هذا حالكم يامبتعثات (الا من رحم ربي)

لو على الفضفضه تهون !!!


( ماشوف سالفة العصير تقهر ههههه مادام مرتاح خله وش فيها )
السالفه ماهي عصير والا مويه فيه تعليقات اكثر من كذه بس ماتحضرني اللي تقول المرافقين برى زي السواقين واكثر بكثير
مو معقوله شوية احترام عالاقل

انا مانزلت الموضوع الا في محله مكان وجود الردود وماكان هدفي مراقبه او اشاعه طبيعي مبتعث وادور اللي يهمني وكان ردود الاخوات من ضمن المواضيع ولو بدور جد كان شاب الشعر..
واذا على الشوف قلبي مواضيع المنتدى بتلقين مايسر ومايسوء ...
واذا على المبتعثات فيه سيئين لكن في المقابل فيه بنات ماشاء الله فخر لاهلهم ولوطنهم ومحط ثقه ويرفعون الراس...
واعتبري الموضوع من باب نصيحه
اساس الموضوع ماكان اساءه بالعكس عجبا لأمة محمد؟؟؟؟

اخي مهما ذكرت من العينة فإنها لاتمثل أخواتنا المبتعثات، فإكثر من90% من المبتعثات متمسكات بحجابهن وتقهواهن وهن أكثر جدية في الدراسة وطلب العلم، أسأل الله للجميع الصلاح والهداية والبعد عن الفتن والشيطان سواء الشباب منهم أو البنات .

من وين جبت ذا المعلومات .. ما قد مرت علي مواضيع او مشاركات فيها ما ذكرت في موضوعك
ياليت تحط روابط واقتباسات
وش الهدف من موضوعك . ؟
وش النتيجه المتوقعه .؟
والابتعاث سواء لبنت او ولد سنه في بلد الابتعاث وتبين دوافعه واهدافه ويشوفون هو كفو ولا لا
وفيه ردود هنا ما تقول ان المبتعاثات بنات بلدهم ورايحات يجيبون شهادات ومتمسكات بحجابهم .. الله اعلم وش تفكرون فيه ؟
واذا قصدك نصيحه ونهي عن منكر .. ترى موب بذا الاسلوب .. وش تحسون فيه يالسعوديات!!؟
وموضوعك استفزازي وان كنت لست معنيه فيه
واذا بصير الموضوع مقارنه بين المبتعثات والمبتعثين ترى الموضوع بيطول وبيصير له اجزاء بعد
و كفى بنفسك حسيبا

آلمرآفق حقهآ ينتظرهآ بگآس آلعصيررر

قال تعالى: فَلَوْلا نَفَرَ مِنْ كُلِّ فِرْقَةٍ مِنْهُمْ طَائِفَةٌ لِيَتَفَقَّهُوا فِي الدِّينِ وَلِيُنْذِرُوا قَوْمَهُمْ إِذَا رَجَعُوا إِلَيْهِمْ لَعَلَّهُمْ يَحْذَرُونَ[6] ا بلدط

يعني الدولة تصرف وفي بعض لا حظوا بعض يبون يجلسون قريت في استبيان في جريدة عكاظ ان 44% من المبتعثين ما يفكرون بالرجعه امتثلوا للآية تعالوا افيدوا بلدكم واسألوا الله الثبات واي بنت هذي اللي اهلها بيتركونها بالحالها!!!!!!!!! والله الغربة صعبة واحنا النساء عاطفيااااااااااات يعني عند مواقف نتعب نحتاج سند من اهلنا ولا تحسبين اهل البلاد بيكونون افضل من اهل بلدك ممكن الواحد يبتسم وهو ضامر الشر واكبر دليل النبي صلى الله عليه وسلم عامل اليهود بالحسنى وماذا كانت النتيجة انصحكم نصيحة بالرجوع الى كتب السيرة واقرو لقد كان لنا في حبيبنا قدوة حسنة واذكركم الحجاب والدين وطلب العلم ضعيها نصب عينيك اشكر غيرة اخي وكثر الله من امثالك لكن اقولك في اعداد ليست بالهينة رائعه واثبتت فعلاً انها الفتاة المسلمة طالبة العلم اسأل الله لي ولكم جميعاً التوفيق في الدنيا والاخرة وان ييسر امورنا ويبثنا على دينه


( اختلاف الرأي لايفسد للود قضية , احبتي لنكون اكثر رقي وتحضراً في الرد وشكراً )

لا اله الا الله

انا مانزلت الموضوع عشان افضح احد بذاته اوحتى اهين شخص ..
الموضوع هامني وحاب انبه اخواتي الله يصلحهم وكلن ادرى باللي كاتبه...
واكيد ماني مجبراذكر ادله لاني مايحاسبني الا اللي خلقني ومايحتاج ابرر ..
وانتي وهمتك دوري وبتلقين اللي قلته واكثر...

مصيبه اذا ماانتي عارفه اش الهدف ؟؟؟؟

أنا بصراحة نفس الشيء انصدمت مررررة وحسيت أني ما أعرف شيء عن مجتمعنا ، طبعا في أشياء قريتها في المنتدى مثل الجنوز الضيقة
وعدم لبس الحجاب نهائيا ، لكن كل هذيما لفتت انتباهي ، الطامة الكبرى اللي ما كنت متوقعها هي سالفة السفر بدون محرم ، قبل أسبوع تقريبا شفت موضوعين تتكلم *عن السفر بدون
محرم !
ولقيت بنات كثير مؤيدات لهذا الشيء ، وبعضهم مبتعثات الحين وجالسين بدون محرم ومعترفين بهذا الشيء وعاجبهم هذا الشيء !!!
من شدة الصدمة رحت سألت أخواتي قلت لهم قد مرت عليكم بنت سعودية تدرس في الخارج بدون محرم ؟!
قالوا ما نعرف بس ممكن تصير ..

عاد أنا على نياتي قاعد أحاول اقنع بعض محارمي بالابتعاث ، هو صح أنه في مبتعثات يرفعون الراس ومنهم بنات أعرفهم وأعرف عوائلهم ، لكن*
وش يضمن لي أني اخلي بعض محارمي يطلعون بعثة ويختلطون بمثل هذولا المبتعثات !!!
لأنه اللي لاحظته في الموضوعين اللي شفتها أنه كثير من البنات الموضوع عندهم عادي انها تدرس بدون محرم بحجج واهية ، وبعضهم فعلا يدرسون بدون محرم !!

أنا بصراحة هذا الموضوع عندي حساس جدا جدا جدا ، وعشان كذا من قريت الموضوع وأنا عايش صدمة ؛ لأني بصراحة أختلط بأجانب كثير
ودايم اقول أنه أميز شيء في مجتمعنا _ ولا أقلل من أي مجتمع أو جنسية ثانية _ أميز شيء عندنا بناتنا !!
واللي يختلط ببعض المجتمعات الثانية يعرف أنه ما أنعم الله علينا بشيء مميز في هذا البلد إلا الأمن وخيرة نسائنا !!
وأحمد الله دايم أنه اللي أنجبتني من هذا المجتمع ، وما في شيء أفتخر به إلا أنه أمي وأختي وزوجتي في المستقبل كلهم من هذا المجتمع !!
بتقولون وش فيه ذا متحمس ؟!
بس الحمدلله على اللي حنا فيه ، والله يجزاك خير يا صاحب الموضوع ؛ لأنه هذي العينات اللي نشوفها للأسف بتقضي على أجمل شيء في بلدنا !!
أقبح شيء في الحياة أنك تشوف مجتمع بدون غيرة على نسائه !!

وعشان ما يجي أحد يقول انت تكذب على المبتعثات ، هذي الروابط وشوفوا الردود زين :
http://www.mbt3th.us/vb/forum149/thread310968.html
http://www.mbt3th.us/vb/forum134/thread309075.html

الله يستر .. والله انا ضد دراسة المرأه في بعض الدول الغربيه .. او بالاصح الغير اسلاميه ..

لأنها محرجه لها ولمحارمها .. وبتخرب يعني بتخرب شاءة ام ابت .. " مو معقوله نقطها بالماء .. ونقول لاتتبللين "

والله شفت نماذج وعينات بالخارج خزي على مجتمع السعودي " البنت بدون سترها ماتسوى شي " حالها حال الرخيصات !!

لا وبعد .. اازيدكم من الشعر بيت .. بعض الديوثين يتركون بناتهم براااا ويرجعون للسعوديه ..

لا وترجع البنت بعد فتره تطالب بحقوقها بالاختلاط ومعافرة الرجال وتحط صباعها بعين اطلق واحد وتقول انها كانت معتمده على نفسها براااااا

اللهم لاشماته .. نسمع ونسلم ..

بالمصادفة وأنا أبحث في مشاركاتي القديمة عن موضوع ، لقيت موضوعين يصلحون :
الموضوعين يتكلمون عن أنه في عينات من المبتعثات مو ساترين على أنفسهم بفضايحهم وكافيين الناس شرهم ، لا بالاضافة الا ذلك يضايقون
المحافظات !!!

أبحث عن صديقات محجبات في بوستن
*هذي أخت تبحث عن سعودية محجبة في مدينة بوستن ولا وجدت !!
الطامة الكبرى في هذا الموضوع ، أنه في احد المبتعثات حاطة صورة برج إيفل وهذي مو مشكلة ، لكن تعاير صاحبة الموضوع على أنها حاطة
صورة مكتوب فيها آية : رب اشرح لي صدري !!!
وتقول لها عرفت أنتي من أي نوع !!
والرد موجود في الصفحة الرابعة ..

وهذا أيضا موضوع مشابه :
إلـى بـعـض الـبـنـات ,, آخـر زمـن .. شـين وقوي عين !!

هذي بس للي مب محترمة وخلوها الناس في حالها ولكن مع ذلك تؤذي المبتعثات المحترمات ، وزي ما قال صاحب الموضوع اللي في الرابط
: شين وقوي عين !!


هذي الروابط عشان ما تقولون مبالغة .