جاني ايميل الترشيح بس انا في ورطة كبيرة ...

روحي يااااااارب يفرجها عليك ....ردك اثلج صدري والله .اسئل الله ان يثلج صدرك برؤية وجهه الكريم انتي ووالديك وانا واهلي معكم ^_^

.طيب قولي لي ...اللحين اذا جاءوا يطابقون يمديني اقولهم وضعي واني ممكن اكنسل وظيفتي والا يرفضوني ومايعلموني السبب
....




الله لايحرمني منك ...شكرا من القلب ..

وحسبتها براسي ...انا في التعليم سأستفيد مالاً وممارسة ...ولكن في البعثة سأستفيد علما ثم مالا اكثر اذا عدت بالماجستير ..

السلام عليكم

ردي لك بيكون ثاني ارده على عضو منذ ثلاث سنوات توقفت عن المشاركه واكتفيت بالمتابعه

اختي الفاضله انا حاسه بشعورك لاننا كلنا مرينا بالمرحلة نفسها

النقطه الثانيه انا والله حابه افيدك وروحي شوفي ملفي الشخصي بتلاقين مشاركاتي الاخيره منذ ثلاث سنوات

انا ابتعثت من ضمن المرحلة الثالثه والحمدلله اخذت ماجستير من بريطانيا ورجعت السعوديه واتوظفت الحمدلله


لاتفكرين ابدا ان الغربه بالشي السهل ابدا ابدا والشغله مو بس انه اطلع على ثقافات اخرى الموضوع ابعد من كذا واعمق

النقطه الثالثه ان قدمت على الدكتوراه الحين في المرحله السابعه وانقبلت قبول مبدئي لامريكا

انا قدمت كا رمية حظ والان بعد ماقبلوني افكر جديا انه ما اروح واتوقع هو ذا الشئ الي بيصير مع ان اهلي ضاغطين عليه مرره علشان اكمل

بالله اترك وظيفتي والناس الحين مو لاقيه وظايف وكنت اقول زيك مو مهم الوظيفه اهم شئ العلم طيب وش فايدة العلم لم ترجعين وماتلاقين احد تعطينه اياه

واذا تبغينه لك وحدك هذا شئ ثاني


اول ما اتوظفت وظفوني على شهادة البكالوريوس ولما اعتمدولي الماجستير والله الزياده في راتبي صارت 200 ريال بس

سبحان التعب والغربه وفي النهايه الفرق بين وبين من اهم اقل مني مؤهلا 200

ليش اتعب من اصله والشغله الاخيره والله العظيم بنات كثيير اعرفهم سافروا ومعهم ماجستير وما اتوظفوا للان !!!

اخيرا اختي الفاضله في مواقف معينه تكون الحاجه للحكمه اقوى من الرغبه

فكري واستخيري والله ييسرلك

انتى الى هالحظه لا تعتبرين موظفه حكوميه لان انتي مسجله بالتامينات وليسى بالمعشات والتقاعد

لو سويتي انهاء خدمه وخلاء طرف من الوظيفه ووقعتي العقد الجدي بالوظيفه الرسميه تعتبرين موظفه رسميه ..

يعني الى الحين مافي مشكله بخصوص البعثه ....

لكن :

الدنيا هذي ما احد يدري ويصير يصير فيها يمكن يصير اي ظرف لاقدر الله يمنعك من البعثه

او تسافرين ويحصل اي ظرف ما يخلكي تكملي يمكن ما يناسبك الوضع هناك او لاقدر الله ما تحصلين قبول بالجامعات او تتخرجين من الجامعه

يمكن تتخرجين وترجعين السعوديه وتجلسين كم سنه تدورين على وظيفه ويمكن تتوظفيني براتب اقل من الراتب الحالي

او ...............او ..............او ...............او ...........

نصيحه فرصه باليد افضل من مليون بعثه

كم سنه اللي بتروحين فيها البعثه كوني مستقبلك بالراتب احسن واصرف

ماجد بيفيدك غير الاستخاااره
وماخاب من استخار
ودامك مستوفيه كل الشروط
ماعليك بالتدريس ووجع الراس خلييك بطريق العلم دام عندك طموح وعزيمه
ربي بيكون معاااك ربي يسهل امرك
وبعدين انت ادب انجليزي كفايه انك بتاخذي اللغه انا بعد ادب امجليزي وللأسف دراستي للاربع السنوات هنا في السعوديه مااستفدت شئ فيها
يعني اربع سنوات ماسويت شئ
توكلي على الله

غير صحيح أنك في حال عودتك بالماجستير تكوني استفدتي مال أكثر ، أو على أقل الأحوال غير مضمون ..
أولا أنتي تخصصك إنجليزي ، وأفضل مجال لك من ناحية الراتب هو التدريس أو الإعادة ، وغيره مالك إلا وظائف إدارية ، أنتي تخصصك مو تخصص حر مثل الهندسة أو الطب أو القانون بحيث يكون لك إمكانية تفضيل العمل في القطاع الخاص أو العمل في مكتب خاص ، لو كان تخصصك قانون صحيح اتركي اي وظيفة وارجعي بالماستر وتاخذين رخصة المحاماة وتصيري أفضل من الموظف الحكومي ..
لكن تخصصك إنجليزي مالك إلا الوظايف اللي قلت لك ..
طيب بالنسبة للاعادة في اكتفاء في هذا التخصص من المعيدين والمحاضرين والأساتذة ، لكن في التدريس الحين مفتوح المجال ولوقت محدود ، بعد عودتك ما يكون لك مجال إلا الوظائف الإدارية ، وإذا توظفتي بالماستر في وظيفة إدارية بعد عودتك فراتبك بيكون أقل من راتب المدرس اللي تعين بالبكالوريوس !
وإذا رجعتي تبحثين عن التدريس بعد سنتين ونص أو ثلاث يكون أغلق الباب .

أنا أتكلم فقط عن الناحية المادية ..
أما الناحية العلمية فبإمكانك بما أنه تخصصك إنجليزي أنك تطلعين في العطل الصيفية لمدة ثلاثة شهور للممارسة .

واللي يقول أنه في فرص وظيفية بعد العودة للمبتعثين فأنا أشوف أنه كلام مخالف للواقع ، الدولة فيها شح في الوظائف وفي هذي الايام فتحت الوظائف بشكل لم يسبق إليه ، وبعد كذا ستغلق لأنه الخريجين يزدادون بشكل كبير مقارنة بمجالات الوظائف ..

أنا أشوف أنه اللي يفكر في الوظيفة فالابتعاث بالنسبة له مجازفة ! فكيف بمن لقاها وتركها لأجل الابتعاث ؟!
بالنسبة لي متاحة أمامي وظائف كثيرة ولكني لا أرغب في القطاع الحكومي أبدا ولذلك تركتها وفضلت الابتعاث لأنه تخصصي الأفضل فيه العمل في القطاع الخاص أو العمل الحر وأكثر شيء بيفدني هو دراسته في الخارج ..

وبالمناسبة في كثيرين جاهم تعيين في التدريس وترددوا بينه وبين الابتعاث وطرحوا نفس هذا الموضوع ، باستعمال محرك البحث بإمكانك الاطلاع على مواضيعهم للأستفادة من استشارات أكثر ،،
وبالتوفيق .