طلاب الماستر فقط الناويين على المرحلة السابعة ... هنا الاستفسارات والنقاش
طلاب الماستر فقط الناويين على المرحلة السابعة ... هنا الاستفسارات والنقاش
تنبيه: هذا الموضوع قديم. تم طرحه قبل 5036 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
LinkBack URL
About LinkBacks-
7 " - السلام عليكم7 "
ياجماعة انا كتبت اسم بابا و اللقب في استمارة الابتعاث بالانجلش غلط مو زي اللي في الجواز واوراقي اتدققت تتوقعون ماانقبل عشان دي الغلطة بليز ردولي
وكان عندي استفسار انا بكالوريس كيمياء حيوي ايش تنصحوني اختارتخصص للماستر ينفع معايا - 7 "بالتوفيق إن شاء اللهايش افضل التخصصات الي امتداد لتخصص اللغه الانجليزيه ؟؟
هلا وغلا فيك ,
أنا تخصصي إنجليزي , وإخترت " تسويق " مبدئيآ ,
وإذا وصلت أمريكا ع خير , إن شاء الله أبغى أحول لتخصص " لغويات " _ صيغة " طلب تغيير التخصص " موجودة بصفحة 4 .
وإن شاء الله إنهم يوافقون , لأني أعرف ناس إختاروا تخصص مو موجود من ضمن التخصصات ف البرنامج ,
ومع هذا وافقت الملحقية . ولاسمح الله رفضوا , " الشكوى لله " راح أكمل بالتسويق ... لكني متفائل إنهم راح يوافقون بإذن الله .
ياااربي انا انجليزي بس مدري وش ابي اكمل تسووويق ما ابي لااازم يتغير لانو بدرسه عالفاضي وين اتوظف بعدين!!!
بما إنك " فتاة " فنصيحتي لك إختاري تخصص " محاسبة " وبإذن الله الوظيفة مضمونة ,
ابي شي يفديني واكون استاذه في الجامعه بس ابي نصيحتك ؟؟
حاولي إنك تغيرين التخصص لـ " لغويات "
ايش افضل التخصصات ؟
الأفضل بالنسبة لنا حقين " الإنجليزي " __ أكيد لغويات أو ترجمة , لكن إذا مالله قسم إننا نختارهن , مالك إلا محاسبة أو تسويق .
لكني أشوف إن المحاسبة أفضل للبنات
وربي يوفقك وين ماتروح ويسهل دربك ___ الله يجزاك خير - 7 "بالتوفيق إن شاء الله لك ولزوجكالسلام عليكم ورحمةالله وبركاته ... وعليكم السلام ورحمة الله وبركاته
اولا هنياءَ لك يابشار على الدعوات التي تاتي لك
من خلال تقديمك المساعده لاخوانك واخواتك ..
ولله يوفقك وبيض وجهك ويجعل الجنة مثواك ..
ويكثرمن امثالك ..
" اللهم اجعلني خيرآ مما يظنون ولاتؤاخذني بما يقولون واغفر لي مالايعلمون "
ثانياموعارفه انزل سؤالي هنا او موضوع مستقل :
ع راحتك
ممكن يكون مكرر بس مالقيت اجابة _ أبشري بالإجابة الكافية والوافية والشافية بإذن الله
هو تخصصي رياض اطفال وابي تخصص في جامعة امريكا ادارة رياض اطفال
وانا مسجله في الاستمارةعلوم حاسب _ راح يجبرونك ع تغييره إلى تسويق أو محاسبة
اقدر اغير التخصص لتخصص مو مندرج في الوزارة
ادارة رياض اطفال _
بالنسبة للي يبي يغير تخصصه , سواء التخصص موجود ف البرنامج أو لا ,
أولآ :
يجب عليه تقديم " طلب تغيير تخصص " للملحقية _ وراح تجتمع لجنة من المسئولين ف الملحقية للنظر في طلبه , وعلى حسب الأسباب اللي خلته يطلب تغيير التخصص , إذا اقتنعوا بها راح يوافقون والعكس صحيح .
صيغة " طلب تغيير التخصص " موجودة بصفحة ( 4 ) بموضوعي , مع العلم إنه فيه طلاب غيروا لتخصصات مهي موجودة ف البرنامج
" بعد موافقة الملحقية طبعآ " .
لكن من وجهة نظري " أتوقع إنهم ماراح يسمحون لك نهائيآ , بإختيار تخصص " رياض أطفال " .
لكن لو إن تخصصك ف البكالوريا إنجليزي وتبين ماستر إنجليزي , كذا نقدر نقول إنه فيه أمل لموافقة الملحقية .
لأن الإنجليزي من التخصصات المهمة جدآ , والجامعات عندنا محتاجين أعضاء هيئة تدريس متخصصين ف اللغة الإنجليزية , لأنه فيه نقص كبير .
وبالنسبة للمرافق سمعت ان بعد سنة اللغه يقدر ينضم للبعثة هل المكافئة تزيد
بحيث يصبح طالب اكاديمي ؟
نعم , يصبح طالب أكاديمي , وراح تزيد مكافئته وتصير زي مكافئتك بالزبط _ 1849 دولار أمريكي .
ويعتبر " مبتعث رسميآ " وحتى لو تنتهي مدة دراستك , مو ملزم بالعودة معك . يعني يقدر يكمل دراسته بغض النظر عنك .
سواء أنهيتي دراستك أو لا . ويحق له إنه يجيب مرافق معه " إذا كان متزوج " وراح يصرف لمرافقه مكافئة .
واخيرا زوجي في الجامعه تربيةخاصة وانتهى من اربع مستويات سنتين هل يقدر يحول لجامعه
خارجيةويكمل تخصصة؟باقي له اربع مستويات وماهي الاجراءات لذي الحاله ؟
أولآ :
يطبع السجل الأكاديمي للمستويات اللي درسهن سواء 4 مستويات أو 5 , ويترجمهن عنده مكتب " ترجمة معتمد من قبل الوزارة " ,
ويختمه من جامعته . وإذا وصل أمريكا ع خير , بعد ماينهي فترة اللغة , يدور له جامعة فيها تخصصه ويقدم عليها ,
" كطالب منتقل " وليس كطالب جديد .
وعلى حسب الجامعة إذا يعترفون بالمواد اللي درسهن أو لا , لأن فيه بعض الجامعات إذا شافوا المواد اللي درسهن زوجك راح يقولون له :
لسنا ملزمين بمعادلة كل المواد اللي درستهن بالسعودية , لذا راح يعادلون له 40% فقط من المواد اللي درسهن , وهذا اللي أتوقعه ,
وعلى كذا ماراح يستفيد أي شيء من دراسته بالسعودية يعني تروح " هباء منثورا " .
ونصيحتي لزوجك المحترم :
لايعتمد ع دراسته بالسعودية . لو إني منه ( بعد ماأنهي فترة اللغة , راح أختار تخصص " تسويق " ) عشان يضمن مستقبل باهر .
وترى 4 مستويات " ماعليهن حسايف " الله يعوضه خير .
لكن فيه حاجة مهمة جدآ جدآ جدآ جدآ جدآ جدآ جدآ جدآ , يغفل عنها كثيييييييييييييييييير من المرافقين .
ألا وهي " نوعية الفيزا "
------------------------------
* ))) إذا مرافقك يبي يدرس لغة فقط , وماعنده نية إنه يكمل جامعة ----> بالحالة هذي يطلع فيزا F2 .
مع العلم إن دراسته بالمعهد راح تكون " بارت تايم " يعني إذا إنتي تدرسين 6 ساعات بالمعهد , مرافقك راح يدرس 3 ساعات فقط . لكن عادي يمديه يتعلم اللغة وبالراحة .
لكن لكن لكن لكن لكن لكن لكن لكن لكن لكن لكن
*))) إذا مرافقك يبي يدرس لغة + جامعة -------> نصيحة لوجه الله خليه يطلع فيزا F1 من الآن مدامه بالسعودية " عشان يريح باله من وجع الراس "
لأنه لو يطلع فيزا F2 , ويبي يكمل جامعة , ماراح يسمحون له , إلا إذا حولها لــ F1 , وإذا قال : عادي أحولها بأمريكا , صدقيني راح يتعب من الإنتظار لأن تحويل الفيزا من F2 إلى F1 عادة يآخذ من 3 إلى 9 شهور . لكن لو يخليها F1 من الآن راح يرتاح , وبمجرد ماينهي اللغة , يقدر يكمل بالجامعة " طواااااااالي "
وأخيرآ :
أتمنى إني أفدتك ولو بالشيء القليل . وسامحيني إذا قصرت بشيء . وإذا عندك أي إستفسار ثاني , أنا تحت أمرك .
وبالتوفيق للجميع.. - 7 "إذا عندك أي استفسار ......... أنا حاضرمساء الخير ابو بشار مساء الخيرااات والسرور والسعادة
كيف الحال إن شاء الله تمام _ دامك بخير أنا بخير
ابو بشار انا اول مره ادخل هــ الموضوع وشفت ردودك اللي تريح >>كأنك طبقت حديث المصطفى (خيركم أنفعكم للــــناس)>>أسأل الله انك تكون منهم
مقبولة أنا أول شيء أرحب فيك ويانا , نورتي موضوعي _ وترى نص الحديث يقول : ( خير الناس أنفعهم للناس ) >> أسأل الله أن يجزيك خير الجزاء
سؤالي ابو بشار أنو انا تخصص دراسات إسلامي واخترت قانون ماستر طبعا واول رغبة لي من ناحية الدول >>كندا
تتوقع القسم مناسب للماستر والا فيه غلط
مع إحترامي لك , خياراتك كلها " غير موفقة "
أول شيء بالنسبة للتخصص ,
أعطيك إياها من ألحين , الوزارة راح تجبرك ع تغييره إلى تسويق أو محاسبة أو مالية " وتذكري كلامي " . وإختاري محاسبة " أفضل لك " .
وثاني شيء الدولة ,
اسمعي نصيحة أبو بشار , وماراح تندمين :
غيري الدولة بأسرع وقت ممكن وإختاري أمريكا .
لأن القبول الجامعي في كندا صعب جدآ , وفيه ناس كثثثير ماحصلوا قبول جامعي مع إن تخصصاتهم أفضل من تخصصك , ومع هذا أجبروهم بالتحويل لأمريكا .
وأنا أعرف شخص من " حارتنا " هههه تخرج من الكلية ومعدله 4,93 تراكمي , تخصصه لغة عربية .
وكان من طلاب المرحلة الرابعة , واختار كندا .. وبعد ماخلص فترة اللغة , ماحصل قبول جامعي , وأجبروه الوزارة بالتحويل لأمريكا ,
والآن يدرس بتكساس " تخصص إدارة اعمال " _ وأموره عال العال . الله يوفقه .
لأن عدد الجامعات في كندا بكبرها حوالي 92 جامعة فقط , تشمل المعترف بها والغير معترف بها . وكلها مليانه من الطلاب من كل أنحاء العالم ,
وهذا اللي خلاها صعبة من ناحية القبول الجامعي .
وأزيدك من الشعر " بيتين "
كندا من أصعب دول العالم من ناحية الدراسة , مقارنة بالدول الأخرى . إضافة إلى جوها الباااااارد جدآ .
على عكس أمريكا :
فأمريكا تعتبر رقم 1 بالعالم من ناحية قوة الشهادة وجودة التعليم وتوفر التخصصات بشتى أنواعها وسهولة القبول الجامعي مقارنة بكندا وإيرلندا .
وعدد الجامعات بأمريكا 4000 جامعة ( تخيلي )
المعترف بها 1200 جامعة , الطلاب السعوديين يدرسون بـ 1199 جامعة من أصل 1200 جامعة معترف بها , ماعدا جامعة وحدة نسيت إسمها .
والأجواء بأمريكا أفضل من كندا .
واللي مهو مصدق يدخل على تصنيف أفضل الجامعات بالعالم ويشوف بنفسه ترتيب جامعات أمريكا وكندا .
خلاصة الكلام :
أمريكا لايعلى عليها , وأنا بصراحة أستغرب من الطلاب اللي يختارون ( دول شرق آسيآ ويتركون أفضل دولة بالعالم لا منازع )
ألا وهي " الولايات المتحدة الأمريكية " أرض الأحلام , ياحبني لها هههههه .
--------------------------------------------------------------------------
واخيرا
أشكرك على روح الامل والتفاؤل >>الله يحفظك _ العفو وعسى الله يوفقك لكل خير - 7 "الله يسعدك ويوفقك لكل خيرالسلام عليكم ... وعليكم السلام ورحمة الله وبركاته
الله يجزاك خير كنت بسال عن رقم الوزاره اذا احد عنده رقمهم
يساعدني
هلا وغلا بالقاطعة , سلامات وينك !!!
تفضلي :
عنوان البرنامج
مبنى وكالة الوزارة لشؤون البعثات - حي الغدير الدائري الشمالي - مخرج 4
هاتف البرنامج
2107533 -1- 966 تحويله: 178 - 201
البريد الالكتروني : KASP@mohe.gov.sa
------------------------------------------------
للتواصل مع الإدارة :السنترال العام2107533الفاكس2107467
الاسمالتحويلةمدير برنامج خادم الحرمين الشريفين( د . ماجد عبدالكريم الحربي )146السكرتارية149
الله يسعدكم
أي خدمة ..... أنا حاضر - لو سمحت اخ ابو بشار لو طلع المرافق فيزاf1 مايقدر يدرس بالمعهد دوام كامل طيب وش الطريقه اللييقدر يدرس فيها دوام كامل هل يدفع من حسابه7 "
- 7 "مساء الخير يا " memeoo "
عفوآ ,
إنت فهمت كلامي خطأ , المرافق لو طلع فيزا F2 مايقدر يدرس بالمعهد دوام كامل . لكن عادي بإمكانه يتعلم اللغة خلال سنة بالكثير .
وإذا يبي يدرس دوام كامل لازم يطلع فيزا F1 .
بالتوفيق إن شاء الله - طيب انا حالة الطلب عندي تم تدقيق طلبك واول رغبة امريكا هل ابدأ ادور معاهد لغة من دحين ولا استنى الين يجيني قبول نهائي7 "
- 7 "مساء الخير ,
أول شيء ,
الطالبـ / ــة :
غير ملزم بإحضار قبول معهد اللغة لأن الوزارة هي اللي تتكفل بإحضاره , لكن إذا تبين معهد معين ,
الأفضل إنك تنتظرين لين تتأكدين 100% إنهم قبلوك
بالتوفيق إن شاء الله
الله يجزاك خير كنت بسال عن رقم الوزاره اذا احد عنده رقمهم
يساعدني
الله يسعدكم