محرمي :( يلعب باعصابي

لا شايه معاه وحاطه بشنطته لان هو بالشرقية (ارامكوا)

والله حتى انا شكله بيحرقه ( الله يستر بس

كلي حماس سجل في ارامكو ITC او CPC

استاذ\ خالد ليته يرد علي ....
يمكن لو انحرق ما فكر ... وع فكرة هو سجل في الابتعاث بس ما قبلوه .... عشان القدرات ..
ماني عارفة ايش اسوي معاه ؟؟؟؟

الله ييسر امورك ويكتبلك اللي فيه الخير

حاولي معه وقوليله انت اصريت انك تجي معي والحين يوم جت مصلحتك تتخلى عني

عفوا مافهمت ... كيف يعني ؟؟؟
هو لمن سجل قاله الموظف وقت التسجيل انصحك ترافق اختك ... لمن هو قاله انا مرافق ( ذا الكلام في شهر ذي القعدة)

الله يهديه و يقدم لكم اللي فيه الخير .. يارب

اذا هو ماانقبل في البعثة حقت ارامكو....او ماجاب درجاته كويسه في القدرات فاتوقع انو انقبل في برنامج ال itc.......اذا فعلا ..... فدراسته برا افضل بكثيييير لنه بيرجع معاه بكالوريوس .....اما لو راح ارامكو راح ياخذ دبلوم او مايعادل الدبلوم...........
اما لو كان مقبول على ال cpc فاتوقع مصلحته تهمك وهذي تعتبر مكسب له....لكن ارامكو ترسل برا للبكالوريوس...فتقدرين ترتبين مكان واحد لكم
كلكم

ابراهيم

مافي سأل الغوه برنامج الابتعاث ....
وزي ماقلت لك أستاذ\ ابراهيم الموظف قال له انصحك تروح مع اختك افضل....
طبعا تهمني مصلحته ولا ماكان اخذته معاي ... لكن هو يهمه مصلحتي

ااااااااااااه وااااااااخ وكلش، سالفة انانية بعض المحارم شي يفضخ القلب ويرفع الضغط ويفقع المرارة
حاولي تاجلين يمكن ماتمشي اموره فارامكو<< ادعي عليه نجاسة ، ماتدرين وش بيصير بعد 6او7شهور
الله يعييين بس، والحمدلله على كل حال

كلام اخوي ابراهيم عين العقل يا اخت كلي حماس مع انك ماعبرتيني في اول رد بس مو مهم
كتوضيح لكلام ابراهيم
انا ما اعتقد انه مسجل CPC من الاخير لان ارامكو وبالذات في هالبرنامج تطلب درجات عاليه اذا البعثات ماقبلوه يعني CPC مافي امل
بأختصار ياخي ارامكو وما ادراك ما ارامكو والله عمت قلوب المساكين
تغريهم بالمكافئات في بداية الامر (اللي هو وقت الدراسه) ومكافأتهم اول سنه 3000 والسنه الثانيه 3500 ريال
اول سنه ونص دراسه والنص سنه الباقيه تطبيق وبعد ماتخلص سنتين توقع على العقد ورواتبهم اساسي تبدأ علي ما اظن 5000 او عليها شوي غير البدلات
ولو فكرت انك تطلع من ارامكوا خيس لأنهم مايعطوك شهاده او يعطوك شهادة متدرب (كأنك خافي منتف)
مالكم بالطويله
CPC يدرس سنه ودراستها صعبه ونفس المكافأة 3000 شهرياً ومالك بالغياب كل ماغبت من غير عذر هات ياخصم من الراتب لين توصل حد معين ويمسكونك الباب
بعد ماتخلص السنه تروح تدرس بره وعلى حسب دوله الابتعاث، لما ترجع بالسلامة ومعاك شهادة الباكلريوس يمسكونك منصب على قريد 10 او 11 ماني متأكد وراتبك يصك اللي 12 الف بالراحه بس بعد ماتوقع عقد انك ماتطلع خمس سنوات. ومعاك كفيل. يعني ياذابح يامذبوح.
عاد اخوك اذا اهو من النوع اللي يحب الفلوس وعنده ربع بارامكو في نفس البرنامج اكيد قنعوه بهالكلام وخصوصاً انه المكافأة والله مغريه وتعمي الواحد وخصوصاً انه الواحد طالع من الثانويه وزي مانقول حنا على طريف يشم الفلوس بالارقام.
عمره 18 والدرب طويل قدامه
بس اذا تبي تنصحيه . عطيه هالكلام وانا اخوك
قولي له انت تبي تستلم 5000 بعد سنتين ولا تبي تستلم 12 الف بعد خمس سنوات
اكيد بيتردد في البداية لكن بيقول 12 الف
تبي تأخذ شهادة وانت تتنقل من شركه لشركه ولاتبي شركه تدرسك وتذلك علشان انها درستك وتلزمك بعقد كأنها ساجنتك
خلي عنك ارامكو وانا (لا اقصد اني اذم في ارامكو او غيرها من الشركات لكن الحق يقال) ، من وجهة نظري يطلع معاك
اعرف اكثر من 5 اشخاص في ارامكو خريجين ITC ياانهم والله ماكلين هوا وطايحين ذم وسب وكل يوم طالعين لنا بشغله جديده وكل هذا كوم والشفتات ووقت الشت دوون كوم ثاني.
وسلامتك اختي ان شاء الله هالكلام يفيدك