تقرير @@@سؤااااال مهم للجميع@@هل صحيح في مرحلة التدقيق نقدر نختار المدن والولايات ..؟؟@@@

وعليكم السلام حبوبه
علينا وعليكي
ايه انا بعد وصلتني معلومات انه اختيار الرغبات بالدول بالاستماره مبدئي وانه بالتدقيق يتناقشو معاكي على الدول والمدن والجامعات ..الخ
بس في نقطه مبهمه انه مرحلة التدقيق تكون مجرد مرحلة تسليم وثائق وصور وشهادات ومطابقه وفي مرحلة اخيره تطلع فيها اسماء المرشحين نهائيا
سسسووو ... على اي اساس يسالو عن المدن والدول والجامعات للكل وهو مايدري من الاساس اذا اترشح ولا لا للبعثه ع العموم اتمنى ربي يحقق للكل مراده وتييسر
الافضل ياقلبي تستفسري عن طريق الوزاره او واحد فاهم من المراحل السابقه يفيدنا بها الخصوص .. وموفقين يارب ^_^

زي ماقالت الاخت .. ادا من الاساس فترة التدقيق هي فترة (تدقيق) لول ..المنطق يقول انو لابلد تحدد ولانتايج نهائية اساساً طلعت وهدا حيخلي من الخبر ( من وكالة سمعنا يقولون ) خبر (نص كم )

اي نعم .. ادا حابة تعرفي كيف تقدري تطلعي لمعهد او منطقة معينه بعد ماالوزارة تجيب لكم قبولات معاهد بكيف ( اهلها) فهدا موضوع لحال .. شوفي ياعزيزتي حقولك هي وحطيها حلقة بإدنك او خشمك وااااتايفر .. الحاجة الي انا متأكد 1000٪ منها انو مستوى اللغه ومدى تعلمك اياها خصوصاً لما تكوني طالعة من مستويات مبتدئة حيخلي حياتك الجامعية اسهل بمراحل من لما تدخلي الجامعة بمستوى لغة متواضع حتى وان فكرتي انك (تمشي الحال فيه) .. النمادج الي قدامي اشوفها من طلاب الماستر للأسففف تعيسه وترضى بأقل الجريدات والسبب هو تواضع اللغة .. شخصياُ دايم اقول للشباب انو فترة اللغة بالنسبة لي كانت اكثر ضغط نفسي من الفتره الحالية (الماستر) .. مو مدحاً في النفس قد ماهي تجربة احب اشاركم فيها وهي انو ياستي بسبتمبر 2008 بدأت اللغة من مستوى البيجنير والحمد لله الان حتخرج بماستر ان الله راد بمرتبة شرف .. زبدة موضوعي انو وقتها (المرحلة الرابعة) ماأنتظرت الوزارة تطلعني على معهد (على كيفها) وبحثت بنفسي ان افضل معاهد مقاطعة بريتش كولومبيا ( كندا) وجبت القبول منها (على حسابي مبدئياً) بس علشان اضمن بداية مشوار تعلم لغه (محترم) .. فأنتي أحرصييييييي تمام الحرص على اختيار المعهد بنفسك واتعبي بفترة اللغة لأنو حتريحك كثير في دراسة الجامعة والاهم انك (حتبدعي ) فيها ..

همسة خشم ... عدد مشاركاتي في الملتقى صارت 1111 بعد ردي بموضوعك .. حسيتني مبسوط

انا لغتى متوسطه و جيده لان دراستى اصلا باللغه الانجليزيه
لكن ابغى ادرس قبل و ابغى اختار المعهد و المدينه بنفسى
كيف اقدر اجيب القبول بنفسى بعد النتائج النهايه

و هل اقدر اخذ ضمان مالى من الوزاره للتقديم على المعهد بدل ما هم يجبون لى القبول <<< طبعا بعد ما اقبل نهائى فى البرنامج

من جد هالشئ اكثر حاجه تهمنى قبول للمعهد جيد جدا

عزيزتي .. علشان تجيبي القبول من المعهد فمايحتاج ضمان مالي ( على الاقل في اغلب المعاهد) .. لأن قد قد قد يكون انو لما تعبي بيانات الابلكيشن للمعهد حيطلبو تحديد حالتك ادا انك حاصلة على بعثه او منحة من حكومة او غيرها وبناء عليها يطلبو ضمان مالي او مايثبت وضعك كمبتعث.. بس اللي اعرفو انو قبولات اللغة امورها سهالات وشغلها كلو ماياخد وقت .... الضمان المالي فيكي تسألي عنو ادا الله وفقكم وحضرتو الملتقيات

شكرا على التوضيح

الا الضمان المالي مطلووووب..واحنا حنتظر الوزاره واشوف اذا يعطونا ضمان مالي...واحنا نجيب قبول بنفسنا

ايه الاغلب مطلوب الضمان المالى بس هو على حسب اذا مبتعثه او على حسابك
لانو لو على حسابك يعطونك القبول على قد فلوسك شهر ثلاثه و كذا
اما للمبتعث و بضمان الوزاره القبول مضمون لسنه
و انا كنت اسئل انو انا ابغى اقدم بضمان الوزاره ما ابغى اسوي كشف حساب عشان اقدم مثل اللى بيدرس على حسابه

و احنا لما نقبل نراسل الوزاره او ممكن نطلبها فى الملتقى

في النهاية انتو تبغو قبول لغة لمدة سنة ( او حسب شروط سفارة البلد الي حتطلعوه) .. في حال رفضت الوزارة انها تعطيكم الضمان المالي .. فيكم تسجلو في المعهد بعد ماتدفعو مثلاُ رسوم الابلكيشنز والمبالغ البسيطة الي تدفع لحجز المقاعد .. سياسات القبول تختلف من معهد للثاني .. بعض المعاهد حتى ماتدفعيلو سنت ( ادا عن طرق ايجنسي) .. فالنصيحة انكم تشوفو المعاهد الي تبغوها مباشرة بعد ماتطلع الاسماء النهائية .. وادا ماعندكم شغل هالايام غسلو يدكم من السحور والفطور وبحثو من الحين عن طرق قبول المعاهد