تكفون استفسار بسيط

وعليكم السلام ورحمة الله وبركاته وانت بخير .. والله يابو عبيدي سؤالك موب بسيط هههههههههههه يبي له شرح يعني :$

1- بالنسبة للفيزة تختلف .. خصوصا انك اذا جيت تقدم عليهم كطالب او كزيارة عمل او سياحه الخ الخ .. وهذي معقده شوي بالنسبه لي ماعرف كثير عنها لان مادري كيف بيكون وضعك مع الوزاره
2- تقولهم وانت تطلع فيزة مرافق او فيزة طالب !


وعلى فكرة فيزة طالب اذا بتطلعها لازم قبول معهد .. لكن اذا تبي الراي ... خل زوجتك تروح مع اخوها محرم ... وانت رح على حسابك

وخل اخوها يديور الله لايهينه هههههههههههه وانت اجلس بداله وهم بيضمونك عالبعثه بكذا تكون طالب مبتعث وزوجتك مبتعثه ... احسن من انك تروح مرافق ثم تبتعث ليش ؟

لانك الله يسلمك اذا خلصت زوجتك الماستر وانت ماخلصت 70 بالميه من دراستك الاكاديميه حسب معلوماتي المتواضعه بيقولون لك ارجع الله لايهينك ههههههههه او انك تكمل على حسابك

فعشان كذا اختصرها من البداية واطلع على حسابك وخل اخوها يطلع والا اي احد صح بتدفع شوية فلوس لكن من صالحك خصوصا انك تقدم اجازة دراسيه افضل من استثنائيه

الاستثنائيه مابيحسبون لك مدة مرافقتك مع زوجتك اما الدراسيه اذا رجعت بالشهاده ترقيه لوظيفه تناسب مؤهلاتك وتحسب سنوات دراستك خبره لك ...

واضح والا اوضح اكتر ؟

مشكور بس ماوصلتني المعلومه
هل انا اقدر اذا رحت على فيزة مرافق اقدر احولها الدراسية بلد الابتعاث

اها .. هالسؤال يجاوبونه الاخوان لان مااعرف الطريقه

مرحباً اخوي

بما ان زوجتك المبتعثة فراح تأخذ على طول فيزا F1

وانت اذا تبي تكون مرافق فقط طلع فيزا F2

أما اذا تبي تكون مبتعث اول شيء بعد ما يجي زوجتك ترشيح نهائي حط في حسابك مبلغ لا يقل عن 15 الف دولار

وطلع بهم شهادة بنكية ان عندك مبلغ 15 الف دولار في حسابك واعطيه مكتب تجسير اللي راح يوفر لزوجتك قبول مع شهاداتك مترجمة و صورة جوازك

بعدها خذ كمان الشهادة البنكية معك في موعد السفارة الامريكية و قول لهم ابي فيزا طالب F1 وهذي شهادة بنكية ( كل ما زاد المبلغ أحسن وافضل تقدر تأخذ من اي احد لمدة يوم وتطلع الشهادة وترجع المبلغ مرة ثانية )

بعدها راح تجيك فيزا F1 لك ولزوجتك وتسافر بالسلامة اول ما توصل وتفتح ملف الملحقية راح تعطيكم ضمان مالي لك و لزوجتك

تدرسوا لغة انجليزي في المعهد اللي جاك منه قبول بعد ذلك تفتح البوابة و تطلب طلب منه انضمام مرافق للبعثة وتعبي البيانات وتنتظر فرج ورحمة رب العالمين

وتنضم للبعثة وتنفصل عن زوجتك انا سمعت عن نضام ان ترجعوا بعد ما زوجتك تخلص وانت ما خلصت 70%

بس يقولوا هنا يطنشوا عادي على حسب المشرف اللي عليكم

او فيه حل ثاني خلي زوجتك تحذف مواد و تطول شوي بس انه ما يأثر عليه

او تمدد فترة اللغة وانت ادخل جامعة

او انها تولد وتأخذ اجازة ولادة وانت اسحب في الجامعة كذا كتير يسوون

الله يوفقك يارب
تحياتي لك

الله يوفقك ياشيخ ويعطيك الف عافية
بس سوال وش اقول السفارة هل انا موظف او لا
وهل يطلبوا تعريف من العمل

مرحباً اخوي السفارة لو سألوك انت موظف قول لهم لا مو موظف

واهم شيء تروح بورقة الشهادة البنكية ان عندك مبلغ 15 الف دولار او اكثر ( كل ما زاد المبلغ افضل )

الشهادة البنكية سويها موجهة لسفارة الامريكية بالرياض او اي سفارة انت بتراجع فيها

وقول لهم انك كمان بتدرس وبعدها بتنضم للبعثة

وقول لهم ابي فيزا F1


والله يوفقكم ويسهل عليكم

اي خدمة انا حاضر

اخوي بعد بحث في الموضوع لأني نفس الوضع مثلك
أشوف انك تسعى بالقبول لك والمدام في المعهد بنفسك عشان تطلع مباشرة من هنا بفيزة f1
وتختصر على نفسك طريق كبير
وأيضا ماتتأخر الفيزة ويصير فارق كبير بينك وبين المدام في تأخير بعثتها
وبالنسبة للسفارة قل لهم انك موظف وخذ تعريف لأنه يبين لهم ان لك مصالح في بلدك ولا يمكن ان تكون الفيزة سبب للهجرة