حوار مين زي يدخل(الضمان والمعهد)

انا زيك بالزبط وسألت الموظفه قالت لي استني الوزاره تتصل عليكي وهيا تقولك ايت معهد
بس ارسلت رساله للايميل الي كتبتيه يوم التلوت وحطيت كل بياناتي ماعدا الهويه ردولي الربوع الصبح
انو ارسليلنا الاسم ورقم الطلب والهويه ورقم الترشيح
رجعت رسلتهم في نفس الوقت وماجاني رد لدحيين
وبس

توي بانزل موضوع لكن لقيت موضوعك

انا مثلك بالزبط

مو عارفه اي معهد

في الملتقى وزعوا استمارات وحطيت انا االدوله والمدينه

وحطيت اكثر من معهد

ورسلت للوزارة اي معهد انقبلت قال الى اعتمد في الملتقى ؟؟؟؟؟؟؟؟؟

عجيب في الملتقى ما فيه

المهم ننتظر وقوولوا لنا ياجماعة

انا مثلك ارسلت لهم من يوم الثلاثاء ولا رد ولاشي

الحمدلله طمنتوني عبالي انا لوحدي لانه مافي مواضيع بخصوص دا الموضوع اذا جاكم اي رد قولولي وانا كمان اذا جاني شي راح اقولكم وشكرا

انا كمان سلمتهم استمارة المعاهد والى الآن ما وصلني اي شي ..

بنات انا وحده من صحباتي نفس وضعكم سجلت اكتر من معهد وماعرفت ع اي واحد حطوها ف ارسلت بيناتها ع نفس الايميل يلي ادوكم هوه واتصلو عليها وقالولها هي ف اي معهد ......

ف انتظرو انشاالله يردو عليكم .....

طيب ليش من الأساس مايكتبون بالايميل تبع الضمان اي معهد اختاروه لنا بدل التعب هذا .. انا نفسكم بالضبط في الملتقى عبيت الورقة تبع الضمان المالي وقالت لي مسؤولة الضمان المالي انه يفضل تكتبين اكثر من معهد مرتبه حسب الرغبة على اساس اذا الأول فيه تكدس احط لك اللي بعده .. وجاني الضمان لكن مادري اي معهد .. وارسلت لهم على الإيميل اللي قلتوه ويارب يجيني رد سريع عشان اقدم واطلع الفيزا واعرف اضبط وضعي كويس .. بس ياليت اللي ردوا عليها تقول لنا هنا عشان احس بشوية امل ..

أنا نفس الحاله والسبت إن شاء الله بروح للوزاره وبسألهم وبشوف لأنهم ماردوا علي على الإيميل

طيب احد يقدر يفيدنا كيف نوصل للوزارة يعني رقم تلفون بس يردوا عليه اي شي واذا بتروحي يا كلي ثقة بربي علمينا ايش يصير معاكي لاتنسينا وان شالله تلاقي احد يفيدك مو يقولولك كل الموظفين في الملتقى في الشرقية لانهم راح يبداو السبت اللين الاثنين واحنا طبعا لنا الله شكله اللين مايردوا ونحجز موعد الفيزا راح يقولولنا بعد اجازة راس السنه عالعموم الله يكون في عوننا جميعا ويسهل كل امورنا ويكتبلنا الخير في كل شي لي ولكم يارب