انتهينا قبل لانقول ابتدينا >> قررت الغي البعثه والاسباب جوا >> واسوووني

لعلها خير يا اختي ، والله ماتدرين وين الخيرة فيه، والحمدالله على كل وتقدري تكملي دراستك هنا حتى لو بفلوس فيه جامعات مثل سعود تقدر تعطيك ماستر بفلوس، فيه مليون باب يسخرهن الله لك، بعدين حاولي تقنعين زوجك يمكن يغير فكرته، وقولي له هذي تجربة جديدة وحلوه وأقلها يتعلم انجليزي، او قولي له جربوا سنة مرحلة اللغة راح تفيدكم واذا اعجبكم الوضع كملوا، وبعدين هو يقدر يلقى تخصصات ثانية ولها مستقبل ان شاء الله مثل البزنس وغيره، الله يكتب اللي فيه خير لكم ، ولا تندمين على شي كتبه الله، وعسى أن تكرهون شيئاً وهو خيراً لكم، تذكري هذه الآية دائماً

اقولك ياعسسل تراا الرجال براسهم مليوون نخلة ولهم اراء كثيرة بس اقولك اذا الله ارااد وسهلها صدقين راح تروحي حتى لوزوجك رافض من الله تتسهل ويوافق بنفسه ولو العكس برضو الله بينزل القناعة فقلبك وقلب زوجك اذا حسيتي الموضوع بيتحول لصراخ و عنااد ومن هالشي وزوجك كان من اللي ثابت على رايه وماتقدري تغيري رايه فالافضل حياتك بمليوون مره من الابتعااث ونصحية لوفي فجامعتك تخصصك كملي فجامعتك والله يوفقك

سلام عليكم

اول شئ اختي قرار زوجك غريب بعض الشئ يعني حكومي ويقدر يأخذ اجازة بدون راتب من 5 سنين الى 10 سنين يعني يقدر يكمل تخصص حلو ويطور نفسه ان شالله ويستفيد اشياء كثيره والبعثة الكل يتمناها بس انا فاجأني زوجك بس مااقول الا ان شالله تكون لكم خيره وبعدين موضوع البيت ولو كان ملك عادي جداً بالعكس بتستفيدو اكثر انكم تأجرووه زي ماانا ابي اسوي في بيتي وهو ملك . وانا موظف شركة يعني لازم ( استقيل ) ولا فكرة بالاسقاله لاني باادرس وارجع وان شالله القى احسن من الوظيفة . ولله الحمد راتبي الحين في الشركة عالي جداً وعلى فكرة البعثة ماجاتني انا جات لزوجتي بس ماتتصوري فرحت قد ايش عشان زوجتي تكمل دراستها وانا اكمل دراستي وبناتي الصغار بعد يدرسوا ويكملوا في مدارس اجنبية او سعودية الدنيا يبالها تعب مافي شئ يجي بالساهل . وانا اللي اتمناه من زوجك انه يراجع نفسه لانه مافي شئ يندم عليه حتى ولو انه مااستفاد من البعثه او ماكمل دراستة في البعثه لاقدر الله مهو خسران شئ لانه بيرجع عمله وعادي راتبه اللي كان يستلمه اللهم بس سنوات الخدمة ممكن ماتنحسب اللي ماكان فيها موجود .

الله يوفقك وطمننا اذا غير رايه .

على حد علمي حتى اللي تخصصه تربية بدنية يقدر يكمل ماجستير

لا حول ولا قوة الا بالله ..

محد يدري وين الخيره فيه .. عسى ان شاء الله تكون خيره لك ويعوضك الله بالي احسن منها ..

الله يعينك ويقدم اللي فيه الخير والصالح

ما تدرين يمكن اذا رحتي هناك تتبهذلين ويتصور اشياء ما توقعتيها

ثقي ان الله اختار لك الأحسن

( وعسى ان تكرهوا شيآ وهو خيرا لكم )

يؤ والبنات اللي مو متزوجات يقولوا ياريت نتزوج عشان نفتك من هرجة المحرررم وانتي الحين المشكله بزوجك
تذكرت الاغنيه اللي تقول <<<مافي احد مرتاااااااح هع
والله انا دائما ادعي اني ربي ييسر لي محرم (الوالد اخواني زوج ع الطاير اي شي^_* ما اشترط اهم شي محرررم واخذ المااستر


عموما عساها خيرره خيتووو

مسائكم عسل
------------
------------


يقول الله تعالي : { وَفِي السَّمَاءِ رِزْقُكُمْ وَمَا تُوعَدُونَ * فَوَرَبِّ السَّمَاءِ وَاْلأَرْضِ إِنَّهُ لَحَقٌّ مِثْلَ مَا أَنَّكُمْ تَنطِقُونَ }الذاريات 23

بالله إنكم تقرون الآية بتدبر .. سبحاااااااان الله :
الله يقسم ع نفسه ويقول :
إن الرزق محفوظ ومضمون للإنسان , مع هذا " نجزع ونقنط " ونقول ليه , وليه
يارب اغفر لي وسامحني إذا اعترضت ع قضائك وقدرك الذي قدرته لي .

آآآآآآآآآآآآآآآآآآآآآآه بس
ألا نصدق ربنا الذي خلقنا من لاشيء , ووهبنا عقول كي نقرأ كلامه ونفقهه !!!
ماللعقول !!!
يااااااناس والله وبالله وتالله وأيم الله , مايصير لنا إلا ماكتبه الله .

آآآآآآمنوا بالله وبقسمه إن كنتم مؤمنين حقآ .

( علمت أن رزقي لن يأخذه غيري فاطمئن قلبي )

بصراحه ماادرى وش اقول عشان اواسيك لكن ان شاء الله كل شئ خيره