وش الحل زوجتي حامل

والله مابي احطمك . .بس احيانا يرفضون يعطون زوجتك الفيزا اذا هي حامل

يعطيك العافيه اخوي

بس حبيت اشارك بقول لك زوجتي حامل زيك وهي الحين بالشهر الثالث وانا مقبول بالبعثه بالمرحله السابعه طبعا نحتري الترشيح

وقلت بستعجل انا قبلهم وجبت لي قبول لغه يكون بدايه بالشهر السادس للمدام لان الشهر السابع ممنوع السفر فيه طبعا

وقدمت ع الفيزا اليوم وانتظره واعدوني اسبوع وتطلع

انصحك تسوي زيي تجيب لك قبول الحين وتقدم على الفيزا طبعا اهم شي يصير معك ضمان مالي والامور تمشي

انا خلصت كل اموري اخوي بس انتظر الفيزا وبعد الملتقى بقدم اوراقي وانتظر قرار الابتعاث وقبل موعد الدراسه بشهر بسافر عشان نكمل هناك متابعه حمل وباقي الاجراءات الين الولاده


لكن اخوي بنصحك بشي مهممممممممممممممممممممممممممممممممممم جدا جدا جدا


الي هو شوف يااخوي ترا الموضوع هذا يعتمد اولا واخير وقبل كل شي على الزوجه هل هي تستطيع انه تتحمل الغربه وتشيل نفسه ولالا وانت مستعد تساعدها ولا بتبحل فيها وتتركها

واهم شي انك تعرف تطبخ الطبخات الحلوه واللحمه اهم شي تعرف سوي فيها هيك وهيك عشان تصير تطبخ لها

انا بصراحه اعرف اطبخ والمدام مستعده تتحمل ونتساعد انا واياها وان اظطرينا جبنا مربيه او جبنا عامله

وان شاء الله مانحتاج شي نشيل انفسنا بأنفسنا لكن اهم شي زي ماقلت لك انت تصير تقوم بواجب الرعايه والاهتمام <<<<بالعربي تكون زي الممرضه لزوجك

والله يوفقك يااخوي وانت شف الي قلت لك هذا اهم شيييييييييييييييييييييييييي


يعتمد عليك انت
وعليه هي فقط

والله يوفقك للاستخاره لما هو فيه خير لك ولها ولمستقبلكم انتم وابنكم


بضيف فقط لك معلومه واحد من المبتعثين يقول جبت 3 عيال بأمريكا من احسن مايكون ويوم جبت الرابع بالرياض طلع مو صاحي والمدام رجعت لي محيوسه مو زي امريكا نظافه واهتمام ورعايه

وصدق انهم ياكلون هناك لكن تأمين طبي شامل الحمل ومتابعة الحمل والولاده كافي بأنه يضمن لك الحفاظ على الميزانيه

تقبل مروري اخوي


وللمعلوميه كثيرين يروحون امريكا بس عشان يولدون لان هناك نظافه ورعايه مو زي هنا برابيس والولد يمكن مايطلع لك سلم منهم الله ياخذهم

اخوي انا هنا وعلى وشك ولادة ومستشفياتهم ورعايتهم مرة حلوة
بس الدراسة والحمل تعب
وبالنسبة لي ودي ارجع اولد عند امي بس ما اقدر لان مالي الا 7 شهور هنا


عموما فيه حل مرة سل وبسيط ولا تشغل بالك
لما يطلع لك القبول ان شاء الله تقدر تكلم المكتب اللي راح يجيب لك القبول انه يغير لك تاريخ بداية الدراسة في المعهد
لانه مو ضروري كل المبتعثين يطلعون بنفس الوقت كل شخص حسب التارخي اللي قبله فيه المعهد حقه
تقدر تكلمهم يغيرون لك موعد الدراسة بعد ما تولد زوجتك
وبكذا ما تتلخبط امور بعثتكم ولا حاجة


الله يوفقكم ويسهل على زوجتك يارب

المعلومة مو صحيحة انا اخذت الفيزا وانا حامل
واصلا ما سالوا عن حمل ولا جابوا له سيرة بالسفارة

قريت كل الردود وبقول تعليقي
انا حامل وصح خوافه ومااتحمل التعب بس مفوضة امري لله
وقلت اذا طلعت فيزتي بدري سافرت واذا تاخرت لبعد الولادة بتكون خيرة من الله
مستشفيات امريكا لايعلى عليها اهتمام وعنايه مو زي هنا
سالفة ان مافي حضانات تستقبل الأطفال اللي اقل من سنه مو صحيحه وحتى لو مافي حضانه فيه جليسة اطفال
وسالفة الفيزة مايعطونها للحامل كمان مو صحيحه اعرف استاذه بالجامعه سافرت وهي بنص التاسع وجلست ا5 ايام وولدت
وغير كذا زوجي متعاون معي وبيعطوني اجازة من المعهد ومصاريف الولاده والمتابعه على باب عبود
واولا واخيرا ماني اول ولا اخر من بيولد برا وبنات الحلال كثير

الله يعنك وساعدك

- - - مشاركة محدثة - - -

الله يعنك وساعدك

شف انا واخوك انا مريت بنفس ظروفك

لكن خيرت وخليت زوجتي تولد بالسعودية

والحمد لله اني خليتها تلد بالسعودية


فيه ناس يقولون لك عادي خلها تولد هناك وعناية ما ادري ايش وجنسيه ويعرضون عليك مغريات انك تروح هناك


شف انا واخوك انا اقولك من تجربة مريت فيها


ترى فترة الحمل فترة صعبه للبنت ونفسيتها ترى تكون تعبانه وجسمها يتعب وتصير ثقيلة

وتحتاج لراحة في اكثر الاوقات وعندك مراجعة مستشفيات ويمكن باي وقت وانت رايح مستشفى صبح ليل يعني لازم عناية كبيرة


تخيل تروح المعهد وتجي من المعهد وتروح البيت وتطبخ وترتب وتكنس وانت بتروح هناك بغربة وبهذلة ورايح وجايء وارهاق غير طبيعي وخاصة في البداية الابتعاث

لا تحسب ان الدعوه سهله مثل ماهوب مسهلينها الاخوان الي هنا

والله انها تعب عليها وعليك


وترى البنت تحتاج تكون جمب اهلها يوقفون معاها ان احتاجت لهم ويساعدونها

ترى البنت الحامل وخاصة في بداية حملها ما تقدر تخدم نفسها ولا تقدر تخدمك لأنها محتاجه لراحة

مو ارهاق .

عكس لما تكون هنا بجمبك ويساعدةنها اهلها ولا اهلك


انا انصحك انك تخليها في البيت وتهتم فيها وتولدون بالسلامه والبعثه ماهيب طايره


انت كمل اجراءات الإبتعاث كأن ما حصل شيء واحضر الملتقى


وانتظر الا ان تولد زوجتك بالسلامه وقدم لهم عذر طبيعي ان زوجتك الوقت هذا كانت تحتاج لراحة لأنها حامل


ويقبلون العذر على طول لأنهم متعاونين وخاصة مع البنات الي عندهم حمل او ولادة


وريح راسك ياخي من انك تشيل هم

هذي نصيحتي لك وانت براحتك وانا اخوك .

مبروك والله يسهل امورك

انا اعرف زميل لي من المرحلة 7
راح تقريبا بشهر 5 هجري
وكان باقي على ولادة زوجته 3 شهور
وقابلته بعد مارجع السعودية
وقال لي الامور كلها سهلة والمستشفى عناية ممتازة وكل شي مرتب وحلو
وبعد الولادة اعطوا زوجته اجازة شهرين
وقدم لطفله واعطوه الجنسية
ولما رجع السعودية راح للاحوال واضافه