طلاب الماستر فقط الناويين على المرحلة السابعة ... هنا الاستفسارات والنقاش

اقصد المرحلة السابعة :$


ههههههههههههههههههه أدري , أنا متعمد كتبتها مثل ماهي " ماتشوفيني أضحك ".

ربي يريح قلبك ويطمن بـآلك ولايخلي قلبك يشوف هموم يـآرب ماقصرت..

شباب أنا مقدم على ابتعاث ماستر

تخصصي في البكلوريا تربية خاصة مسار صعوبات تعلم

الآن أنا محتار و أفاضل بين وظيفة معلم و بين الابتعاث ؟ إذا لك نفس بالدراسة ----- كمل أحسن لك , والعكس صحيح .


و طيب لو حصلت على ابتعاث على أي تخصص راح يقطوني علما أني اخترت حاسب الي و أنوي تغييره للتخصص اللي يكون امتداد لتخصصي

الف مبروك اخونا ابوبشار تستاهل وعقبال ماتتسهل علينا ., ....... الله يجزاك خير ,

انا موعد تدقيقي الاربعاء يعني بكره بس ماراح اروح كله من ورا سالفة تغيير التخصص للاسف اهلي مو متطمنين لتغيير التخصص من هناك على اساس اني بنت مايبوني اعرض نفسي لمشاكل هناك بالملحقيه
عساها خيره ,
والله وبالله وتالله وأيم الله يا روز ,
إن كل شيء مكتوب ومقدر , فلا تخافين ( ماراح تآخذين إلا اللي الله كاتبه لك )

المهم شار علي اخوي بشور قاللي انتظري لين تعلن وظايف بالجامعه وقدمي على اعاده ومن عندهم يبتعثونك وبالتخصص اللي تبينه من دون ماتحطين نفسك بمشاكل تغيير تخصص معهم

وعلى شوره ابوي اقتنع
عين العقل ,
سلميلي عليهم

وهذي انا ليلحين انتظر وظيفه تبتعثني وكل شوي جايتني رساله من برنامج الابتعاث يذكروني بموعد التدقيق والوثائق المطلوبه وكلما جت رساله منهم اعيش بحالة انهيارواكتئاب بصراحه مره متعلقه بموضوع الماستر برا خصوصا اني لسا على بر وحره مابي اضيع وقتي لين يكتب ربي نصيبي وعقبها انسي حاجه اسمها دراسه واكمال !: :/
--------------------------


انتم وافونا باللي يصير معاكم بخصوص تغيير التخصص يعني اكتبوا تقرير مفصل باللي واجهتوه في مسألة تغيير التخصص علما بأن ثلاث ارباع المقبولين راح يغيرون تخصصاتهم اتمنى توافونا باللي يصير

والف شكر لك اخوي ابوبشار كفيت ووفيت الله يجعلها بموازين حسناتك ويغفر لوالديك فكيت ازمات شعب _ اللهم اجعلني خيرآ مما يظنون , ولاتؤاخذني بما يقولون , واغفر لي مالايعلمون .

وبالنسبة للموضوع اللي بصراحة :
" ملينا منه , وجننا , وزهقنا , وطفشنا , وعيفنا حياتنا , وكرهنا بمستقبلنا , وشيب بروسنا , وعل تسبودنا , وسبب لنا الإكتئاب , والأرق , والتعب النفسي "
ألا وهو " إمكانية تغيير التخصص من عدمها "
فهذا عندي حله " وأنا أبو بشار "
لكن ليس ف الوقت الراهن ,
لأني ناوي أغير تخصصي من " تسويق " إلى " لغويات " ______ وأوعدكم , إني راح أعطيكم الجواب القاطع بالموضوع هذا .
وإن شاء الله سأبقى معكم قلبآ وقالبآ ..... وراح أجاوب عن تساؤلاتكم , حتى بعد سفري لأمريكا " إن شاء الله "
فلا تخافون ... إني أقاطعكم .
وأتمنى من الإدارة إنها ماتحذف موضوعي ................ لكن لاسمح الله لو يحذفونه ( راح أسوي موضوع جديد ) راح يبدأ باسمي .

.,