إجازة دراسية هل سيتم قبولي في برنامج الابتعاااث اتمنى ما تبخلون بالرد

ياليت احد المشرفين او الاخوة والاخوات المبتعثين المساهمة بالرد

أو على الاقل اخباري عن اي شخص يقدر يفيدني بالموضوع

هل أنت مرافق أو على حسابك الخاص؟
كم مدة الأجازة ؟
هل لديك للغة أو ناوي تدرس سنة اللغة؟
هل أنت معلم أو موظف على المراتب ؟
كم مدة اللإجازة الي أخذتها ؟ وأشرحلي معنى مفتوحة يعني قالولك روح وحنا بنغطي عليك ولا إجازة نظامية وإذا كانت نظامية هل هي دراسية أو أستثنائية وإذا كانت دراسية هل هي براتب أو بنصف راتب أو بدون راتب ؟
جاوبلي على هذه الإسئلة وأبشر بسعدك

الله يسعدك اخوي محمد
اولا انا مدرس حاسب آلي ومعدلي بالبكالوريس 2.99 من 5
ثانياً الإجازة بإذن الله راح تكون دراسية ومن دون راتب ؟!
وفي حالة عدم قبول الاجازة الدراسية ، راح اطلع بإذن الله الاجازة الاستثنائية ولمدة سنة وقابلة للتمديد.
ثالثاً: بالنسبة للغة متوسطة.
ولكن الإشكالية عندي

بعد ما اطلع وادرس على حسابي الشخصي هل سيتم قبولي في برنامج الابتعاث أو لا ؟ ((( القبول بإذن الله سهل ))) ولكن واحد من الزملاء يقول يمكن قبل ما يضمونك للابتعاث يطلع اسمك في الخدمة المدنية ويلغون عليك الابتعاث؟!

فهل أحد جرب طريقة الاجازة الاستثنائية او الدراسية وانضم الى الابتعاث؟!

الله يوفقك اخوي محمد ويوفقك الجميع

واتمنىى الرد باقرب وقت حتى اقدر انهي اوراقي قبل الصيف بإذن الله.

أنا مثلك معلم حاسب آلي بس أنا طالع مرافق وبحاول أدبر إجازة دراسية والشروط كلها منطبقة علي وأهم شرط حدمة ثلاث سنوات
بالنسبة للألحاقك بالبعثة أيه يشملك القرار ونص وبعطيك الدليل في الأخير بس الآن بعطيك خارطة الطريق للحصول على إجازة دراسية
1- جيب قبول مصدق من الملحقية السعودية في البلد الي أنت بتدرس فيه
2- رح للتدريب والأبتعاث عندكم في الإدرة وخلص كل شي من عندهم وبعد توقيعها من مدير التعليم راح يرفعونها إلى الإدرة العامة للتطوير الإداري وراح ترجع في ظرف أسبوعين أنشا الله بالموافقة
3-أول ماتجي البلد الي بتدرس فيه الملحقية راح تسويلك طلب إلحاق يعني بعد ماتخلص 30 ساعة في المعهد يضمونك على طول ويمكن قبل
4- لاتنسى أن تخصصك حاسب يعني من التخصصات الي منطبق عليها الشروط في الأنظمام
في البداية قلتلك راح أعطيك الدليل في الأخير هذا معلم تخصصه للغويات وعلى الرغم من أن تخصصه ليس من التخصصات المطلوبة في ضم المبتعثين إلا أنهم ضموه
المعلم عضو في ملتقى المعلمين حاول تتواصل معاه وخذ منه كل شي خصوصاً أنه راعي تجربه بس لاتنسى تعطيني المعلومات بعد ماتخذها منه وهذا الرابط ابشركم صدر قرار ضمي للبعثة - ملتقى المعلمين والمعلمات في المملكة العربية السعودية

الله يبشرك بالخير... وعلى البركة القبول والله يسهل امورك.

معليش حاب اتأكد: يعني انا إذا اخذت اجازة استثنائية وطلعت ادرس راح انضم للبعثه.

ما راح يتم رفضي لاني ما زلت موظف.!!!!!

الشيء الثاني وش رااايك بالدولة الي ادرس فيها:

فانكوفر - كندا.
اوريغون - امريكا.

ولك تحياتي يالغالي واشكرك على تواصلك وتعاونك