الابليكيشن في USB واطبعو بعدين في مكان تاني مو في البيت ولا لازم في نفس الوقت الي اخلص اطبع فيه لانو الطابعة حقتي مرره بتعلق الحمدلله والشكر ودا بعد ما اتصلحت كمان لا ودا وهيا جديدة اجل كيف لو كانت قديمة بس الحمدلله والشكر
2) اقدر اعبي كل الابليكيشينات قبل لا اعمل ارسال لاي احد فيهم يعني اعبي فيها واحفظ وعلى كدا وفي النهاية لمن اخلص منها كلها ارسلها في وقت واحد واطبعها بما انو كل ابليكيشن لوحدو منفصل ومالو علاقة بالتاني ولا لازم واحد واحد

ومررررررررررررررره شكرا اني اخدت من وقتك يا سكررة الله يسعدك ويهنيكي ويعطيكي سؤلك ويوفقك في حياتك ويرضى عنك وعن والديكي ياااارب

امين يارب ياعسل وللجميع

معليش يا قمر والله اني متنحة في دي الفقرة برضي ما استوعبت دحين يعني في كل ابليكيشن سواء حقي ولا حق امي ولا ابويا ولا اخواتي اكتب في فقرة هل انت مقدم الطلب الرئيسي اكتب (نعم ) يعني في النهاية كلنا نعم
طب على كدا مارح يطلعلي انا برضو الفقرة اللي اكتب فيها رقم ال sevis بما انها ما تطلع الا لما اكتب ( لا) صح الكلام دا وانا الوحيدة اللي رايحه دراسة يعني انا بس اللي عندي رقم sevis وطبعا بفيزا f1

لاني حسب ما سمعت انو الاطفال تحت سن ال 14 ما يروحو المقابلة في الرياض ولا يتاخدلهم موعد اصلا بس اوراقهم ومعاملاتهم ياخدلهم هيا الاب فهل دا له دخل بالموضوع وعلى اساسو انا احط" نعم "و"لا" ولا انا جالسة اخبص مدري والله
ولمن جربت وحطيت لا برضو ماطلع في دي الفقره اني احط رقم ال sevis جاني جاوب على الاسئله الاضافية
1) اسم العائله لمقدم الطلب 2) اسم الشخص 3) نوع الفيزا ...... وبس !! دا طبعا لمن جربت وحطيت " لا"
طيب ايش والله مني عااااارفة سامحيني

وفي اختيار المهنة الحالية مني عارفة اش اختار .. انا معيدة في كلية العلوم الطبية التطبيقية بس مافي اختيار domenstrator اختار يعني medical/ health ولا other مني عارفة

وبالنسبة لمن اعبي الابليكيشن ممكن اعملو ارسال للايميل قبل لا اطبعو عادي وبعدين اطبعو على رواقة يعني في طريقة معينة اعملها

وعنوان السفارة دا هوا اللي اكتبو
Royal Embassy of Saudi Arabia
601 New Hampshire Avenue, NW
Washington, DC 20037

ولا التاني دا
Saudi Arabian Cultural Mission
2600 Virginia Avenue, NW, Suite 800
Washington, DC 20037

طيب ابا اسال كمان كدا عادي اني احط مكان الاقامة لامي وابويا شي وانا شي تاني لاني انا حطيت مكان المعهد( في فقرة عنوان الاقامة او وسيلة الاتصال في امريكا .. بالنسبة ليا ) وهوا طبعا في ولاية تانيه مهي في واشنطن لكن عنوان السفارة في واشنطن .. رح يسير في تضارب عادي يعني انو ما يكون زي بعض
وشي عاشر ابا اسال عنو
دحين في الابليكيشن حق بابتي لمن اجي اعبي فقرة المتكلف بدفع نفقات السفر اكتب انو زيي جامعة الملك بما انو هوا المرافق معايا لكن في حق مامتي واخواتي اكتب other person اللي هوا رح يكون بابتي المتكلف بيها .. صح كدا ولا غلط
وفي فقرة يبغوا فيها معلومات شخصين يمكن الاتصال بهما في بلدي وما يبغوا اقارب لا من الدرجة الاولى ولا غيرو .. اش اكتبلهم هنا >انا كتبت اتنين من اعمامي مافي مشكلة عادي ولا اكتب اخويا ومرتو والله مدري محتاسة > دي الفقرة اللي قبل معلومات ال sevis
يسعدك ربي ويوفقك اختي شفايف .. انتظر ردك على اسئلتي اللي تطفش :s

جزآتس الله خير


شكرا شكرا شكرا


الله يكتب لك الأجر ويغفر لك الذنب يالله يآرب

شفااايف فينك مستنية ردك
مني عارفة كيف اعبي الفقرة دي اش اكتب وسيلة الاتصال في امريكا للمرافقين كيف اعبي بيانات السفارة السعودية والشارع ومني عارفة مين :s
احد يقلي الله يسعدكم .. والاشياء اللي كتبتها قبل كدا والله مرره حايسة اللي عندو فكرة يقلي الله يوفقكم

والله اني من جد متوتره وبقوة كمان انا المفرووض تبدأ دراستي في 19 AUG والى الان لسه ما اخدت موعد في السفارة دا اللي مجنني والي اعرفو انها تطول دي الاجراءات ولسه كمان شهر عشان اخلص اجراءاتي مع الجامعه بعد ما تطلع الفيزا خلاااااص رح اتجنن بدي اخلص بس بسرعه دا الابليكيشن عشان اقدر اخد موعد في السفارة ليا ولاهلي انا حقي الابليكيشن خلصتو الحمدلله باقي حق اهلي والمعلومات دي اللي مني دارية كيف بس ..
طيب اقدر اخد موعد بس برقم التاكيد حقي انا بس واخد لاهلي معايا قبل لا اسوي الابليكيشن حقهم ولا لا ..
طيب كيف اعبي المعلومات دي هما يبو
STREET ADRESS

CITY

STATE

ZIP CODE
كيف رح اكتبلهم الطريقة وبارقام التلفون اللي اديتني هيا .. وياريت تقرأ المعروض اللي كتبتو في صفحه 124 عشان لا اكتر كلام هنا عشان ماشالله انا عارفة كلامي كتير بس وياريت تجاوبني اذا عندك فكرة عن الاشياء الي بستفسر عنها خصوصا عن نفقات السفر
تسلم والله مرره شكرا بس ياريت تساعدني ..

العفو

اسألي اي سؤال وانا بجاوبك