مساعدة مبتعث .. مبتعثه .. مرافق .. مرافقه ... اي استفسار .. الاجابه هنا ... Canadian hero

هههههههههههههههههه

والله ماتوقع ياختي ... مع ان الفكره جهنميه

انا مع اختي وزوجتي ... وينزلي راتب واحد
لان الهدف ان الشخص يكون له مخصص مالي ...

فيه ناس سووها بس يعتبر تلاعب ... وانتي بغنى عن هالشي ... لان المرافق يسجل باسمه وبطاقه احواله ...
ينزله مخصص واحد فقط

هذا والله اعلم

والله يالغاليه لا فيه اطاله ولا شي بالعكس

تامرين امر ...

وتقدرين تراسليني عالخاص لو فيه شي مو واضح

نبدا

١ - انا اللي اعرفه ياختي ان قبول معهد اللغه يجيبلك اياه مكتب تجسير ... ويحطوك على كيفهم .... وتحولين لما تجين هنا ... والتواريخ هم يحددون لك تاريخ معين ويعطونك وقت كافي لاستخراج الفيزا
واذا الوقت مو مناسب تقدرين تاجلين ... التاجيل موضوعه سهل

٢- الضمان اتوقع بعد الملتقى ولاتشيلين هم فيه وقت لكل شي

٣- اذا تبين نصيحتي شوفيلك مكتب سمعته كويسه .. وانا بقولك ليه ... انا قدمت لي وللاهل في مكتب كلفني ٢٥٠ ريال للشخص غير الشيك اللي موجه للسفاره والمكتب سوا كل شي ،، عبوا الابلكيشن وراسلوا ولما طلعت الفيرا اتصلوا علي وقالوا تعال اوراقك جاهزه .... وحده معانا الان في تورنتو وفي نفس المعهد اللي انا فيه تبهذلت وكلفها الموضوع فوق ١٠٠٠ ريال لانها عبت الابليكيشن غلط ورجعوه وفيدكس كلف عليها الارسال ومشاكل
فانتي ريحي بالك وارسلي عن طريق مكتب
لو انتي في الرياض ادلك عالمكتب اللي انا تعاملت معاه بس مادري اذا عندهم فرع في جده ... اسمه مكتب فيفا وتعاملهم مره جيد

اتمنى اكون وفيت الاسئله

واذا فيه اي شي تفضلي ولا تشيلين هم

والله يوفقنا جميعا لما يحب ويرضى

والله ياغالي ...

انا نفس وضعك .. واخذت فيزه طالب
لان الفيزا السياحي مشكله .. ماتقدر تدرس اكثر من ٦ شهور

انا طبعا اتكلم عن كندا .. واتوقع امريكا نفس الشي

طريقه استخراجها اذا انت بتقدم عن طريق مكتب وهو افضل واسهل لك
تقولهم انك تبي فيزه طالب ... وتستوفي الاوراق والشروط

لانها سهله للمرافق .. لانك مشمول في الضمان المالي وبيجيك قبول معهد

تمنياتي لك بالتوفيق

واذا فيه اي شي مضايقك ولا منت متاكد منه .. انا تحت امرك

ايوه تقدرين تكلمينهم ... وانشاء الله سهل موضوع التحويل من دوله لدوله

والله يكتبلك اللي فيه الخير

لان اتوقع ماله دخل طلب المحرم في قبولك في اي دوله

هو على حسب الرغبات اللي انتي حطيتيها

تم الرد عالخاص

واتمنى افيدكم باللي اقدر عليه

اخي عبدالرحمن الله يوفقك ويسعدك وين ماترووووووووووووح
انا مرة حاسة ومو عارفه شي
محرمي مبتعث بامريكا من طلاب المرحله السادسة وانا ابى اكون في نفس المدينه اللي هو فيها وابى وقت دراستي يكون مع بداية دراسته لان لحد الان هو مارجع والله يرجعه بالسلامه يااارب لان خايفه يجي وقت دراستي مع وقت اجازته وتسير حوووووسه
السوال قبول المعهد كيف اخليه يجيبه لي ولا الوزارة واذا هو جابه تقبله الوزارة ولالا ؟؟؟؟ وايش الافضل الله يسعدك ولا اني ابلغهم يوم الملتقى ولا كيييييييف
والله يجزاك خير

الله يكتب لك الأجر يا أخوي على حسن مساعدتك لإخوانك وأخواتك .

عندي استفسارات بسيطة أتمنى ألقى لها جواب , وهي كالتالي :

أولا : ما هي الخطوات والأوراق التي يجب علينا أن نعملها قبل حضور الملتقى ؟ وماذا يكون بعد الملتقى ؟؟
طبعا اللي أعرفه إن الملتقى يكون لتوعية المبتعثين من كل الجوانب القانونية والاجتماعية والدينية وغيرها ... فما الذي يجب علينا عمله بعد الملتقى ؟؟

ثانيا: بالنسبة لمعهد اللغة / هل فعلا الوزارة هي التي تختار لنا معهد ؟؟ وهل هذا المعهد يكون تابع لإحدى الجامعات الموصى بها ؟؟

ثالثا : بالنسبة لتغيير التخصص / أنا تخصصي في البكالوريوس تربية خاصة , واخترت تخصص علوم صحية لأني قرأت في موقع ويكيبيديا أنه يوجد تخصص لعلم النفس التعليمي وعلم نفس الفئات الخاصة فهو تقريبا أقرب تخصص لي فهل فعلا يندرج هذا التخصص في الجامعات الامريكية ؟ وفي حال لا يوجد هذا التخصص فهل يمكنني أن أغير التخصص ؟؟ وهل هناك أضرار في إجراءات التغيير ؟

رابعا : بالنسبة للسكن والتكاليف / إذا انتهينا من كل إجراءات البعثة وسافرنا بإذن الله ووصلنا المطار , ماذا يجب علينا فعله ؟؟ هل نذهب ونستأجر شقة قريبة من الملحقية الثقافية لكي نفتح لنا ملف أم ماذا ؟ وكم المبلغ الذي يجب أن يكون لدينا للاحتياط ؟ وكيف طريقة فتح حساب في بنوك امريكا ؟ والمشكلة اللغة الانجليزية ضعيفة .. وباسألك يا أخوي : بالنسبة للمواصلات كيف طريقتها ؟ ( يعني نستأجر سيارة أو فيه باص خاص للبمتعثين ينقلنا من مقر السكن إلى المعهد أم ماذا ؟؟


باختصار يا أخوي : ايش هي الخطوات اللي نمر عليها خطوة خطوة وماذا يجب علينا فعله بعد ظهور الترشيح النهائي للبمتعثين ؟

واعذرني الكلام ملخبط لأن راسي كله أسألة وتااايه

سؤال محيرني

تم قبولي بالبعثه ولكن
هل سيتم قبولي بالجامه في بلد الابتعاث لأن((وثيقتي التخرج ليس لها علاقه بالتخصص الذي قبلت فيه)) !!
ارجو افادتي اذا بإمكاني اغير التخصص .

ماالحل؟!!!

اكيد يقدر اختي ... لاتشيلين همه

بالعكس قبول البكالوريوس اسهل ... والخيارات مفتوحه اكثر
ولا راح يقعد ...

بالعكس فرصه وجته

انا كثير شباب اعرفهم خلصوا الثانوي وجو هنا على حسابهم وانضموا للبعثه

يعني بيكون مرافق معك وبيجيبون له قبول لغه .. تقريبا نفس وضعك .. الفرق الراتب اقل

ويقدر ينضم ويكون مبتعث لوحده لما يخلص اللغه ويبدا الجامعه انشاء الله



والله يكتبلكم اللي فيه الخير