تقرير معلومات تهمك ... اذا بتعيش في كندا .... من مبتعث سابق

والله يالغالي ... ماجيب قبولات

بس بخدمك لوجه الله

ارسلي صوره جوازك واسم المعهد اللي تبيه

خليني اشوف وش اقدر اسوي

واجابت سوال المكافئه رديت عليك في نفس الموضوع

تحياتي لك

يعافيك حبيب قلبي

مشكور على المعلومات الغير مفيدة ومالها دخل بالدراسة .
وحنا ندري ان كندا للبريطانيين من ايام جدي طليحان ...

اللي يقهر ان يجيك واحد ويهايط على راسك ويكتب كلمتين ويتركنا نتسائل ونتسائل طيب لو قلنا بنعذرك مبتعث تدرس واختبارات وضغط .. ياخي اللازم انك وانت تكتب الموضوع لا تعم المدن الكندية كلها كمثال اكتب عن مدينتك وش جامعتها والتخصصات اللي فيها والموضوع المهم جدا جدا (( المعهد )) هل كويس والا لا واذا ماهو كويس وش نصايحك .. انت مجرب وبتنصحنا خل كلامك بصفحة وحده لاتشغل نفسك واذا كان عندك وقت بين يوم ويوم رد على اخوانك وبتحصل لك دعوة صااادقة وماحلاها من دعوة ..

وان كان قصدك بتجمعنا على صفحتك بالفيس بوك .. معصصييي ... انا مجرب صفحاتكم ... مافيه شي مفيد تعليييييييييميا .. كل الدعوة سياحة بسياحة ... انا ابدرررس ياهوووه وينط واحد ويسوي لي لايك لاااا ويقول شوف منتدى مبتعث خخخخ ...

بصراحة المصداقية عند بععععض اخواننا العرب معدومة الله يهديكم ويوفقكم وحنا معاكم يااااارب ...


ملاحظة اخيرة :

ترا حتى منتدانا العزيز مبتعث موين حساب تويتر وفيس بوك لكن بدون متابعة وبدون فائدة تذكر والسبق الصحفي واخبار الابتعاث متاااخرة جدا جدا .. اتمنى توصل رسالتي

بالتوفيق للجميع
وبارك الله في كل من ساعد ونصح

طبعا الدخول لاختبار المقاعد بعد دراسة بكالريوس تأهيلي 3 سنوات او 4

طيب اللي دارس بكالريوس كيمياء حيويه له فرصه يدرس طب

<<<< للمعلوميه الاجابه حتفيد خريجة جامعيه اللي هي انا والاجابه الثانيه بتفيد خريجة ثانوية مستقبلا

ايوا الله هالعجيز ياحليلها بس




تركت انجلترا لورعانها وماسكه كندا

قل خيراً او أصمت
سبحان الله حتى كلمة الشكر ماتعرف تطلع منكم

اذا مو عاجبك موضوعه محد ضربك على يدك وقالك رد عليه

اسهل شي صاير هو الدخول بالنيه لاحول ولا قوة الا بالله
يابعدنا عن أخلاق الاسلام واخلاق الرسول صلى الله عليم وسلم
الله المستعان بس

منكم ؟؟؟؟ ... ليش حنا عيال البطة السوداء يعني ؟؟؟

الله يصلحتس بس ... ليش ماارد وليش اسكت انا موضوع كندا يهمني لان احتمال اروح لها فحبيت انبه الاخ ..

الصمت انهزام وانا ودي انفع اخواني اللي يتسائلون ..
المقصود من كلامي ان مافيه اي فايدة من المواضيع الاعلانية هذي ....

وبما انك ماشاء الله عليك سكتيني روحي وادخلي منتدى ايرلندا وادخلي منتدى كندا وادخلي منتدى الدول الاوروبية عموما كلها اعلانات سفر وسياحة مافيه اي فائدة تذكر الا ماندر من اخوان اجتهدوا بمواضيعهم ..

وسالفة الاخلاق الاسلامية هي المسار اللي انا اتبعه ولا احد يعلمني فيها سواءا انتي ولا غيرك ...

ردي للفائدة عشان اخواننا المبتعثين يساعدوننا بمعلومات فقط .. القبول ومالقبول اذا ماجاء من الدولة تجيبه الفلوس ...

ياليت انتي تحترمي رأيي والمقصود من كلامي قبل تهاجمين اخلاقي ... عموما مسامحك رغم انك طلعتيني عن الملة ...


شكرا اخوي على الموضوع وماقصرت لكن الحرص واجب لان امور السياحة ماتهم اذا كان التخصص المطلوب غير موجود او الجامعة متكدسة او الدراسة بالمعهد مش كويسة ... هذا المهم ..

ادري كلامي قاسي شوي.. تحملني وانا اخوك انا مااتقصدت شخصك لانك على عيني وراسي انا اواجهك بطرحك فقط ..

حبيب قلبي ... مشاركاتك مشالله اكثر من مشاركاتي ،،،، وشكلك تتفلسف كثير

ثاني مره قبل لاتتفلسف ،،،، ادخل ملف العضو

ادخل مواضيع العضووو


بعدين تعال تفلسف علي كيفك


وعشان اوفر عليك وقت ....
http://www.mbt3th.us/vb/forum149/thread316702.html


ويليت ترجع هنا حبيبي وتقولي وش رايك


بعدين الصفحه اللي موب عاجبتك عالفيس بوك ... ساعدت فيها كثير ومنهم من ساكن معاي في نفس العماره

لاني مارضيت اخواني وخواتي المبتعثين يتبهذلون مثل ماتبهذلت انا وهلي لما وصلت

والحمد لله ... اسوي هالشي لوجه الله ... والناس اللي تفهم ،،، مستفيده


والله لايوفقك على سوء الظن ...

ادعيها والله من كل قلبي

لاني معطي وقت للمنتدى والمواضيع اللي احطها وارد عليها

وهالموضوع حطيته لمتابعين مواضيعي للترفيه عنهم واعطائهم فكره عامه
التهيئه النفسيه باسلوب ترفيهي ...

اهم احيانا من المواضيع اللي انت تتكلم عنها

اخوك عبدالرحمن بن خالد الدوسري

الف شكر لك علي مرورك

لا لا لا


رحتي بعيد والله


من قال تاهيلي وخرابيط ...

لا تدخلين البكالوريوس بس

وانا الان مقدم لوحده من زميلاتي في الرياض

علي ماجستير ،،، وانشاء الله الموضوع مو صعب لهالدرجه

وهو في الاول والاخير توفيق من رب العالمين


لاخت اللي تبي طب بعد البكالوريوس

اذبحها انا مثلا

والله حرام ... تاخذ ماجستير اداره وترجع مسؤله في افضل مختبرات الرياض ... وتستلم دبل اللي يستلمه الطبيب

ودوامها ارحم


اسئلي مجرب .... اذا هي تبي ترتاح خليها تكمل في نفس مجالها

والله يكتبلكم التوفيق