مساعدة ولاية فرجينيا اي استفسار او مساعدة حياكم الله جميعا .

انا عندي قبول في فرجينيا

كيف السكن هناك سمعت انه الاسعار غالية ؟؟؟ هل هذا صحيح ؟؟ وهل تكفيني راتب البعثة 1850 دولار ؟؟؟
قبولي جامعة جورج ميسن

كيف السكن في المنطقة حول السكن ؟؟

افضل انت تسكن مع طلاب تتفق معهم علشان تتناصفون الاجار .
او تسكن مع عائله ، لان الاجارات نوع ما مرتفعه .

المشكلة طالع لحالي ما معي احد ولا اعرف احد هناك

طيب كم ممكن تكون الايجارات بسعر تقريبي وقريب من الجامعة ؟؟؟

وهل لازم سيارة ؟؟ لاني سمعت انه السيارة ضرورية هناك ... وكيف احصل عليها ومن وين ؟؟ وهل رخصتي السعودية تمشي عندهم ولا لازم رخصة امريكية ؟

انا الان حابه اجيب قبول من معهد جامعة جورج ميسن
قبول معهد لغه فقط
ومو عارفه كيف ، برضو انا بكون لحالي انا وامي كيف الوضع هناك ؟ هل هو آمن ؟
وجورج ميسن فيه قريب منه شقق سكنيه وفيها سيكيورتي ؟ هل هي قريبه من المعهد ؟

وشكراً لك : )

تكاليف المعيشه من سكن ومواصلات رخصيه ولاّ لا
يعني تقريباً عارفه انها ولايه كبير وفيها كثير من المدن وتتفاوت الاسعار يعني مثلا اللي عرفته ان اسعار السكن في salem من 500 دولار واكثر ومثلاً Norfolk من 900 وطالع
انت بشكل عام تنصحني فيها لأني وحده راح اكون معتمده ع نفسي 100% وماراح يساعدوني اهلي ولا برياال
اي وبعد سمعت انه فيها عنصرية للاقليات وخاصة المسلمين ويقولو نظامها صاار ؟ انت وش رايك بهالكلام ؟؟
والله يكتب اللي فيه الخير
مشكوور ماتقصر

جزاك الله خيرررررررر

من ناحية انك سافرت لوحدك فكثير من الطلاب سافروا لوحدهم ، ولكن وجدوا ناس فيها الخير والبركة وحب التعاون والاخوه ، فتفقوا ان يسكنون مع بعضهم ليتناصفوا الاجار ، انت بأذن الله لما تجي راح تحصل كثير من الطلبة من دفعتك من المرحلة السابعة وستجد الكثير من الطلاب القادمين على حسابهم الخاص يدرسون هنا ، فلا تخاف من هذه الناحية ، انا شخصيا ( ليه افضل المناصفه في الاجار ) لان انا ساكن في مجمع سكني راقي وفي كثير من الطلاب والطالبات ساكنين مع زملائهم ومتناصفين الاجار ، لان انا اشوف السكن اذا صار ممتاز وراقي وخدماته حلوه يكون هناك راحه نفسيه ، اهم نقطه هي السكن ، انا افضل السكن يكون مثلا فيه امان والدخول من باب المجمع يكون برموت كنترول واستقبال في المجمع يعمل 24 ساعه وكمرات مراقبه في المداخل ، وموافق سيارات خاصة تحت المجمع ونادي رياضي في المجمع ، وغرفة خاصة بالكمبيوتر والطابعة والفاكس ، هذه الخدمات تريح الطالب نفسيا . انا اشوف ان الاجارات هنا في المجمعات الامنه والجيده ما تقل عن 1000 دولار ولا تزيد عن 2000 دولار على حسب حجم الشقه .
في كثير من الطلاب يقول لك الاجاارات بــ 500 دولار او 600 دولار ، قد تجد بهذا السعر بس في اماكن مخيفه وبعيده جدا مسافة ساعة ونص الى ساعتين بالمترو الى مقر دارستك ، اما عن الطلاب الباحثين عن السكن مع عائله فمن الصعب جدا تحصل سكن مع عائله لان في ولاية فرجينيا العوائل جدا قليله ، اذا انت تريد تسكن مع عائله انا انصحك لا تجي فرجينيا لانك راح تتعب جدا في البحث عن عائله ، واذا حصلت عائله راح تحصلها خارج المدينة في الارياف .
اما من ناحية السياره ما تحتاج ابدا سياره المترو متوفر جدا والباصات متوفره .
اما من ناحية السياره كيف تحصل عليها مشاء الله اكثر شي هالمعارض السيارات كثيره جدا في الولايه ، وعندك الانرنت ايضا ، وعندك الجرايد يكون فيها اعلانات لبيع السيارات .
بالنسبه للرخصه السعوديه مهمه جدا تكون معاك لان اذا جيت تطلع رخصه امريكيه وعندك رخصه سعوديه تكون اجرءاتك اسهل .
بالتوفبيق للجميع ،،،

اذا اردت قبول معهد من جورج ميسن ، اول شي تراسلين المعهد للحصول على موافقه بالدراسه ، لان هذه الموافقه على ضوئها تحصلين عن الضمان المالي من الوزاره ، وبعد الحصول على الضمان المالي ترسلين الضمان المالي للمعهد على الاميل ، وبعدها يرسلون لك I20 ، علشان تخلصين مضوع الفيزا وتجين لامريكا بالسلامه . طبعا المعهد يأخذ منك رسوم التسجيل ما اعرف كم هي بس في حدود 60 دولار او بالكثير 120 دولار ، تختلف الرسوم من معهد لآخر ، بس اذا دفعتي هذه الرسوم اطلبي منهم يرسلون لك وصل بدفع المبلغ علشان لما تجين امريكا تقدمين الوصل للملحقية ويدفعون الرسوم التى دفعتيها للمعهد .
اما بالنسبه للوضه فهو امن ان شــاء الله اذا الانسان احسن اختيار المكان .
فرجينيا اكثر شي فيها مشــاء الله السكن اصبحت تجارة العصر الحديث العقارات ، يعني في كل حي مجمعات سكنيه وخاصة الاحياء التي يكون فيها جامعات ومعاهد .
السكن جدا متوفر ولله الحمد .
بالتوفيق للجميع ،،،