تـايـه ياعـالم أبي مساعدتكم ..

المكاتب تأخذ عليك مبلغ لذلك حدد لك ولاية وبعد الملتقى روح للمكتب المسؤل عن قبولات طلاب البرنامج وقولهم انك تبي المعهد الفلاني في الولاية الفلانية

بالنسبة للاعلام ومستقبله والتسويق والله ما اعرف شي عنه يبوي

ان شاء الله يجي من هو افهم مني واكثر خبرة ويعلمك


دعواتك لاني طمعان في دعوة صادقه

مشكور يا ارمان على المعلومة .. والله يوفقك يارب وابشر بالدعوة

الله يوفقك و يكتب لك اللي فيه الخير

عجبني ردك يا بطل بس حبيت اضيف فيه غير ان المكتب ياخذ رسوم صعب تاخذ الضمان المالي من الوزارة
والوزارة غالبا ما تتعامل مع تجسير الي في الرياض انا ارسلت لهم وقالولي وين تبي تروح وارسل رقم الطلب في البعثه ورقم جوالك
يعني راسلهم من الحين لانهم يتاخرو في الرد وتلفوناتهم ما يردو عليها والله من الاربعاء وانا ادق ولا حياة لمن تنادي

وبالنسبة للولاية لا تحاول تسال وين تروح لان كل واحد عنده وجهة نظر
حاول تسال الاسأله الصحيحه عشان تستفيد اكثر
حدد المقومات الي تبيها في الولاية ..
مثلا زي انا معجب جدا في ولاية كليفورنيا وتحديدا سان ديقو بس المعروف عن هالولاية من اغلى الولايات عشان كذا كنسلتها من تفكيري
انا ابي ولاية حلوه جوها حلو هاديه ناسها طيبين طبيعتها حلوه ما ابي اشوف رمال وصحاري زي عندنا هنا
وبعد البحث وجدت الي ابيه الحمدلله
عشان كذا من البداية لا تسمع كلام احد انت شوف الي ترتاحله

تقبل مروري ..