أخيراً، هنا أمريكا..

أصلا لو رحتوا واشنطن (حسب ما أعرف من كلام الشباب) ما راح يخلونكم تروحون للملحقية، راح يستقبونكم و يودونكم للفندق و فيه موظف بس يساعدكم في التسجيل في البوابة و إكمال الأوراق، و كل الأشياء اللي قلتيها تقدرين تسوينها عن طريق البواية الإلكترونية في نفس المدينة اللي تبون تسكنون فيها..

زي ما قلت بعد ما تفتحين حساب بالبنك تدخلين على البوابة و ترفعين صورة الشيك الملغي (تستخدمه الملحقية للتأكد من معلومات حسابك فقط لا غير، لأن الحساب موجود فيه كامل معلومات الحساب اللي تحتاجها الملحقية)، بعدين الشهر اللي بعده راح ينزل لك مكافئة بعدد الأيام اللي وصلتي أمريكا فيها،، يعني لو وصلتي قبل موعد صرف المكافئة ب خمسة أيام راح تستلمين 5/30 من المكافئة يعني تقريباً 310 دولار،،

التعويضات الحين أنا جالس أحاول أرفعها و اللي أعرفه لازم ترفعين ثلاث مستندات.
1- الفاتورة (من المعهد، السفارة، الجامعة، أو ETS بالنسبة لل TOEFL, GRE, GMAT)
2- كشف حساب من البنك (مبين فيه المبلغ و الجهة)
3- بالنسبة للفيزا، لازم صورة من الفيزا، بالنسبة لل TOEFL لازم صورة من نتيجة الإختبار، بالنسبة لقبول الجامعة (أعتقد) لازم صورة من خطاب القبول أو الرفض..

الملحقية تعوض عن كل شي تقريباً ، بداية من الفيزا، إلى التقديم على الجامعات و إختبارات اللغة..

نصيحتي الشخصية أسبوع إلى أسبوعين بالكثير، لأنك غريب و ما بعد تعرفت على أحد، و ما تعرف شي بالديرة و خايف تروح فلوسك.. نصيحتي أسبوع كافي جداً تخلص كل الأوراق الضرورية و تشوف المدينة و تفرها فر، بنهاية الأسبوع راح تحس بالطفش و الملل و الحنين لبلدك (و هذا شي علمي معروف و يسمونه Homesick)، أحسن حل أنك تشغل نفسك بأسرع وقت، بمجرد ما تبدأ في الدراسة بالمعهد راح تتعرف على ناس كثير و راح تخش بجو الدراسة.. دراسة اللغة سهلة جداً، و أفضل شي فيها هي أنك تتعلمها بالممارسة، يعني كل ما فليتها أكثر، كل متا تعلمت أكثر.

يا هلا و غلا فيك أخوي..

أنا مبتعث في المرحلة السابعة لكن لأني خفت يفوت علي القبول بالجامعات اللي ببالي، طلعت على حسابي من بداية الشهر و دفعت قيمة التذاكر و رسوم المعهد وووو كل شي.. الوزارة رفضوا يطبعون لي قرار إبتعاث إلا قبل الملتقيات بشوي..


الشيك الملغي الهدف منه التأكد من دقة المعلومات، لأن فيه معلومات كثير عن حسابك ( Account No., Routing No. Bank Adress ) و لو غلطت في واحد منها ممكن تتأخر مكافئتك، فالملحقية تطلب منك صورة لأي شيك عندك لأنه يحتوي على كل معلومات حسابك، و يطلبون منك تكتب عليه ملغي لأنك راح تدخل بمشكلة لو أرسلته لهم و صرفته لمحل ثاني..

يعطيك ألف عافية أخوي،

بالنسبة للتعويض الطريقة هذي زي ما قلت هي الطريقة القديمة.. الوزارة أنشئت البوابة الإلكترونية قبل أشهر قليلة، و معظم الأشياء زي ما قلت تغيرت بعد البوابة الإلكترونية.. بإختصار: راح تقدر تسوي أي شي تقريباً من خلال البوابة، و أنا شخصياً ما أرسلت و لا إتصلت على الملحقية ولا مرة و خلصت كل أوراقي عن طريق البوابة الإلكترونية..

الآن الطريقة أسهل من أني أشرحها، تفتح البوابة و تروح للخدمات المالية و طلب تعويض: فيه نموذج إلكتروني تعبيه و يعطيك بالضبط الملفات المطلوب رفعها (طبعا يكون عندك سكان من الفواتير و كشوف الحسابات، ترفع الصور هذي على البوابة و يطلع عندك في الصفحة الرئيسية طلب و تقدر تشيك عليه و ين وصل و عند مين، و ممكن يقبلونه و يجيك رسالة على الإيميل طلب مقبول أو يرفضونه و يوضحون لك الأسباب (غالباً تكون ناقصة أوراق)، يطلبون منك تكمل الأوراق و يقبلون الطلب..

كلامك صحيح 100%


شكراً..

الله يعطيك العافيه ع الموضوع الرائع ..

استفسار بسيط
هذي اول مره نروح امريكا وسمعت انه لازم نمر واشنطن !! مو شرط عشان الملحقيه زي ما قلت لانها اول مره نروح امريكا ..~
فهل هالكلام صحيح ام لا ؟؟

يكون هذا الشي عادي لك بس بالنسبه للمحرم اعتقد فيها تعقيد شوي .صح ولا لا ؟
اقصد بخصوص انك ماتمر واشنطن

أنا نفس الحكاية أول مرة أجي أمريكا و ما مريت واشنطن،، ممكن فيه أشياء ما أعرف عنها، لكن اللي شفته أنه بالوضع الطبيعي أوراقك كلها تخلصها بدون ما تمر و لا تتصل و لا تراسل الملحقية..

أنا ما أدري وش مشكلة المحرم بالضبط؟!! فيه 100 ألف مبتعث سعودي في الخارج و كثير منهم جايين مرافقين مع أخواتهم أو زوجاتهم أو جايبين زوجاتهم مرافقات لهم، و موضوع المرافق شي روتيني بالنسبة للملحقية و ما أعتقد أبداً يحتاج تروح لهم..

اللي اقصده انه حيحتاج ضمان مالي بما انه بيطلع الضمان المالي لقبول المعهد على حسابه
وصلت الفكره ؟
يعني انا حستلم الضمان من هنا ،كيف هو ،
شي ثاني كيف الملحقيه معك
البوابه الألكترونيه ؟