تجمع واستفسارات لطلاب ماجستير الحاسب الالي

عارفه ياعزيزتي وانا ماسالت الا بعد مابحثت
اغلب اللي يطلع بموقع الوزاره هو MIS ويكون ندرج تحت البزنس سكول وانا هذا اللي مابيه لاني مسجله تخصصي بالاستماره علوم حاسب
فيعني لازم يكون التخصص مندرج تحت علوم الحاسب فهمتيني الحين ؟!


بليييز اللي يعرف جامعات تقدم ماستر نظم معلومات بامريكا لايبخل علي

طيب انا بحثت عن كذا تخصص بالحاسب وطلع لي
بحثت عن Computer Science وطلع لي
وبحث عن MIS وطلع لي اللي تبع البزنس وطلع معها بنفس الوقت اللي بدون كلمة بزنس

انا تخصص اقتصاد منزلي
ونسبتي 85
اخترت علووم حاسب
وش التخصص اللي له مستقبل
والولايه اللي في امريكيا
أقوى شهاده

AR MIS افضل الجامعات اللي تقدم ماستر علوم حاسب بصفه عامه في امريكا في هالرابط وراح تلاقين تخصص IT باغلب الجامعات واختاري اللي يناسبك فيها ....

Best Computer Science Programs | Top Computer Science Schools | US News Best Graduate Schools

واتمنى انك تطلعي على هالرابط لانه راح يفيدك اكثر مني ومن اي متفلسف زيي او غيري ....
http://www.mbt3th.us/vb/forum8/thread297447.html


غلاوتي .... كل التخصصات في مجال علوم الحاسب قويه بس انتي شوفي التخصص اللي تحسين انك بتبدعي فيه وادخلي على الرابط الاول واختاري الجامعه اللي تناسبك

لو سمحتم انا تخصصي علم نفس واستفسرت من الوزاره قالو التخصص المتاح لي التسويق

اقدر اغير هناك لانه ماودي في ذا التخصص

يعطيك العافيه علوش بالنسبة لطريقة البحث عارفه كيف ابحث بس سؤالي حتى اختصر على نفسي قلت يمكن يكون عندكم معلومات عن التخصص والجامعات اللي تقدمه بما ان الموضوع تجمع طلاب الحاسب الالي

بالنسبه للموقع بس يعطيك افضل 18 جامعه فقط صح ومتطلباتها قد تكون صعبه حبتين ..

اكيد اني ابحث عن الشي اللي ابيه ويناسبني بس مايمنع هالشي من السؤال .. الف شكر لك

AR MIS كلامك صح بس حبيت انوه على عالرابط ممكن انه في بعض الاشخاص يحتاجوه فدايما احب اذكر بهالرابط للفايده ..... وبالنسبه للجامعات اللي موجوده بالرابط مثل ماقلتي راح يكون القبول صعب فيها لكن افضل انك تختاري الجامعات اللي الرنج حقها منخفض مثل ماسويت انا .. انا ما ادور جامعات قويه حيل تكون متوسطه نوعا ما والقبول فيها سهل والاهم من هذا انها معتمده وهذا اللي يكفيني ....


نسرين خالد ... يمديك تغيري تخصصك للتخصص الللي انتي تبغيه بس بشرط لازم يكون التخصص من ضمن التخصصات المطلوبه في البعثه ... عشان كذا الظاهر حطولك تخصص التسويق لانه هو التخصص الموجود في تخصصات البعثه اللي يكون امتداد لتخصصك .... وتقدري تراسلي الوزارة وتسأليهم عن هالشيء بالتوفييق
هذا ايميل الوزارة والرد مايطول انشالله
kasp@mohe.gov.sa

كيفكم وألف الشكر لمن نزل الموضوع هذا . أحبــــــــــــكـ >> إذا كانت بنت ماأحبك هع قصدي ياحبني لس
المهم تكفوووون شرايكم الأفضل لعلوم الحاسب الآلي كندا ولا أمريكا ؟؟؟؟؟؟؟ ياليت يعطوووني وجه . نبي تفاعل يامعشر المبتعثين

هلا بك ابو جابر .... والله ياحبيبي من ناحيه تخصص الحاسب انا من وجهه نظري ان امريكا افضل بكثير لانه افضل ميه جامعه بالعالم في تخصص علوم الحاسب امريكا ماخذه النصيب الاكبر ... اما بالنسبه لكندا تقريبا هناك 3 جامعات تعتبر الاقوى في تخصصنا ... اما امريكا تقدر تحط لسته طول وعرض بالجامعات .... والنهايه القرار لك واتمنى اني افدتك وفيه ناس احسن مني بهالموضوع اتمنى انهم يفيدونك ... واي خدمه انا تحت امرك

تخصصات الحاسب كثيرة ومتنوعة ..

اكثرها علوم الحاسب .. وكل جامعة تعطي هذا التخصص لدراسات العليا لديها عدد من مراكز الابحاث في مجالات اهتمام معينة ومسمى الدرجة العلمية في الغالب يكون " علوم الحاسب " ..

فمثلاً جامعة يهتم قسمها في الذكاء الاصطناعي والروبوت والانظمة الخبيرة .. ولديها مركز ابحاث .. وبعضها يهتم في هندسة البرمجيات وأنظمة التشغيل وقواعد البيانات ... ألخ ..

لذلك غالباً لما تختار جامعة للدراسات العليا زي حالتي لازم تتطلع على موقع القسم ومراكز الابحاث الموجودة في القسم وايش الي يناسبك وتحدده ضمن هدفك في الدراسة للانضمام ضمن الفريق

البحثي علشان تكون فرص قبولك اكثر في الجامعة ..

فيه تخصصات مثل هندسة الشبكات و هندسة برمجيات وامن معلومات ونظم معلومات حاسوبية CIS والحوسبة الاحيائية .. لو عددت ما راح اخلص .. لذلك هذه مميزة وعيب في تخصصنا انه المجال مفتوح لتحديد تخصصك وميولاتك ..

بالنسبة ليه انا لي ميول كبير في مجال تطوير البرمجيات والبنية الخاصة بالانترنت .. لذلك غالباً راح ابحث في الجامعات الي فيها مراكز ابحاث في هذا المجال ..

المشكلة لدينا في تخصص الحاسب هو GRE و TOFEL الدرجات العالية المطلوبة للقبول .. ولاحظت بشكل عام ارتفاع درجة التوفل مقارنة بغيرها من التخصصات اذا لم تكن الاعلى ..

معلومة ثانية في تخصص الحاسب فيه اكثر من درجة علمية مثلاً

فيه MSc او MS او MSS وهذا تعني درجة الماجستير في العلوم وغالباً تؤدي إلى امكانية الاكمال لدرجة الدكتوراه وتعتمد الدراسة على عدد ساعات دراسية قليلة وبحث علمي في مجال الاهتمام للحصول على الدرجة ..

وفيه MA وهذا درجة الماجستير في الفنون .. نعم فيه درجة الماجستير للفنون في الحاسب مثل تخصصات الي فيها الرسم والجرافيكس وتصاميم ثلاثية الابعاد والالعاب .. ولا أعلم اذا كانت تؤدي إلى درجة الدكتوراه او لاء ..

وفيه ماجستير تطبيقي واسمه مختلف من جامعة لجامعة .. وغالباً مدته اقصر ومعتمد على مشروع او على دراسة كورسات او عدد معين من الساعات .. وهذا النوع لا يسمح بأخذ درجة الدكتوراه .. هذا النظام موجود في امريكا وكندا وبريطانيا واستراليا .. ولا اعلم اذا كان موجود ايضاً في دول أخرى ..