مساعدة مبتعث .. مبتعثه .. مرافق .. مرافقه ... اي استفسار .. الاجابه هنا ... Canadian hero

السلاام علييكم

اخويا بيدرس معايا وبدي اقدملو عالمعهد معايا واللي عرفتو انو الوزارة ماتوفرلو ضمان مالي..

هل اقدملو على حسابو ولما نروح هناك كمان على حسابو طول فترة اللغة ولاكيف؟

لوسمحت تقلي ايش الخطوات من الالف للياء بالمختصر ؟

سلام
انا قدمت للبعثة المرحلة السابعة وترشحت
والان محلوف علي اني ما اطلع الا لين اتزوج وورطت وانا مقبول كا اعزب هل ضم الزوجه كمرافقة ياخذ وقت والا ايش الوضع

سوال بسيط؟
كم راتب المرافق وهل السكن علي حساب الدوله ومصروف الكتب
الله يوفقكم جميعا ويرزقكم

شباب حبيت اقولكم شئ بخصوص الرواتب لانني من المرحله السادسه وحاليا بكندا
راتب مبتعثين كندا 2700 دولار يعني اعلى من رواتب الدول الثاينه امريكا وغيرها
با الراحه تقدر توفر الف دولار نهايه الشهر او حتى 1500 دولار
لا احد يخاف من ناحيه الرواتب تقدر كل شهر تشتري ايفون بس لا تزودها في المصاريف
هذا با النسبه للمبتعث الاعزب
اما المتزوج والمرافق ما عندي علم فيها
وخاصه اذا فيه حضانات بتزيد المصاريف

اختي اخيرا لقيت احد الاعضاء نفس تخصصي
ياريت تفيديني من تجربتك واي معهد تنصحيني فيه

انا مقدمه على امريكا ....كلفورنيا سان ديغو ...زوجي وبنتي معاي ..سؤالي انه انا ماضفت بنتي في استمارة الابتعاث ايش اسوي الحين....وكمان كيف اخلي زوجي بسرعه يلتحق بالبعثه وينضم لها....وكمان كيف الولايه اللي اخترتها كويسه من ناحية المعاهد

اول شي انتي وين رايحه ... ؟

لاني اقدر اعلمك عن معاهد تورنتووو ... بس شفت ملفك رايحه لامريكا
وانا مقدر افتي بشي ماعرفه

لاكن النصيحه

تبدين بتجاري ... تاسسين نفسك والمحادثه

بعدين تروحين اكاديمي


ولو تبدين الان تتعلمين ... كلمات مهمه ... وجمل


يكون احسن لك

والله يالغالي انا ماجربت غير تورنتو ... وانصحك فيها ... انا فيها مع زوجتي واختي .. وبنتي

ذكرت هنا في كثير من الردود المعاهد الكويسه ووين الافضل علي حسب مستواك ...

المفروض مثل ماصار معي ... ضمانكم مع بعض المبتعث والمرافق
والقبول ايضا مع بعض في نفس المعهد
هذا اللي صار معي شخصيا

تقدر تلتحق واللي اعرفه انك اذا بتدرس الاجازه الاستثنائيه من خادم الحرمين الى 10 سنوات

لازم تترجم كل شهاداتك ... الثانوي وحسن السيره والسلوك
عقد النكاح
بطاقه العائله
شهاده ميلاد الاطفال
شهاده التطعيم لهم ... عشان تكمل هنا اذا تبي

انشاء الله اكون كفيت ...

واذا فيه شي اسال يالغالي

هلا بك

انا مادري عن سنغافوره والله .. بس اللي اعرفه ان الدوله من اغلى دول العالم .. وسياحيه ماتوقع تنفع للمعيشه
فانصحك بامريكا او كندا

الجامعات تراسلينهم بعد وصولك بلد الابتعاث وانتي في مرحله اللغه

زوجك الله يخليه لك ... الفيزا السياحيه لاتسمح بالدراسه لاكثر من 6 شهور

فانصح من البدايه ياخذ زي فيزتك ويرتاح

الضمان المالي مهم جدا وانا اخوك ... تعطيك اياه الوزاره ... يكون مكتوب بالانقليزي انهم يكفلونك ماديا ،،، بدونه ماتطلع فيزتك ... ولا تدخلين معه ولا جامعه



والله يالغالي اراء الناس تختلف عن المدن ... وانا ماجربت الا تورنتو وانصح فيها

لعده اسباب ... الخيارات فيها كثيره

من جامعات ومعاهد وسكن .... والمواصلات العامه فيها ممتازه ... سب وي وباصات

فانا مادري والله اذا فانكوفر فيها سب وي ولا لا

مواقع السكن فيه كثير ... والافضل انك تحجز فندق ولما توصل تشوف الشقق بنفسك

او اذا تعرف احد يجيبلك شقه

الفيزا سهله جدا ،،، المعاهد اسهل

الجامعات قبولها صعب شويه ... بس لو تجيب درجه الايلتس ... تكون سهله بعد

والله يوفقك حبيبي

اذا تبي مساعده شخصيه ،،، بمواقع او غيره ... راسلني عالخاص ..




والله ياختي مالي اي علم بايطاليا .... ماعطوك رابط فيه معاهد تختارين منها ... ؟؟؟


ردي علي وانشاء الله نشوف حل في الموضوع

احيانا الواحد من الارتباك يضيع شوووي



المبتعث لاي مرحله 2700 دولار

المرافق 1500

الاطفال ... كل طفل 400 دولار

الافضل برايي الشخصي تورنتو

وذكرت الاسباب كلها
منها اللي يهمك

تعدد الخيارات وكثر الجامعات فيها وحواليها


الايجارات تختلف في تورنتو من مكان لمكان ...

انا ساكن بشقه .. على نفس عماره السب وي
كبيره ... غرفتين دورتين مياه وصاله وبلكونه
1600 دولار

بس اذا انت لحالك وضعك سهل جدا

تقدر تقعد في هوم ستي ... مع عائله ،،، تطور لغتك وتتعرف عالبلد كويس
بعدين تنقل

واي استفسار اسدحه هنا ...

السلام عليكم ورحمة الله وبركاته .. كيف حالك اخووي .. ان شالله بخير ..

طال عمرك انا اشكرك من اعمماااااق قلبي.. على المساعده اللي تقدمها لنا .. والله يكتب فيه كل حرف لك تساعد فيه الناس خير... ياارب..

طال عمرك اتمنى انك تفيدني .. انا يالغالي تقدمت للبرنامج وماقبلني ... وحبيت اروح على حسابي.. لكندا .. للبكالوريوس .. الحمدلله لغتي تمشي حالي.. ان شالله ..

طال عمرك حبيت ابدا بالاسئلة واللي يعينك علي ^_^

س1 : اذا رحت على حسابي.. وبعدين اول مااوصل قدمت طلب التحاق بالبعثه .. كم اجلس بالغالب على حسابي..؟

س2 : انا تخصصي حاب يكون في الهندسه وبالضبط ميكانيكا .. هل اقدر انضم للبعثه بهذا التخصص ..؟ واذا مااقدر ماهو افضل تخصص يقدمه البرنامج ..وتنصحني فيه .. وكم مدة دراسته ؟

ممكن يالغالي هذا اللي عندي حاليا من الاسئلة .. اذا كان عندي اساله بوقت ثاني رح اطرحه هنا ان شالله ..

طال عمرك اذا عندك اي نصيحه لي .. بما اني جديد ومبتعث لمرحلة البكالوريوس .. اتمنى تخبرني فيها ..

ولك مني جزيل الشكر ...

تحياتي لك ..

السلام عليكم و رحمة الله جميعا

أنا حصلت على قبول الإبتعاث لدرجة الماجستير للمرحلة السابعة بتخصص Software Engineering و عندي كذا إستفسار إذا ممكن أحصل على الجواب عندكم:

1- أنا لما قدمت أوراقي في التدقيق كنت لسى ما عادلت شهادة البكالوريوس لأن لسى ما استلمت وثيقة التخرج و كانت وثائقي السجل الأكاديمي و إفادة بالتخرج فقط. هل راح يطلبو مني معادلة وثيقة التخرج في الملتقى أو لما أروح على كندا عند فتح الملف ؟ ( أتمنى يكون ما يحتاج معادله خلاص ما دام انها مشت اموري مع التدقيق هههه لأن اخاف أروح اعادل الوثيقة و ما يعادلوها لي )

2- أنا حصلت هذا التخصص في جامعتين فقط في كندا و هم McMaster & Concordia بغيت أعرف وين الأقوى فيهم و هل فيه معاهد لغة تابعه لهم او لا لأن مثل ما أعرف ان القبول اللي احصل عليه يكون من معهد تابع إلى جامعة و ما ادري اذا انا غلطان او لا و اذا غلطان يا ريت أحد يصحح لي؟

3- أنا الآ موظف و ما راح أقدر أخلص إلتزاماتي إلا بعد شهر يونيو هل أقدر أقدم على المعهد اوالجامعة بالدراسة بالسمستر الثاني بدل ما أبتدي من السمستر الأول و شنهو اللي اقدر اسويه مشان أدرس السمستر الثاني.

آسف على الإطالة و أتمنى أحصل الجواب الشافي منكم