مبتعث من المرحلة السادسة بدولة بولندا. موجود لخدمتكم

هل اخوي بولندا لغتها الرسمية اللغه البولنديه. قريبة للغه الالمانيه
الجو هناك. وقت الشتاء برد وثلوج وتصل درجة البروده الى سالب 30

التضاريس وانا اخوك ما عندي خلفيه لكن تقدر تستفيد من الموسوعه الحره ويكبيديا

اهلها اللي بالمدن الرئيسيه صراحه شعب متفتح وراقي ولكن في المناطق الريفيه يميلون الى العنصرية قليلا

دوله مناسبة جدا للدراسه وللمعيشة ورخيصة مقارنه بالدول الاوروبيه

صراحة فيها طبيعه اقرب الى السحر.

الايلتس وانا اخوك مهم لك عشان تكون نظامي ولا ينقصك ولا شي

بعض الجامعات تطلبه وبعض الجامعات لها اختبار دخول يعتمد على المواد العلميه
وبعض الجامعات اذا عندك بري ميديكل تكون كفتيه

ولا تخاف الايلتس سهل وانا انصحك تختبره هون بالسعوديه

الله يكتبلك الشي اللي فيه خيرة لك
بس بجد ترى المانيا لغتها صعبة وغالية من ناحية المعيشه
وتدريسها باللغه الالمانية
وراح تدرس باللغه الالمانية الاكاديمية

نصيحتي لو تكون ايرلندا ولا التشيكة
تراها مناسبة جدا
وانا اتوقع والله اعلم انك راح تحصل على الرغبة الاولى والتخصص الاول اذا بالمانيا
لان الطلب عليها قليل
مقارنة ببولندا ولا ايرلندا ولا اي دولة تدرس باللغه الانجليزيه

ولكن ربما تكون لك خيرة الله يوفقك يالغالي

اتمنى من ادارة المنتدى تثبيت الموضوع لتعم الفائدة اكبر قدر ممكن

انا عندي سؤال

انا قدمت على كندا ابغى اعرف انا اختار المدينة او من عندهم يختاروها لي؟؟

يا اختي المدينه راح يختارونها لك الوزارة على حسب القبول اللي راح يجيبونه لك

الا في حالات.
اذا لك محرم يدرس بكندا وبمدينة معينة ورفعتي للوزارة فراح يلبون رغبتك

او اذا انتي جبتي قبول بنفسك من معهد في بالك في المدينة اللي انتي تبينها فاحتمالية كبيرة يلبون رغبتك لان اجرائك نظامي

والله يوفقك

وعادي اي معهد ولا عندهم معاهد معينة؟؟؟؟


يعطيك العافية

اذا جبتي قبول اعطيهم اول ما يرشحونك للابتعاث وقبل طباعة قرار الابتعاث

واكيد لازم يكون معهد موثوق فيه
بس الشروط ما عندي خلفية عنها

والله اتبلشت معاي اسالتي كثيييرة

كيف اعرف المعاهد الموثوق فيها؟؟

يعطيك العافية اخوي عماد
اخي الشمعة كلام اخوي عماد صحيح وهو بقرار الابتعاث تحصل على إجازة مرافق وهي بدون راتب ولكن ما يحسب لك خدمه طول فترة سفرك لكن اذا طلبت منهم يحولونها الى إجازة دراسية راح تحسب لك سنوات سفرك الى سنوات خدمة ولكن يوقعونك على تعهد انك تخدم نفس عدد سنوات الإجازة الي قضيتها برا
وبالتوفيق للجميع