قررت الغاء بعثتي : شوري علي

اذا تي مضطره ليه تشاورينا ؟؟؟
كلن وظرفه

سلام عليكم
اول شي البرنامج بقي عليه 3 سنوات وينتهي

ثاني مادري وشو السبب في الغاء البعثه لا كن اظن انه في حل بديل وهو تأجيلها اتمنى يفيدك

تقدري تأجلي البعثة م اعندك مشكلة ابدا

البرنامج باقي له 3 سنوات ويكمل 10 سنوات مكرمة ملكية

وسمعنا انه فيه زيادة 5 سنوات بس ما ندري صحيحة او لا

مدة البرنامج خمس سنوات ومددت الى عشر!
لهذا من المتوقع ان المرحلة العاشرة هي مسك الختام!!
وفقك الله الى ما فيه الخير والسلام ختام!!!

حاولي انك تأجلينه ماتدري وش الله كاتب لك من هنا لبعدين يمكن تتغير ظروفك وبعدين انا سمعت انو هذي اخر مرحله مدري هو خبر صحيح ولا لاء بس انتي حولي تأجلينها شوي لين ماتتحسن ظروفك
ولله كلنا عند ظروف الله اعلم فيها خصوصا المبتعثات الي مو متزوجات يلاقون صعوبه اكثر فلا تيأسي عندك انا اواجه ظروف حاليا ويكمن ماقدر احضر الملتقى الاسبوع الجاي بس ماراح اتنازل عن طموحي الحمدلله وبحاول
اختي انصحك بقيام الليل والدعاء وكثر الاستغفار
بتغير ظروفك ان شاء الله

ان شاء الله يمددونه بعد اكثر عشان اكمل ماجستير :P

الافضل انك تأجلين لين تعدي ظروفك عشان ما تندمي بعدين تكون قيد الانتظار والله يفرجها عليك وعليناا ياااااااااااااااااااارب

شكرا لكل من رد علي موضوعي
وراح اقول لكم قصتي بالتفصيل

لان انا جاني قبول ماجستير هنا

واهلي تخلوا عني
وش يقلون ؟؟
دام انقبلتي هنا خلاص مالك حجة تروحين بعثة

خلاص تروحين بعثة دكتوراه
وش اسوي؟؟

يمكن ينتهي برنامج الابتعاث قبل ما اخلص الماجستير
ــــــــــــــــــــــــــــــــــــــــــــــــــ ـــــــــــــــــــ

مدري وش صار للاهل
صاروا يتثاقلون من اولادهم ولا وش ؟
طيب هذا حلمي
ــــــــــــــــــــــــــــــــــــــــــــــــــ ــ

ويقول لي ترى بعدين تندمين القبول في الدراسات العليا في السعودية مو سهل
مو عارفة ايش اسوي
واحيان اقول يمكن هذه حجة من ابوي عشان ما يبغاني اروح
مدري بس احس انه راسي راح ينفجر
ــــــــــــــــــــــــــــــــــــــــــــــــــ ــــــــــــــــــــــ

شوري علي تكفون

وتضمنين اذا رحتي التوفيق والنجاح .. تخلصين اللغه وتلاقين قبول جامعي وتمشين بالدراسه وتحصلين درجة الماجستير؟؟
الي بقوله بس وعسى ان تكرهوا شيئا وهو خيرا لكم
استخيري كثير ، والله يكتب لك الي فيه الخير
لكن لا تربطي حلمك بالحصول على الماجستير بالدراسه بالخارج .
الله يوفقك