الي مافيه خير لا يدخل ... رجاءً

تسجيل حضور

اسال الله ان يوفقك ويرزقك الشخص اللي على ايديه تنقضى حوائجك كلها

هههههه وش دخل تراك انسان متزوج يعني عاقل وتقدر تعتمد على نفسك زيك زينا دور بالمنتدى لين ترسى علي منطقه نصيحه لك بس حاول تعتمد علي نفسكاخر شي ما بطلع بدون ما افيدك وبعتبرها كاني بافيد اخوي انا انصحك بمدينة جاكسونفيل بفلوريدا مدينه حلوه وهاديه وامن ومعهد تابع لجامعه واسعارها مره حلوه انا حاطه اختيار ثاني لي بس الي ماخلاني احطه اختيار اول ان الترم القادم بالمعهد يبدأ شهر

مدري وش اقولك بصرآحة !
لكن 100% اتفق مع الأخ بتوحشني،
وصدقني إن رده عليك مآ حَ يكون اقسى من الأيآم اللي حَ تشوفهآ ب غربتك
لو رحت وانت حآط في بآلك إنك مآ تقدر تفيد نفسك بدون مسآعدة غيرك !
ودي اسآعدك .. لكن المشكلة انو اختيآر الولآية والمدينة والمعهد والجآمعة
عمره مآ كآن وجبة من مطعم ب حيث تقول ابغى كذآ ومآ ابغى كذآ وبعدهآ تلقى طلبك قدآمك !
وإذآ مآ تعبت و لآ دورت و لآ قآرنت مآ حَ تقدر تآصل للخيآر اللي ينآسبك ..

لكن شوف؛ إذآ رآيح وهمك درآستك، ف لآ تفكر ب طريقة سيآحية !
قصدي ابحث عن افضل المعآهد اللي ممكن تفيدك وتطور لغتك وتسآعدك بآلتقديم عَ الجآمعآت،
وبناءً عَ اختيآرك للمعهد حَ تتحدد معك الولآية والمدينة، بينمآ إذآ رآيح وتعتقد إن طبيعة المكآن واجوآءه
هي اللي تفتح نفسيتك للدآرسة، فَ ابحث عن الأمآكن اللي ممكن إنهآ تحسسك بذآ الإحسآس وبعدهآ
دور عَ المعآهد اللي تنآسبك، وإذآ يهمك الوضع المآلي؛ فَ ابحث عن ارخص مدينة ب ارخص ولآية
وإرضى ب مستوى المعآهد اللي فيهآ .. يعني ب اختصآر : [ الجنة مش في امريكآ : ) ]

واتمنى إنك لآحظت حآجة مهمة، وهي انو ل كل وآحد تفضيلآت معينة،
و كل اللي حَ يقترحون عليك حَ تكون اقترآحآتهم مبنية عَ تفضيلآتهم الشخصية،
فَ انتبه في اختيآرك، عشآن لا تندم وتقول ليتني مآ سمعت نصيحة فلآن او ليتني مآ مشيت عَ شوره !


ربي يوفقك؛

fofitta << اخوي

قريت عن اريزونا

يقولون يوصل البرد الى 2 تحت الصفر

لان مافيه الا مدينه وحده وهي flagstaff



حاطينها في الجدول المرفق من الوزاره

اخوي الافضل تحدد اول شي الولاية اللي تبيها ونصيحتي انك تشوف لك ولايتين على الاقل وتقرا في مميزاتها وبعدها تبحث عن معاهد قويه فيها وتكون تابعه لجامعه


موضوع العشوائيه بيتعبك صدقني


وبالنسبة لفلوريدا ما انصح فيها لان فيها تكدس غير معقول

واذا انت من النوع اللي ما تحب البرد نصيحتي شوف لك من الولايات الجنوبية مثل تكساس او اركانسس او غيرها من الولايات الدافئة واختر كم ولاية وبعدها انطلق على بركة الله في البحث عن معهد مناسب لكم



لو انت تحب الولايات الباردة والثلج خبرني عشان اشوف لك معاهد تناسبكم



دعواتك يا بطل

السلام عليكم
يسعد مساااكم
الاخ ابراهيم انا افضل انك تبحث بنفس لان هالشي بيفدك وانت تقرا
راح تكون عندك خلفيه عن امريكا
ثانيه انا من خلال بحثي لقيت ان ولايات الشمال دايم ارخص
وفيها جامعات كويس
انا عن نفسي اخترت اوهايو كل شي فيها حلو الا شي انها بارده مره
وبالنسبه لي هذي شي اقدر اتعامل
ابحث عن الولايات بشكل وحدد لك ولايه وعقبها راح يتقلص عندك البحث
ابحث عن افضل الجامعات
وبعدها المعاهد
وغاليا المعاهد التابعه للجامعات تكون كويس والقبول في الجامعه شبه مضمون
واذا في اشي سؤال او شي اقدر اساعد فيه ياريت ترسل ع الخاص لاني بصراحه انسى مشاركاتي

السلام عليكم ورحمة الله وبركاته ...

اخوي ابراهيم اسعد الله مسائك بكل خير .. وان شاء الله الجميع كلهم فيهم الخير والبركه وكل اعضاء المنتدى فيهم الخير والبركه ولو اني غير مؤيد لعنوان موضوع الله يصلحك ويهديك ..

ثاني شئ .. اللي انت طلبته وتقول فيه انك ( غشيم ) كرمك الله .. وانت ارفع من ان يقال لك ذلك .. يا اخي العزيز ،، خطوات بسيطه سهله ميسره ما عليك الا نفس تريد انها تتعلم ونفس تبااادر ..

اول شئ اللي انت طلبته في موضوع امر بسيييييط الى ابعد درجه ..

1ـ تفتح موقع الوزاره وتفتح على ابتعاث الملك عبدالله .. وتفتتح على معاهد دوله امريكا ( او من خلال رابط الايميل اللي جاك ) ..

2ـ تختار المدينه والولايه اللي انت تبي تروح لها ( وطريقتها وحلها الوحيد انك تقرآ في ملتقى امريكا وتقرا وتقرا وتقرا عن الولايات من حيث الامان والجو والغلا وكل شئ ) .. واذا اعجبتك ولايه او مدينه معينه ..

3ـ تروح لملف المعاااهد .. وتختاااار اي معهد في الملف في المدينه اللي انت اخترتهاااا .. ( لان باذن الله كل المعاهد اللي محطوطه باذن الله انها طيبه ) ..

4ـ كل اللي عليك بعدها تروح تفتح رساله في الايميل وتنسخ اسم المعهد وااسم الدوله والمدينه والولايه ورقم بطاقه الاحوال ورقم الطلب ورقم الترشيح ونوع الترشيح ماستروالا دكتوراه والتخصص

وتنتظر بعدها رساله من الوزاره ... ( كل هذا يا اخ ابراهيم ما اعتقد انه معقد او صعب او شئ عظيم )

والله الموفق

طيب دامك ماتبي البرد
شوف معاهد ولاية تكساس
أكثر المعاهد الي مدرجه بالجدول