وبعدين مع ذا الكلج ؟؟؟؟الجزء2

اختي انا عدلت الوثيقه والله مااخذت مني حتى ساعه بس من قسم الرجال صدق الحريم ماعندهم سالفه ومعقدين الأمور روحي العماده تبع الرجال وغيريها من هناك جربي بكره وردينا خبر ومتأكده انهم راح يغيروها لك بأذن الله وبسهوووووله الله يوفقك ويسعدك وينور لك الحياه والدرب

وش هالكلام الفاضي حسبي الله عليهم اللي يحبون التعقيد واللف والدوران
لاحول ولاقوة إلا بالله عالاقل الواحد يكسب دعوه حلو في حياته
يعني انتي وش طالبه منهم كلها تعديل وثيقه بجامعتنا ماتاخذ 10 دقايق وانتي واقفه
وش الفرق يعني كلها جامعات بالسعوديه وتقريباً نفس النظام
لاتغيرين جوازك ارسلي ابوك على قسم الرجـال وبإذن الله يمشونها لك قلة حيا وربي الناس متعطلين وهم متربعين في مكاتبهم ييحللون رواتبهم عالاقل

بالتوفيق يارب

يا عزيزتي غيري الجواز وقضينــآإ > ياخذ له يوم بسسس ..~

ماله اي داعي تضيقين صدرك ع اشياء تافهه بصراحه , غيري الجواز حسب الوثائق اللي سلمتيهآإ للوزارة , ويا دار ما دخلك شر ..~

موضوعك مو شيء سهل عشآن تسألي فيه إعضآء المنتدى .,

نصيحتي لك : أتصلي بالوزآرة وأساليهم وآستفسري منهم زين بالتيلفون مو رسآئل الايميل عشان تكون المشكلة واضحة والحل وآضح .,

لو تجلسي تسمعي كلآم الي هينآ كلهآ بتكون أرآء مافيه حلول لكن أتصلي فيهم و إن شآء الله بتلقين الحل

^ لآحظي كآتب بالأحمر

~ بالتوفيق

قد يكون تعديل الجواز أسهل اذا أحضرتي جوازك السابق ولو معك واسطه بالجوازات راح يتعدل بنص ساعه والله أعلم

والله ياقلبي مشكله

انا عدلوا لي الوثيقه مع اني ماطلبتهم...وديتها للرجال عشان يوقعها ويختمها...

قال باغيرها...وسوا لي وحده جديده انقلش..

فيا انك تجربين من عند الرجال واعتقد باذن الله تمشي امورك

او انك تتصلي ع الوزاره تطلبي منهم خطاب مثلا وتودينه لهم ويغيرونها غصب عنهم


اذا لا ذا ولا ذا نفع... غيري الجواز....

وربي ييسر لك امورك

دقيقه دقيقه
انتي ليه ماتروحين للرجال على طول
انا ابويه الله يحفظه راح لقسم الرجال علـــــــى طول عدلها له ووقعها

شكرا لكل الاعضاء اللي جاوبوني والله يجزاكم كل خيير
لكـــــــــــــــــــــــن نسيت مااقلت لكم ان ابوي هو اللي يراجعهم لكنهم عقدوها تعقيد سكروها بوجيهنا بالعربي
والله ماادري ش اسوي

اختي امورك بسيطه جدا مرره ....... حرررام عليك التوتر

واتركك من الي متوتر ويحب يوتر خلق الله معك .. الي يقولون تراه موضوعك خطير يوووووه بعثتك بتروح

اسمعيني دامك مطابقه الشروط ونزل اسمك بالتريشيحات النهائيه خلااص امورك تمام

صلحي الي بقوله لك


1-اطبعي استمارة المراسلة من جديد واكتبيها حسب الوثيقه .. خليها جاهزه

وعدلي الجواز حسب الوثيقه لأنك بتعدلينه بتعدلينه !! لا عاد ترجعي لجامعتك عشان التعديل ولا تجيبي خطاب ولا اي شيء
... وانتي تعديلنه ادعي على الي وقف بنحرك بتعديل الوثيقه ومرمطك

ويوم الملتقي عطيهم السالفه كلها من طقطق الى سلام عليكم

2-قدمي صورتين من الجواز القديم ... وصورتين من جوازك الجديد

ومعها استمارة مراسلة الجامعة معدلة حسب اسم الجواز




هم هناك بيطبعون استمارة طلب جديده بالاسم الجديد وتوقعينها

اصلا ماراح يبدون مراسلة الا بعد الملتقيات

الوزارة لو بيدها طلعوك على وثيقه بدون اسم

بس القروشه من جامعات برررا لازم الاسم مطابق للجواز .. عشان نعرف انه انت صاحب الوثيقه

لايضيع الوقت عليك وانتي ماسويتي شي بسرعه طلعي جواز جديد بنفس اسمك بالوثيقه
لايروح الوقت وانتي لاكيذا ولاكيذا