جاني ايميل الترشيح بس انا في ورطة كبيرة ...

والله انكم تخوفوني واهلي ماقصروا .....يالله ياكككككككككككككككريم تفرجها علي وتلهمني القرار الصائب ...

انا اذا رحت بعثة مارح اندم على شئ ...بس اذا جلست رح اتحسف على ضياع فرصتي وحلمي ....


ادددددددددددددددددددددعوا لي ...

استاذ سلطان العسااااف ...اسئل الله لك ولوالديك الجنة ووالدينا .....

والله القرار صعب ...واهلي في الاساس رافضين البعثة .....وبعد راح اسحب اخوي معي ....

ولما عرفوا ان في احتمال استقيل ...اكلوني اكل .....


بس انا فكرت ان الحياة فرص وان الاشياء العظيمة تتطلب تضحيات عظيمة ..

وان الرزق بيد الله وانا اثق بالله ...وبعدين انا تأجل تعييني كثيرا وتعينوا من صاحباتي من هم اقل مني ماشاء الله عليهم

وهذا رزقهم ....بس كنت دائما افكر ان الله (يؤجل امنياتنا ولاينساهـــــا ) *

...حتى يوسف عليه السلام عندما كان في السجن كان افضلهم بشهادتهم عندما ارادوه ان يفسر حلمهم (انا نراك من المحسنين )

وخرجا _صاحبيه في السجن _ قبله ...(فلبث في السجن بضع سنين ) .....وبضع في اللغة العربية من 3 -9 سنوات وهو برئ !!!!

ولكن عندما خرررررج .....اصبح عزيز مصــــــــــر ....


هذا عزائي وبصيرتي بما سيحدث لي ....لذلك سأضحي بكل شئ ...


وحسبتها براسي ...انا في التعليم سأستفيد مالاً وممارسة ...ولكن في البعثة سأستفيد علما ثم مالا اكثر اذا عدت بالماجستير ..

مالافضل لي ؟

ان اكمل معلمه في مدرسة .....واصعد السلم كالسلحفاة واكمل الماستر في السعودية بعد حين وفي طابور نمل طووووووويل ...

او اروح البعثة واجيب الماستر والدكتوراة ....والاهم من ذلك أصقل لغتي ...خصوصا واني اخذت شهادة التوفل بدرجة حلوة ..

واصبح قنديل نورررر هناكـــــ وانشر الاسلام بأخلاقي ..واحدث فرقاً..احلامي كبيرة والله المستعان ...

وعزائي (أن الله لايضيع الابرار)**..ولن يعجز عن رزقي الذي يطعم الطير تروح خماصا وتعود بطانا ...!


دعواتكم ...





ملاحظة :

اتمنى عليك ان تسأل لمن هم في وضعنا ....يستقيلون والا ممكن ايفاد ونرجع لوظائفنا .....اسئل وانا بحاول اسئل ورد لنا خبر ان تكرمت ...


____________________________________
* مقولة لمحمد حسن علوان في سقف الكفاية .
** مقولة للقمان الحكيم في نصحه لابنه في عدم جمع المال لابنائه فإن كانوا من الابرار فالله لايضيع الابرار وان كانوا من الفجار فلاتجمع المال للفجار ..

اختي
انا مثلك مقدمه
ولو طيارتي بكره وجاني القبول
لاترك البعثه وتوظف
تأكدي لم نبحث عن البعثه الا لنجد الوظيفه ولو وجدناها لن نبتعث
وظيفه وعند امك وابوك واهلك والله اطلق لك من البعثه
ماتدري كيف ستسير الرياح هل معك ام عكسك وكثير راحو بعثه وماقدرو يكملون او لم يجدو جامعه او اتو بشهادة الماستر وعلقوها بالبيت كالمنظر
جاتك فرصه لا تضيعيها الوظيفه افضل بكثير
واذا على الماستر كمليه بالسعوديه على حسابك ان شالله بعد عشر سنين المهم تكملينه

أولا : بصراحه أعجبت بطريقة طرحك وإلقائك ... الله يحفظك...
ثانيا/:أختي حلوه بأنك عندك لغه وعندك توفل وماراح تتعبي وبتظمني قبولك بالجامعه وماراح تهمي لأن هم كل مبتعث للماستر هو قبول الجامعه لان الوزاره ماعطيتنا فرصه12شهر+6 أشهر ...

ففي هذه الفترة ندرس لغه+البحث عن قبول جامعي...طبعا القبول الجامعي يتطلب لغه واختبارات مثل GREوجيمات .....
شوفي ألحين أرسلو لكم وقبلوكم قبول مبدئي ...>>الان تذهبي لموعدك بالمطابقه >>بعدها يرسلو للمقبولين بأن تم قبولكم والخ....شوفي القبول يكون بشروط أنك ماتكوني مسجله بوظيفه أو ان اي متقدم مايكون مسجل بجامعه...لأن في المرحله بعد التدقيق الوزاره تسوي بحث عشان تتأكد من وضعكم هل مرتبطين بجامعه أو موظفين...>>فطبعا اذا كنتي موظفه فماراح يقبلوك ...

طبعا الا بتقولي ليش هذي الفه معاك دوختيني ....>>أنا بأقول لك لوطابقتي وبعده رسلو لك مبروك تم قبولك عرفي ان اسمك ماهو مرتبط بوظيفه رسميه ..ويحق لك الإبتعاث ...بعدها كملي باقي اجراءاتك...بس قبلها استخيري...

ولولم يتم قبولك فأعرفي انك مرتبطه بوظيفه رسميه .... ومن شروط الإبتعاث الا تكون مرتبط بوظيفه اومقيد بأي جامعه هنا بالسعوديه...

أسفه لوطولت عليك... ولو في شي انا تحت الخدمه...

*تستاهلي البعثه دامك طموحه ... لكن الاستخاره أولا *

الوظيفه التعليميه حلوه كثيييير
بقول لك رايي لو كنت بمكانك ايش كنت بسوي اوكي
اكمل بوظيفتي بما انه الامر الملكي يشملك بالتعيين وهذا شي اكيييييد يعني ضامنه وظيفتك وبالنسبه للدراسات العليا بإمكانك بعد سنتين تقدمين على ابتعاث من شغلك بما انه عندك لغه رح يكون مسهل ان شاءالله يعني قدامك فرصه ثانيه ولا تقدمين على اجازه دراسيه وتطلعين على حسابك وتنضمين للبعثه

الله يوفقنا ويسهل لنا يااااارب

الله يحفظك لاهلك ولا يحرمك من جنته
صحيح اني اول مره اشوف لك رد بس الكميه الكبيره من الرقي بردك ذا خلاك تدخلين قلبي من غير اي دعوه

انا اشوف ان تخصصك بالاساس مطلب كل وظيفه ولو تدعميه يصير باب الوظائف عندك متشعب اكثر من اول
وعلى قولتك البعثه ماتعلم بس بالعكس هي تربي وتنمي ثقافات مختلفه وتزود الصبر والاعتماد ع النفس
يعني البعثه فائدتها المعنويه بصراحة لا تقدر بثمن " ع الاقل بالنسبه ليا "
بالنهايه انتي استخيري الله وبإذن الله بينور دربك للخير اياً كان وتآكدي اي قرار بعد الاستخاره حتى لو ابتدآ بشر " ولو ان كل امور المسلم خير " فهو سينتهي بالخير