حوار انا ترشحت للبعثة و ما راح اطلع >>> لهذه الأسباب

كل ماذكرتو مجرد اسباب لتقنع نفسك في البقااااء لاغيررر
مافي شي من دون تعب ولافي شي يجي على طبق من ذهب
بس في النهاية اللي يبتعثو نااااس طموحه بغض النظر عن الناس اللي رايحه سياحه
اخوي اتوقع انت من الناس اللي تحب تلعب ع المضمون وتكره المخاطرة
ودا مو معناته انو شي مو كويس
اذا وظيفتك جاهز ابد فيها وسيبك من الابتعاث

لاتعليق


حسبنا الله سيؤتينا الله من فضله انا الى ربنا راغبون

اخوي ..

انت يمكن تشوف الموضوع من زاويه وحده .. بالعكش تررا طلب العلم ماله عمر او زمن معين .. انا توني متخرجههالسنه ومتحمسه ادرس اتعلم

ما اقولك ان هنااك جنه واصلا مستحييييييييل يكون الوضع هناك اوكي 100%

لابد تطلع لو بفااايده وحده

الواحد يسعى .. انت بتكتسب لغه اذا مو من المعهد من اختلاطك بالناس .. بالنسبه للعزاب بيتعلمون الاعتماد على النفس وتحمل المسؤليه في كل صغيره وكبيره

البنات لهم فرصه يحققون ذاتهم خصوصا ان البنات بشكل عام يميلون للدراسه والتعلم اكثر من الاولاد ..

كل شي في الدنيا له ايجابيات وسلبيات .. وان انتبهنا للسلبيات فقط .. فماراح نتحرك ولا خطوة للامام ..

ان شالله تكون وضحت وجهة نظري

شاكرة لك فتحك للموضوع

ما اعرف ليه محد رد على الموضوع, في كل الاحوال اي حدا إله اسبابه الخاصه.. و عن نفسي انا بصراحه ما اقنعتني اسبابك ابداً, لان توجهك ثاني وكونك ذكر و يهمك جداً الاستقرار المادي, وهذا واضح جدا من الموضوع ان هدفك من اكمال الدراسه هو تحصيل مراتب أعلى بالتالي مستوى مادي أعلى وهذا من حقك..
البعض الاخر قد لا يحسبها كما تحسبها أنت!
فا انا تخرجت هذة السنه من الماستر و بمرتبه الشرف و مباشرة و ضعت اكمال الدكتوارة هي الستيب اللاحقه ولم احسبها من ناحيه الوظيفه و المراتب و وو .. وهذا يختلف كونك ذكر طبعاً..

في كل الاحوال اتمنى لك التوفيق, ولو قررت فعلا انك ما تطلع للبعثه, اتمنى تلاقي شغل يلبي لك طموحك المادي بس لا تشيل فكره اكمال الدراسه لاحقا من بالك ولو كان على حسابك الخاص..

تحياتي

اول رد ذهــــــــب .. الاخت مادخلت في التفاصيل اياً كانت .. بس اعطتك وبشكل عام وجهة نظر فيك تاخذها بالاعتبار اياً كان الوضع والبلد ومستواك وتخصصك وووووو ..

الماستر و الخبره تفرق من تخصص لاخر
مثلا فى التخصصات الصحيه وزاره الصحه لا تعترف الا بالشهاده و لا تترقى الا بشهادة ماستر دكتوراه و هكذا
و كذلك الجامعات لا تهتم بالخبره و ايضا الهندسه
و القطاع الخاص لايهمه الا شهاده من الخارج و لغه فقط حتى لو كانت الجامعه غير معترف فيها

اما تجهيز الوظائف فاحنا حتى لما درسنا هنا ما كان احد يجهز لنا وظائف خخ

اما الفيزا الامريكيه فهى اسهل من الكنديه و شوف المواضيع هنا عنها

و المشاكل و المعاهد تقدر تتفاداها بالسؤال و البحث عن كل شئ قبل السفر
و البحث عن افضل المعاهد بيدك مو ملزوم بالمعهد اللى تجيبه الوزاره

اما مشاكل الملحقيات فكل الدوائر الحكومه عندنا هنا ملياااااااااااانه مشاكل
و ظائف بواسطات و يمشون امورك بواسطه ووووو كل بيد الواسطه
فالواسطه عندنا فوق القانون

على الاقل الابتعاث اذا مستوفى الشروط راح تكون لك فرصه للدراسه
اللى مستحيل تتوفر لك هنا

و فى النهايه كل شئ يعتمد على رغبه الشخص و سبب تقديمه للابتعاث

و الله يكتب لنا الخير اينما كان يارب

مشكورين جميعا على المشاركة ولي عودة قريبة
ارد على كل واحد منكم !!!

أولا أخي صاحب الموضوع قبل ما أرد على موضوعك عندي استفسار بسيط ,طالما انت ماراح تطلع قدمت ليه!!!؟؟

انا بكلمك من واقع تجربة ,انا موضف في شركة كبيرة خدمتي 11 سنة ونص كملت دراسة وانا على راس العمل ومنتظر اي فرصة عشان انقبل و اطلع اكمل ماستر على الرغم اني متوظف وراتبي يمشي الحال ,المهم في الموضوع هدف الشخص من الدراسة اذا كان فقط وظيفة فلا تكمل ماستر بكالوريوس يكفيك وانت وحظك ووساطتك . لكن انظر للموضوع نظرة مستقبلية بعد خمس سنوات من الان راح يكون معظم خريجي الابتعاث حملة ماجستير ودكتوراه بالاضافة الى البكالوريوس ,هذا معناه ان سوق العمل راح يرفع شروط القبول لكثرة الخريجين ولارتفاع مستوى التعليم ولا تستبعد ان القبول يكون انتقائي من بين الجامعات الاجنبية ,ولنا في العشر سنوات الماضية وماقبلها خير مثال حيث كان القبول مفنوح لحملة الكفاءة ثم بعد ذلك الثانوية والان الجامعة و انتقائي بالنسبة للجامعات المحلية والدور قادم والله أعلم على الجامعات الاجنبية .لكن يا أخي انت نسيت مسألة مهمة جدا وهي الرزق ,ثق تماما اخي ان رزقك المقسوم لك سوف تستوفيه كاملا حتى ولو كنت على فراش الموت ,بعد عمر طويل , فلا تقول أنا بتخرج وبارجع وزملائي سابقيني في الوظيفة لا تنسى ان حامل شهادة عليا كالماجستير مثلا اذا توظف في البداية يعامل معاملة حامل البكالوريوس لكن بعد فترة من العمل واكتساب خبرة سيكون له السبق في الترقية الى وظائف اعلى في المنظمة ...هناك مسألة مهمة وهي ان تخصصك في الماجستير من الافضل والانسب ان يكون امتداد لتخصصك في الباكالوريوس حتى تستفيد من الشهادة ...اتمنى اني اكون وضحت وجهة نظري والقصد فقط تصحيح مفاهيم خاطئة عند أغلبنا ..الله يوفق الجميع ..

ما اقول الله يوفقك بالي تبي تسويه اذا انت مقنع تماماً ..