للأخوان والأخوات الذين سئلو عن التوصيات ..

اللي توصايتهم بالعربي يترجموها ويروحون للجامعه تختم عليها بختم الجامعه<< بعض الجامعات بالعرربي
ولاتنسون صوروا اكثر من نسخه واختموها طبق الاصل <<< يا انا جننتهم بتوصياتي
وراء الدكتورات زي ظلهم دكتورا توصيه _ طيب دكتورا الختم - دكتورا الختم مو واضح هع - دكتورا ابغى صوره طبق الاصل
طلعت رررريحتهم^_*

والله نفس الحالة هنا لاتشكولي وابكي لكم
انا شكلي حسوي رواية عنوانها ياليل التوصيات! XD
من بداية الترم شغالة روحات وجيات للجامعة ولسا ماخلصت!
اول شي اروح انطق بالساعات عند مكاتبهم استناهم يجو
والله في ناس تحسبني لسا ماتخرجت من كتر مايشوفوني في الجامعة!
واهلي الله يهديهم يارب بدأو يتضايقو من كترة روحاتي للجامعة
وصرت فوق هم البهذلة والشحتة اتهزأ احيانا قبل ما اروح واتهزأ اكتر لما ارجع بخفي حنين

لما قابلت الدكتورات اكترهم قالو لي خلاص اوكي بس ارسلي معلوماتك كاملة ع الايميل
ارسلتهم ايميل بكل معلوماتي ولا فتحوه!
وحدة بس الي فتحت وردت وياليتها ماردت (*-*)
رسلت لي التوصية ع الايميل مو موقعة ولا مختومة وبدون شعار الجامعة!
وطلعت عيني وانا افهمها انه النموذج لازم يكون على ورق رسمي
قالت ماعندي ورق رسمي, استني اسأل وأرد لك خبر الاسبوع الجاي
رجعت لها الاسبوع الجاي على نفس الموعد الي اتفقنا عليه
قالت لسا ماردو لي خبر لاتجي الا اذا رسلت لك ايميل وقلت تعالي(للامانة هيا قالت كدا عشان لا اتمشور عالفاضي)
فقلت شكله الشغلة مطولة, خليني انا بنفسي اجيب الورق الرسمي واريحها واختصر الوقت

وهيا قعدت افر الجامعة فر ادور احد يديني ورق رسمي
السكرتارية قالو مانقدر نديكي المفروض من نفس الدكتورة
الشؤون الطلابية قالو شوفي العمادة
العمادة قالو مو من عندنا شوفي قسم الدراسات العليا في كليتك
قسم الدراسات العليا (اذا هو نفس المكتب الي رحته)
والله مريت على المكتب كذا مرة واحيانا اجلس استنى ولا فيه احد
وفي النهاية لما لقيت الموظفة قالت روحي سكرتارية قسمك!
وسكرتارية القسم اخر شي قالت احنا موزعين على كل الدكتورات اوراق رسمية في بداية الترم!
طيب ليش الدكتورة تقول ماعندي؟؟؟؟!! استغفر الله العلي العظيم
والله شويا وابكي من القهر

وحدة من صحباتي في كلية تانية بس برضو في نفس الجامعة قالت غريبة انتو ليش معقدينها كدا
واخذتني لمكتب الدراسات العليا حقهم والله الموظفة الله يسعدها اعطتني كــووومة ورق رسمي!
لكن للاسف مالحقت افرح لأن الورق في شعار كليتهم
الحمدلله بعد فترة رسلت لي الدكتورة نموذج فيه شعار الجامعة (مع انه الشعار صغير ومو ملون وحالته حاله)
بس قلت محا اتشرط على طول طبعته وجبته لها توقعه
والحمدلله حصلت على اول توصية!

الدكتورة التانية سوت لي النموذج الي بجدول مع اني رسلتلها ع الايميل نوع النموذج المطلوب مع معلوماتي
وماقصرت بعدين سوت لي توصية بس بعد شهر من الروحات والجيات على مكتبها
بس برضو قفلت فمي وقلت مايهم الوقت والتعب والهجوله طالما في النهاية حصلت على التوصية الحمدلله يارب

نجي لاخر دكتورة تقريبا سوت لي التوصية على طول الله يسعدها
تأكدت ع السريع انه معلوماتي كلها صحيحة اسمي ورقمي الجامعي وبقية معلوماتي كلهم اوكي
وعلى ورق رسمي ومختومة وموقعة والله طرت من الفرحة!
بس لما رجعت البيت وقرأت التوصية كلها اخطاء مطبعية!
لو خطأ خطئين يمشي الحال بس كلها اخطاء ما اعتقد صراحة انها حتقبل في اي مكان!
والله محرجة مدري كيف حتى اقولها ترى توصيتك فيها اخطاء!
برجع لها الاسبوع دا بإذن الله والله ييسر

والله التوصيات متعبتني اكثر من اوراق البعثة
وما ابغى افكر كيف احصل عالظروف المختومة لايجيني الصمرقع ههههههه
استغفر الله كنت اقول يارب اتخرج قبل مايشيب شعري من الهم ودحين اقول يارب اخلص اموري وفيني بقية عقل XD
الله يسهل امورنا كلنا ياحي ياقيوم

miyu
الحال من بعضو يااختي
انا خلصت ثنتين وباقيلي وحده
وخليها ع ربك

اما التوصيات اليوم ركزت انهم مايبوا جدول والله ماتدري نايمه في العسل لسه اليوم فتحتها وشفت انها في جدول وتحتاج ترجمه بعد اااااه الله يعني اذن والمصيبه ياجماعه غصب طلعوا لي 2 دكاتره درسوني بالقسم مافيه عندنا دكاتره كلهم مدرسات من وين اجيب لهن دكتوره توقع لي الله يعين وبس

اللي سألوني عن الظروف

سويتها بالوورد وطبعتها على ظرف بني صغير


هذا النموذج بالمعاينه

تصدقون بنات بديت اتعب نفسيااا من هالبعثه

التوصيات متى يطلبونها < هل يطلبونها في الملتقى ؟؟
ثاني شيء : انا الى الحين ماسويت شيء ..
اللي فهمته من كلامك اول شي اسويه اروح اخذ ورق رسمي ، ثم اطبع الكلام اللي مكتوب هنا على الورق ، ثم اروح اختمها واقعها من الدكاتره
بس قصة الظروف ذي مافهمتها .. يعني وشلون الدكاتره يحطون التوصيه بالظرف ويسكرونه { كيف اصورها هنا } ؟؟ افك الظرف واصورها !!
عادي لو طبعت التوصيه على ورق عادي؟؟؟ مو لازك ورق جامعه ؟

اففففففف

وانا في بالي اني اترحت...

والله جامعتنا تخللللللللللللللللللللللف بقوة

انا اولا خريجة كلية تربية...وتخصصي احياء...وباكمل ان شاء الله ماستر احياء..

لكن الدكتوره تقول ماتقدرين تكملين احياء لانك تربوي...لازم تكملين مواد تربوية...

وحطو لي 3 توصيات لكن بمواد تربوية مش مواد تخصص

مع اني قلت لهم بس يقولوا ما ينفع لانك تربوي


وانا رايحه ان شاء الله ايرلندا فمدري عادي اكمل تخصصي ولا لازم اكمل تربوي؟؟؟؟؟؟؟


اففففففف

مره حسيت اني بابكي عندها..قهر ويحطمون الواحد

المهم ان التوصيات تقول ماعندنا انجلش نعطيك عربي وتروحي تترجميها وتجيبيها نوقعها

خذت العربي وترجمتها ووقعوها وختموها

وعلى فكرة اعطوني 3 توصيات وتزكية

لكن الورق مو رسمي... ورق عادي ولا فيه شعار فيه الكلام بس مكتوب انه وزارة العليم العالي جامعة التخلف....الخ

والظرف ولا جا في بالي نهائي

اللي ابي اعرفه الحين وش اسوي

ارجع اطلبهم ورق رسمي لازم...(وادري ما بيعطوني بسهوووووله)...

واذا اعطوني كيف اطبع فيه وايش اللي اطبعه الكلام اللي من اول كتبوه لي ولا التوصيه اللي حاطينها هنا بالموضوع هذا

وحكاية الايميل والهاتف اعرفهم ما بيعطوني لكن عادي لو حطيت ايميل الجامعه نفسها ورقمها...يعني يكون موحد لكل التوصيات



واكدوا علي من ناحية المواد اللي يكتبوا لي فيها...لأن هم مصرين انه لازم تربوي....فاقولهم يغيرون المواد لمواد التخصص

((قهر ان مافيه ولا دكتوره سعوديه في جامعتي))


وكمان ابي اتأكد من شغلة الصور طبق الأصل...كم صوره اخذ من كل توصيه

والظرف كم اخذ ظرف وايش احط بكل ظرف..؟


بلييييييييييييز علموني...عشان ادري انهم بيتعبوني فابغى اكون عارفه كل شي قبل ما اروح لهم عشان انشب لهم لعل وعسى




اقول ..في سؤال ع الطاير... لو لقيت لي واسطه تتوقعوا تمشي اموري بسرعه.....يعني لو قلت له مثلا يكلمهم او يعطيهم امر يخلصون لي اموري ويطوني هيك وهيك وهيك

لأن اعرف دكتور في الجامعة وتخصصه احياء وسعودي طبعا..واظنه عميد او وكيل ناسيه

فشو رايكم...تكفووووووووون خبروني بكل اللي اسويه

عندي لكم فكره زياده في القروشه يعني,انسخي دا الكلام ياست رباب مدري ندى والصقيه في بروفايلات الاعضاء عشان تصيبيهم في مقتل


استغفرالله بس

هذي مشكله صارت لبنات كثير
خصوصا بالفتره الأخيره لما أنظمت بعض الكليات لجامعات أخرى
وبالملتقى راح يفيدونك بالذات أنو في منسوبين هناك من الوزاره
والأمور بسيطه إن شاء الله
بالتوفيق