بخصوص الولاية ومعهد الدراسة !!

السلام عليكم ورحمة الله وبركاته ...
هلا اخوي انا مثل حالتك مرافق ومعي طفلين
اول ما دورة زيك بس طلع في اشياء اول شي افهمها عشان تحدد الولايه
تبي تدرس
كم معدلك
كم صرفيتك
تبي برد ولا لا
دور مدن ولا تدور ولايات افضل
شوف اقرا عن
دنفر
ديتون (عسى الاسبلنق صح)
هيوستن

يعطيك العافية اخوي ابوغلا

اكيد طالع بدرس تخصص ادارة

اي وانا اخوك ودي بولايه باردة لان شبعنا حر

واتمنى احد يفيدينا

السلام عليكم اخوي انا مثلك مرافق لزوجتي وعندي طفلين بالنسبة للولايات انا اخترت ولاية اوهايو واحلى مافيها الاسعار مناسبة جدا وهادئة ومافيها مشاكل ومافيها زحمة بس عيبها الوحيد انها بارده جدا بس مادام تبي البرد والثلوج مثلي حياك معاي بس الله يعين ولله اني شايل هم لاني معاي اطفال وشغله لكن هونها وتهون .
وبالتوفيق للجميع

اخوي راكان الله يحيك اوهايو حلوه واعرف رجال هناك بس عيبها الحضانه لك عليها يعني الامان في الحضانه سيء

اتمنى نلقى ولاية تناسب الجميع

ابو داليا بصراحة انا اخوي هناك مبتعث له سنتين وقايللي انه في حظانات كويسة وانا معتمد عليه بكل شي حتى السكن وقبول المعهد اتمنى اننا نوفق في الاختيار لانه بصراحة الواحد وده بمكان امان وبعيد عن الزحمة والمشاكل الله يعين بس وبيني وبينك انا بديت احس ان الموضوع صار جد وكل مايمر الوقت اشيل هم اكثر ولو مو اخوي وراي ويشجعني كان هونت .

هههههههاي ضحكتني اخوي راكان لان الحال من بعضه بديت احس اني بديت بالجد

احس ودي اهون وانا موظف واقول لنفسي اجلس محلك ازين

وبالنسبة للحضانه يمكن اللي قال لي بمنطقة تختلف عن المنطقة اللي فيها اخوك

ضحكتني بصراحة اجل طلعت مثلي متردد ساعات بصراحة اقول وش لي بالهجولة ذي انا عسكري ووضعي طيب ومستقر الحمد لله بس الله يستر انا خايف بعد ماتتم الامور وقبل السفر اهون الله بس اخوي حاس اني متردد عشان كذا كل يوم يتصل علي ويحمسني للموضوع بصراحة حاس انه فكري مشتت الله يعين بس

السلام عليكم ورحمة الله وبركاته

عندي مداخلة بسيطة أنا مقدمة على البعثة وزوجي مرافق لي مع طفلنا بس حبيت أستفسر بالنسبة لإختيار المدن أو الولايات أحنا نحدده أو الوزارة ؟
بالنسبة لي راح أستنى قبول المعهد تجيبه لي الوزارة فأتوقع أن أي شخص مثلي مايقدر يحدد الولاية الي يبقاها , فقط الي بيجب حق نفسه قبول بمعهد معين بكذا يكون حدد الولاية الي يبقاها . هل كلامي صحيح ؟

هلا بالاخوان اتمنا انه يكون بيننا تواصل وهذا ايميلي msood.6@live.com


وبعدين القبول هو الفاصل وين حتروحون مثلا انا تعبت عشان ادور ولايه زينه بس عشان معدلي شوي نازل اضطريت اني الاقي اول شي جامعات تقبلني وبعدين افاضل بينهم ..