تقرير موعدي اليوم الساعه 8 ان شاء الله .. إسآلوا وان شاء الله اجيب لكم الاجوبه ..~

تكفون شوفوا لنا سالفة صك الولايه هذا اللي ولي امرها ابوها ومحرمها اخوها ضروري؟؟ ولا نكتفي بموافقة ولي الامر مع كرت العائله وجواز المحرم

تكفون شوفوا لنا سالفة صك الاولايه ضروري ؟ خاصة اذا كان ولي امري الوالد ومحرمي اخوي هل اكتفي بالموافقه وكرت العائله وجواز سفر المحرم ام لابد من هالصك وقت التدقيق
لان حسب ماعرفت ان مطلوب وقت اصدار قرار الابتعاث موب الحين

نفس اللي ودي اسأله..ابغى اجابه شافيه

ياريت تفيدنا اذا رجعت متى بيردون عليك بالقبول النهائي ؟

وبالتوفيق لك ولصاحبة البعثه

هههههههههههههههههههه

يا حياااتي والله كسر خاااطري

كل مشاركة طالعة منها ثنتين من الزحمة هههههههههههه

الله يسهل اموورك ان شالله واموور المبتعثة اللي معاك

هههههههههههههههههههه

يا حياااتي والله كسر خاااطري

كل مشاركة طالعة منها ثنتين من الزحمة هههههههههههه

الله يسهل اموورك ان شالله واموور المبتعثة اللي معاك

BacK

امين يا رب ..~

انا اللي بجاوبك ع سؤالك ..~

لا مو مهمة > بتقول وش دراك بقولك اني توني جاي ولا جابوا لي طاريها مع انها جاهزهـ توصياتي ..~

انآإ بــآإك ..~

اول ما وصلت الفندق فيه لوحات إرشادية حوالين الفندق يدلك ع قسم الرجال والنســإآء

دخلت الفندق حاطين زوليه حمراء طول جدتي ( حسيت اني سمو امير وانا امشي عليهآإ خخخخ )


اول ما وصلت للباب اللي يدخلني ع القاعه فيه رجال ع اليسار يسآلك عن إسمك والمرحلة اللي مقدم عليها ( مع العلم إني جاب نيابة عن زوجتي )

عطاني نموذج وهو عبارة عن الطلبات اللي يبونها : اول شي تكتب اسمك ومعلوماتك وبعدين يا طويله العمر يقولك رتب الاوراق تبعك حسب ماهو مكتوب بالنموذج واخر شي التوقيع

بعد ما عبيت النموذج وخلصت ورتبت اوراقي رحت ودخلت مع الباب اللي يدخلني ع القاعه فيه ع يساري 3 مدققين , رحت له قال رتبت كل اوراقك قلت له ايه نعم

قال تفضل وجلست قدامه واول شي قلت له عندي سؤال قبل كل شي .. انا يوم اقدم ع البعثه عن طريق الموقع زوجتي ما كان معها بطاقه احوال وبكرت العائله مو مبين تاريخ انتهاء بطاقه احوال ززوجتي فاا اضطريت اني احط تاريخ انتهاء بطاقتي فاا هل اقدر اعدل ع استمارة طلب الابتعاث ؟ قال ايه تقدر ..

وعطاني نموذج وهو عبارة عن خانات فيها اسباب تعديل الاستمارة وكتبت الخطأ وكتبت التعديل اللي ابيه وكتبت سبب التعديل وعطيته ايإهـ ..~

سآلته سؤال وهو : بجواز زوجتي مكتوب اول حرف من اسم جدهآإ وبالإستمارة كتبت اسمه كامل عآدي والا بعد لازم اعدله ؟؟ قال لا عادي ما تفرق

قام يشيك ع اوراقي وقال ناقصك ورقه موافقه ولي امرها اللي هو انت , قلت طيب والحل ؟؟ ارسلني لمركز المعلومات بنفس الفندق ( المركز ذا فيه كمبيوترات وطابعات ) رحت دخلت موقع الوزارة وحملت النموذج وعبيته ورجعت له ..
وهذا هو النموذج

Adoption_of_the_guardian_of_the_student.doc

تكتب اسم المتقدمه وتحت اسمك وتوقيعك وبس

الموهم رجعت له وتآكد مرهـ ثانيه انوو كلش كامل وحطهم بملف وعطاني رقم

الملف من برا فيه كم شغله لازم تعبيها مثل الاسم للمتقدم رقم بطاقه الاحوال تاريخ انتهائها تاريخ الميلاد رقم الجوال والإيميل والدوله المراد الابتعاث لهاآإ < هذا اللي اذكرهـ ..~

الموهم بعد ما كتبت المعلومات على الغلاف الملف اللي فيه اوراقي جاء رقمي ..~

رحت للموظف وقال لي تبي شاهي قهوهـ ؟؟ قلت ابي سلامتك

الموهم قال انت مرافقها ؟ قلت ايه نعم قال اخوها والا وشو قلت لا زوجهآإ قال طيب . طلع لي جميع الوثائق الآصلية اللي عندك .. ( طبعا هم ياخذون صور من الوثيقه العربيه والمترجمة والسجل العربي والمترجم )

وشاف نموذج التعديل اللي ابيهم يعدلونه ( حق تاريخ انتهاء بطاقة احوال زوجتي )

وطلع استمارة طلب الابتعاث وحط دائرة بالقلم الاحمر ع التاريخ الخطأ وحط فوقها تاريخ الانتهاء الصحيح ..~

بعدها طلع صورة من الوثيقه اللي بالعربي وقال ورني الاساس وكذلك مع جميع الوثائق .. ( حتى صورة الجواز للمتقدمه والمرافق ) طلعت لهم الجوازات ووريته

امممم بعدها قام يختم ع الاوراق كلها وبعدها سجل لي سند استلام وقال لا تضيعه ,, قلت خلإآص ؟؟ قال ايه نعم خلآإص ..~

واخذت طولي ومشيت = )

وسلامتكم ..~

بالنسسسبة لجميع اللي سجلت اسئلتهم وقلت لهم برد لكم الاجوبه اذا رجعت ..~

بصراحه مستحي منكم أقوى شي :$ :$

بعد ما خلصت كل شي وعطوني سند استلام الاوراق سآلت عن المدير ورحت له وقلت له عندي مجموعه اسئله وودي احصل اجوبه شافيه منك ..~

قال لحظه بجيك .. راح جاب لي نموذج فيه فراغات وقال لي اكتب اسئلتك وسلمه للموظف اللي عند البآب ( تحطمت بصراحه )

رحت للموظف قلت يابن الحلال فيه ناس اعرفهم تقديمهم بكرهـ وبعدهـ وبعدهـ وضروري ابي اجابات ع اسئلتهم والمشكله لو بكتب اسئلتي وبآنتظر اجوبتكم بتطولون علي = (

قال والله يالغالي هذي التعليمات عندك استفسارات هذا نموذج اكتب اسئلتك وبيجيك الرد ع ايميلك او جوالك ..~


من جد من جد اعذروني والله = (

كآإن ودي اخدمكم والله = (

وهذا تأكيد ع كلامي ..~

شوفوا الرد رقم 34 هذا تقديمه كان الساعه 4 العصرر ..~

وفعلاا هذا اللي صار معي

http://www.mbt3th.us/vb/forum149/thread305664-4.html