طلاب الماستر فقط الناويين على المرحلة السابعة ... هنا الاستفسارات والنقاش

صبآح الخير .. هلا وغلا
رجعت من جديد
نتشرف برجعتك لنا

- ب النسبة للملتقى .. هل مطلوب مننا نودي أوراق معينة ؟ إذا فيه أوراق معينة , راح ترسلها الوزارة ع إيميلاتنا .

لآن وثيقتي محتآجة تعديل وآنا مأجلة السالفة شوي لبعد الملتقى . فلو نحتاج نودي شي بعدلها قبل ..
ويعطيك العآفية . إذا فيه إمكانية لتعديلها قبل الملتقى يكون أفضل . لكن حاولي إنك تكملين أوراقك بأسرع وقت , عشان ترتاحين .

السلام عليكم .. وعليكم السلام ورحمة الله وبركاته
عندي استفسار ومدري انطرح من قبل ولا لا ، الصفحات كثيره وما يمديني اقرا الردود كلها ><

سؤالي /
وش الاجراءات اللازمه على المرافق ( المعلم ) اللي لازم يسويها قبل البعثه ، عشان ينضم معي في معهد اللغه وفي اكمال الدراسه ايضا ؟
إجراءات المرافق ( المعلم ) زيه زي أي مرافق آخر .. لكن بعد مايصدر قرار إبتعاثك ,
خليه يآخذ صورة منه ويقدمه لمرجعه عشان يعطونه إجازة إستثناية .
وبالنسبة لدراسته ف المعهد .. بعد ماتاصلون بلد الإبتعاث كلمي الملحقية وهم راح يدبرون له قبول بنفس معهدك .

السلام عليكم ورحمه الله وبركاته .. وعليكم السلام ورحمة الله وبركاته
شخبارك ابو بشااار ؟؟ بخير
الله يوفقك ويخليك يارب لنا ويجعل قلبك من الهم خالي يااااااااارب ... الحمد لله زااال الهم , البركة بدعائكم .

بسالك الحين انا القبول اللغه حطيته في 2/4/2012 راح ياثر ع الفيزاء مثلا تتاخر ولا مالها دخل ؟
لا , ما يأثر

الله يعطيك العافيه يااااااااارب ويقويك ..

انا معاي زوجتي ابغاها تتعلم لغه .. بس ماادري هل اقدر اسجلها بأحد معاهد تعليم الانجليزي ع حساب الملحقيه ؟ ياليت احد يفيدني ..
إيه , تقدر تدرس بمعهد اللغة + الجامعة -----> ع حساب الملحقية

السلام عليكم ابو بشار والجميع ~~ وعليكم السلام ورحمة الله وبركاته
عندي سؤاليييييين اتمنى تفيدني ...
الاول الشهر بيخلص ولحد الان مانزلو اسماء المقبولين النهائي وهل حيرسلو عالبريد او الجوال ولا بس الموقع اراجعوو باستمرار؟؟
الإعلان النهائي قريبآ جدآ جدآ جدآ .
راح يعلن عن المقبولين في موقع الوزارة وعلى إيميلات وجوالات المقبولين وبالجرايد .
اما التاني انا في البداية حطيت المرافق بابا ودحين جيت اغيرو على انه اخويه فالمعلومات كلها بتتعدل الا الاسماء الاول والاب والجد والعيلة مني عارفة ليش مايرضى يكتب في الخانة نفسها احد سارلوو دا الشي ياريت يقلي ايش اعمل
قولي للمسئولين ف الملتقيات وراح يعدلونه لك .

ومررررررة شكرا مقدما

السلام عليكم اخ ابو بشار ... وعليكم السلام ورحمة الله وبركاته " خطوات مجهوله "
تشــــــــــــــــــــكر لمساعدتك ... لا شكر ع واجب
اللهم أجعلها في موازين حسناتك. جزاك الله ألف خير لما تقدمه من مساعده للطلاب... وياك يالغالية
انا مقدمه ع ماستر محاسبه ...
بس محتاره هل ولايه تكساس مدينة اوستن المعاهد اللي فيها ممتازه او لا

راح تلقين معاهد ممتازة ومعاهد متدنية . وبالنسبة للجامعات , أكيد مناسبة لأن جامعات أمريكا مستواها عالي .

وشكــــــــــــــــــــــــــــــــرا كثيــــــــــــــــــــــــــــر...

صبحكم /او مساكم الله بالخيـــر .... مساك الله بالرضى والسرور ,
اللحين بالوقت هاذا اللي هو وقت انتظار _ وش المطلوب مننا نراسل معاهد وجامعات او نراسل السفاره عشان الفيزه وهاذي وهاذي متى نبدا بهن لو مهو هالوقتلبى قلبوبكم __
بعد الإعلان النهائي , المطلوب منك هو الإلتزام بالموعد المحدد لحضور الملتقى , ولكل حادث حديث .

إخواني عندي سؤال بخصوص حصولك على قبول للماستر من جامعة تعتبر من ضمن افضل 10 جامعات في العالم... لكن على تخصص غير موجود في قائمة الإبتعاث !! هل افقد الأمل بإكمال ابتعاثي على حساب المرحلة السابعة ؟!

السلام عليكم ... وعليكم السلام ورحمة الله وبركاته
لو سمحتم الي عنده حل لا يبخل علي.. انا مخلصه بكالوريوس وراسلت جامعات امريكيه للتقديم على برنامج الماجستير لكن شروطهم كانت اكمال بعض المواد للحصول على القبول ( احياء وكيمياء) على مستوى البكالوريوس. وين وكيف اقدر اكمل المواد المطلوبه بدون ما التحق التحاق رسمي في معهد او جامعه وبدون مسمى تخصص معين. ساعدوني جزاكم الله خير _
هذي اسمها " مواد تكميلية " وهذولن الجامعة اللي تحددهن وتدرسينهن بنفس الجامعة اللي قدمتي عليها , وبعد ماتنهينهن تكملين الماستر .

السلام عليكم جميعا .. وعليكم السلام ورحمة الله وبركاته

لدي بعض الاستفسارات ولا اعلم ما اذا تم طرحها من قبل ام لا .
ولا يهمك ... أبشر بعزك .

زوجتي مقدمة على ماجتسير تمريض في كندا ولاكن اثناء التدقيق تم اعطاءها ورقه وغيرت الرغبة الاولى الى بريطانيا.

بريطانيا مقفلة ,راح يحطونها بدولة أخرى وإحتمال كبير بأمريكا .

انا راسلت الوزارة قبل مرحلة التدقيق واستفسرت عن تغيير الرغبات اثناء التدقيق ردو علي الرد اللي بالاسفل.
في احد مر بهالتجربة. لا يبخل علينا بالرد

بالنسبة للمرافق هل تأمن الوزارة له قبول في المعهد ؟
نعم
وكيف يمكن ينظم للبعثة ؟
ينظم للبعثة بعد إنهائة فترة اللغة بالكامل .
شروط إلحاق مرافق بالبعثه
1- صورة بطاقة الأحوال المدنية للطالب أو صورة دفتر العائلة للطالبة.
2- صورة آخر مؤهل حصل عليه الطالب أو معادلتها إذا كانت صادرة من خارج السعودية .
3- ما يفيد بإنهاء مرحلة اللغة.
4- صورة من قبول أكاديمي صريح (غير مشروط) محدداً فيه الدرجة، التخصص و بدء الدراسة.(إذا درست الفصول السابقة يرجى إرسال الدرجات).
5- صورة جواز السفر+ فيزا سارية المفعول + آخر I-94 + ختم الدخول(واضح) +i-20 + صورة جواز المبثعت الأساسي .
6- صورة من قرار (الإيفاد / الإبتعاث) للمبتعث الأساسي .
7- قرار إجازة المرافقة للموظف.
8- المدة المتبقية على بعثة المبتعث الأساسي أكثر من 6 أشهر.
9- يجب أن تكون الدراسة بنفس المكان المتواجد به المبتعث الأساسي.
10- للموفدين : إفادة من جهة عمل الموفد بأنه على رأس العمل.



وهل قبول المعهد يكفي للحصول على تأشيرة طالب ..
متطلبات التأشيرة لاتقتصر ع قبول المعهد فقط .

وبالنسبة للتوصيات متى احتاجها _
تحتاجها إذا قدمت ع الجامعة في بلد الإبتعاث


ادعوا وياي الله يعدي هاليومين على خير ويفرح الجميع بالقبول. توكل ع الله , بإذن الله إن الجميع مقبولين .

وكالة الوزارة لشؤون الإبتعاث ( برنامج خادم الحرمين الشريفين للآبتعاث الخارجي )
تم إعلان النتائج للطلاب المرشحين نهائيا بإمكانك الحضور إلى مبنى الوزارة لشؤون البعثات يتم تقديم خطابيشرح فيه أسباب تغير بلد الابتعاث ويعرض على اللجنة لدراسة الحالة واتخاذ قرار بشأنه
----------
-----
معروف إن كل من تم قبوله مبدئيآ , يعتبر مقبول ف الإبتعاث .. والدليل إن كل الطلاب ف المراحل السابقة قبلوهم .. لكن بعض المسئولين يقول القبول المبدئي ليس قبول نهائي ,
لكن خالفهم الموظف اللي أرسل هالرسالة : وأكد فيها إن قبول الطلاب مبدئيآ يعتبر " قبول نهائي " .