ماكل مايتمناه المرء يجده..تجري الرياح بما لاتشتهي السفن..!!!

الله يعوضك خير لعلها خيره
بس نصيحه ارجعي استخيري وادعي في كل وقت اذا كانت خير يسهلها لك واذا شر يصرفها عنك وبدون ماتقولين لزوجك وثقي اذا الله كاتب لك تروحين لو يرفض العالم كله راح تروحين واذا موكاتب لك تروحين ما راح تروحين حتى لو قد وصلتي المطار
الله يختار لنا ولك اللي فيه الخير
وبالتوفيق حبيبتي

كلام ريم جميل جدا ... لكن انت واياه تحاورو بعد بعد كم يوم حول الموضوع ! لأن ممكن واحد حاول يغير رأيه .. ابحثوا مع بعض المصالح والمفاسد لأسرتكم سويا بعيدا عن آراء الاخرين .. وشوفو وش الله يدلكم عليييه والله يختار لكم الصالح

الله يعوضك ي رب وييسر لك أمرك
مثل ماقالوا الاخوان يمكن يغير رايه واذا ماغير ان شاء الله يكون خير لك
أنآ وضعي نفس اختي غدير الشمال مو ضاممنه اهلي مع ان الوالد كان موافق مبديئآ
الله يكون بعونك و يوفقنآ

لعلها خيره لك وله
زي ماقالوا الاخوان والاخوات
حوليها بعثة داخلية
او راسلي الوزارة وانك ماتقدرين هالسنة وهل فية مشلكة الغائها والتقديم لبعثة السنة الجاية يمكن يوافق زوجك

مرحبا اختي اميرة زوجها .....اسأل الله العظيم ان يعوضك خير ويسخر لك زوجك ...
وإن شاء الله اذا كان في البعثة خير تتسهل لك ..... يالغلا انا مثل مشكلتك تقريبا اهلي رفضوا البعثه بعد ماتم الترشيح حتى اني الى الان ما عملت اي اجراءات استنى الفرج من رب العالمين خاصة انو المرافق حصلت له ظروف وماراح يقدر يسافر معي هذي الفترة .... المهم يالغالية ماودي اطول عليك :
انا كنت عامله حساب الظروف ولما كنت في التدقيق سألت المشرفات عن الغاء البعثة ؟؟؟؟ فقالت لي اذا ماقدرتي تسافرين تجين اول يوم في الملتقى وتقدمي اعتذار عن البعثة وتقدري تقدمي السنوات الجايه هذا كلامها لي ...... وان شاء الله اني قدرت افيدك ..لكن بالنسبه للتأجيل ماعندي اي معلومات عنه لأني انا بودي اعرف اقصى مده للتأجيل كم ؟؟؟ والله يسهل امورك واموري وامور كل المبتعثين والمبتعثات ...... دعواتكم لي ..

أنتــــــــم السابقووون ونحن اللاحقووون

أستغفر الله لا والله عندي أمل ومتفااائله
صحيح اني على شفى حفررة لكن ربك اذا اراد شيئا قال له كن فيكوون
ان شاء الله يغير رأيه وترووحين

لاحول ولا قوة الا بالله .. الله يكتب لك الخير وين ما كان ويرضيك فيه ..

والله ييسرها من عنده واللي كاتبه ربي يصير رفعت الأقلام وجفت الصحف ..

الله يجــــــزاكم الف خيـــر علــى دعمكـــم النفســـي لي..حاولــت وحــاولت ولكــن لاجــدوى خصوصا ان الاهــل لايرغبون بسفري وأيدووه على رفض بعثتي .. والخيره فيما اختاره اللـــه.. والحمدلله على كـــل حـــال.. والخيره فيما اختاره اللـــه..أسأل الله ان ييســر أموركــــم ويسخـــر للبنـــــوتات مرافقينهـــــم..ويكتــــب لكــم مافيه الخيـــر..

لدي بس استفسار بسيييييط ماهي الطريقة لالغاء البعثة ..؟ ومارايكم ماهو العذر المقنع الذي استطيع من خلاله اقناعهم بالغاء البعثة والسماح لي بالفرصة السنوات القادمة ..؟ شاكرة لكم تعاونكم....

الله يعوضك خير يارب حاولي تقنعيه واستغفري وادعي والله يكتبلك الخير دايما

ياعمري خليك متفائله وحاولي تستغفري كثير وعلى فكرة ترى انا نفس الوضع بس حكمل للنهاية يمكن يتغير شيء محد يدري وان شاءالله انها تنفرج علينا..