الضمان المالي والمرافق ..

ايه حبيبتي ..بس المرافق اذا كان زوجك او وولدك ..

حسب علمي لكن اي من اخ اب خال عم ليس لهم سوى المكافئه وتساوي النصف فقط عزيزتي ..

تحياتي والتوفيق حليفك يااارب ..

ودي ..اتمنى اكون افدتك لو بالقليل ..

سؤال مهم وهو شاغل أكثر المبتعثين وانا منهم

لكن أنا رحت اليوم للوزارة كوني قريب منها قال لي الموظف اذا للمبتعث نعطيه ضمان بنكي قلت وانا مرافق وزوج قال مالك شي عندنا قلت طيب مرافق ترى بأحرمها من البعثة ( هع يعني اني بهدده ) قال تقدر تجيب شهادة بنكية لك مالنا شغل فيك

والله محتاار وماأدري ياليت أصحاب الخبرة يفيدونا ولهم خالص الدعاااء

أحيان ما اخذ باراء الموظفين ممكن ماافطروا والله العالم


ننتظركم جزاكم الجنة

مااتوقع ان كلامه صحيح ..
الي اعرفه الزوج والابن له احقيه اخوي ..
اجل شلون معطينهم حق الدراسه الا بضمان مالي ..
شكل الموظف ماكان رايق ومب مركز معك هههههههه
اتمنى لك التوفيق اخوي ..

وتسبديه يعني اخوي مسحوبن عليه وهو مرافق لي
من اولها ساحبين عليه
ههههههههههههههههههههههههههههههههههه

اوك شكرا يعطيك العافية ...
ماقصرتي ..

الي اعرفه والله اعلم ان الضمان المالي يشمل المرافق لأني اعرف واحد سجل في المعهد بضمان زوجته يعني هو مرافق بس انه اتورط في الاي 20 حطوه f2 تبع زوجته وانتو عارفين هذا النوع من الفيزا مايحق له دراسه إلا ساعات قليله فانتبوه لهذي النقطه ياالمرافقين ؟

واناا بعد نفس الشي مادري وش هالضمان المالي الي يتكلمون عنه
كل يوم طالعين لنا بشي جديد

أنا بعد ودي أعرف هل الوزارة توفر ضمان مالي للمرافق عشان نشتغل على نفسنا

على قولتك أختي الناس مابقى الا يركبون الطيارة الا احنا

لسه انا معاكم وشكلي ماحركب الطياره بدري

الله يسهلها بس

المرافق زوج أو أب أو أخ يعطى ضمان مالي إذا أراد أن يكمل دراسته للغه ولكن لايعطى الضمان إلا في بلد الأبتعاث وأيضا تصرف له مكافئة المرافق وهي نصف مكافئة المبتعث ويكون له ضمان صحي كالمبتعثه
يجب على المرافق أن يقوم أولا بإحضار قبول له في معهد لغه بضمان مالي شخصي ويتقدم في السفاره للحصول على فيزا من نوع f1 حتى يتمكن من أن يدرس في المعهد بدوام كامل وبعد الوصول لبلد الأبتعاث يأخذ ضمانه المالي من الملحقيه ويستبدله بضمانه الشخصي الموجود لدى المعهد أي أن المرافق لايحصل على ضمانه المالي إلا في بلد الأبتعاث لأن ليس كل المرافقين يريدون الدراسه
وبعد إنتهاء فتره اللغه وحصوله على درجة الأيلتس أو التوفل المطلوبه يتقدم ع الجامعه للحصول ع قبول جامعي غير مشروط وبعدها يرفع أوراقه للملحقيه ليتم أنضمامه للبعثه وتصرف له مكافئة مبتعث كامله

أتمنى أن تكون الفكره قد أتضحت للجميع
ملاحظه/ الكلام أعلاه يخص أمريكا أما باقي الدول لاأعلم

أسأل الله لكم ولي التوفيق

لاتنسونا من صالح الدعاء