مساعدة ولاية فرجينيا اي استفسار او مساعدة حياكم الله جميعا .

طالما التكاليف مقدرو عليها الله يحيك وشد الرحال الى فرجينيا ، ما استطيع ارشحلك معهد معين لاني ما درست في جميع المعاهد انا ادرس في معهد كليه هاربرت هذا استطيع اجيبك عنه ، ولكن انا اسمع زي بقية الاخوان ان هناك معهد اسمه نوفا ، ومعهد جورج ميسن ، ومعهد جورج تاون ، ومعاهد كثيره غيرها ، ولكن اعذرني في مسئلة الترشيح لان الترشيح يحتاج الى شخص مجرب هذه المعاهد هو يستطيع يرشح لك .
بالنسبة للمعهد لذي فيه فترتين فالمعهد الذي اردس فيه فيه فترتين صباحي من الساعه 9 حتى الساعه 4 عصرا ، ومسائي من الساعه 5 ونص مساء حتى الساعه 10 بالليل .
اما من ناحية السكن فلا خاف اكثر في في فرجينيا العقارات هنا كثيره .
بالتوفيق ان شــاء الله .

ممكن اعرف اقرب مدن فرجينيا لجورج ميسن او جورج تاون ؟
عشان ابحث عن سكن .

وشكراً لك

افضل طريقه لمعرفة السكن القريب من الاماكن التى تريدينها ادخلى على هذا الموقع www.apartments.com
وبعدها اكتبي الرمز البريدي للجامعه في خانة Zip Code بعدها تظهر لك جمع السكن القريب من الموقع الذي تريدينه .
بالتوفيق ان شـــاء الله .

افاداتك حلوه جدا جزاك الله خير

ياسلام طيب كيف الدراسة بالمعهد الي تدرس فيه ومن ناحية السعوديين وهل مقفل ولالا

ادري كثرتها عليك لكن تحمل بكرا اجي واردها لك

والله ودي بمعهد دوامه زي كذا يسهل علي اشياء كثيييير جداً

الدراسه جيده في المعهد ، ومن ناحية السعوديين في سعوديين ، وليس مقفل .
بالتوفيق ان شــاء الله .

اخوي كم اسعار الحضانات في فرجينيا ؟

الله يعطيك العافيه اخوي على المعلومات

عندي كم استفسار

اول شي انا جبت قبول لغه في معهد بفرجينا ولقيت سكن قريب منه حتى اقدر اروح انا وزوجتي مشي في منطقه اسمها falls church

مميزات السكن فيه سيكورتي يعني ممنوع دخول احد للعماره الا باذن من المستاجر يعني لو بيزورني احد لازم اعطيهم الاسم والوقت
والشي الثاني انه بنفس العماره يوجد حضانه باعلى دور بس للاسف للان ما ادري كم سعرها لان عندي ولد عمره سنه ونص طبعا السكن شامل كل شي مويه كهرباء تلفزيون نت ما ادري اذا فيه نادي رياضي او لا بس ما اعتقد ومطبخ مأثث
والسعر 1300 دولار طبعا لو حسبتها بمنطقه ثاني مثل ولايه اوهايو تلاقي سعر السكن 800 دولار من دون الضرايب يعني توصل نفس السعر
انا بحث عن المجمع الي ساكن فيه لقيت له اكثر من موقع ARCHSTONE ياليت تشوف كم سعر الحضانه فيه لو متوفره وكيف نوعيه السكن كم غرفه وايش مزايا السكن مو المرافق وكم سعره

الحضانات تتراوح اسعارها من 1000 دولار الى 1500 دولار شهريا .
بالتوفيق ان شـــاء الله .

السعر الى انت حصلته جدا ممتاز وخليك فيه افضلك بصراحه ، المجمع الى انا ساكن فيه اجار الشقه 1900 دولار شهريا ، غرفة وصاله ، ونفس نظام المجمعات الاخري سكيورتي ، ودخول المجمع رموتات تعطى للسكان فقط ، واستقبال في المجمع شغال 24 ساعه ، يعني نظام امان مماز جدا ، وثلاث ادوار تحت المبني كلها مواقف ، ونادي رياضي ، حضانه لا يوجد حضانه .
بالتوفيق ان شـــاء الله .