تطور حزين بشأن معهد ALP@OSU ... الضمان المالي مرفوض

قسم بالله هل الوزاره بتعقدنا

السالفة بسيطة وماتحتاج هالحوسة والروحة والرجعة ، بدل ماتنتظروا احد من الملحقية او الوزارة يتعطف عليكم ويعدل الضمان ، انتوا اختصروا ع انفسكم الوقت وطلعوا شهادة بنكية بمبلغ ١٠٠٠٠ دولار تغطي قيمة كوارتر واحد . لما تطلعوا امريكا استلموا الضمان المالي من الملحقية وعطوه المعهد وانتهينا !!!

انا عارف اسلوب موظفين الوزارة وكمان الملحقية فاختصروا ع انفسكم الوقت وخلصوا اموركم بنفسكم !!

انا عندي شهاده وفيها مبلغ يغطي لي ولزوجي وهي اللي مقدم بها زوجي وانا المعهد خاطبوني عشان يحولوا ضماني عليهاا

بس علا كذا او حسب ماسمعت الاي تونتي يكون مكتوب فيه انو الضمان شخصي فكيف في مقابله السفاره ينفع اقدم لهم خطاب الوزاره كضمان مالي لي وقبولي بشهاده بنكيه ولا لازم اللي عليه القبول يكون هو ضمان السفاره؟؟
لان حسب ماسمعت السفاره تطلب

السلام عليكم جميعاااا..

اولا للفائدة امس كلمت المعهد وردت المنسقه وسالتها ايش سار على القبول فردت لي انوو جميع السعوديين واللي معاهم ضمانات مصدره من الوزاره غيرر مقبوله طبعا زي مانتو عارفين بسبب كلمه مرشح وسالتها ايش الصيغه او الكلمه المطلوبه بالضبط عشان يعترفوو بالضمان المالي قالت لازم تكتب الوزاره تثبت ان الطالب يستحق البعثه وليس فقط مرشح
ورحت الصبح اليوم للوزاره وبالضبط للدكتور ماجد الحربي المسؤل عن الضمانات وشرحت له الوضع والحمدلله تفهم وغير لي الضمان المالي وتم اصداره وتوجيهه باسم المعهد والجامعه

يكون افضل لو كل واحد مننا ارسل عشان تتدخل الملحقيه في اسرع وقت ممكن وتشوف لها حل مع المعهد طبعا مع ارفاق جميع المتطلبات زي الجواز وصورة الضمان وارفاق الترانس كربت والشهاده وتعبئة نموذج الملحقيه

طيب بايش ردوا عليك الملحقيه ؟؟
لان انا بلغوني انهم حيتفاهموا مع المعهد
الضمان اللي جاني من الملحقيه مو زي تبعك بس رفضوا المعهد

الملحقيه لسى ماردت بس حولوني الى المسؤل عن ولاية اوهايو واناا انتضرر ردهم واذا مارد اليوم بكره راح ارسل تذكيرر لهم

ان شاء الله
وبلغنا ايش يصير مع المعهد ذا ومع الملحقيه كمان

للاسف رد المعهد ويقول مكتب القبول عندنا برضوو رفض الضمان المالي الثاني مع انو بالصيغه اللي يبغوها لاكن المشكله انو بتواريخ ابتداء وانتهاء وبناءا على ذلك ماتقدر تصدر بطاقة ال I-20 لان التاريخ المحدد ينتهي في شهر 3 وهو وقت بداية فصل الربيع اللي نبغاه يعني كانك يابو زيد ماغزيت تقولي روح غيره مره ثانيه وجيب واحد بدون تواريخ عشان نعطيك البطاقه

عموما المعهد هذا احس انه غير متعاطف مع الطلاب السعوديون لذلك لو نشوف لنا معهد ثاني احسن شوو رايكم >>>>>وياليل مطولك ولف ودوران ومعهد وتكدس وضمان جديد وحوسه
ويمقن نحصل ويمقن لا

لالالالا ماعليكم انا راح اتواصل معاهم واوريهم شغلهم وجايك جايك ياكولومبوس ويابوبي ان شاءالله لو ادق سلف بسيارتي >>ooooo:/

انا سالت احد الموظفين المختصين باصدار الضمانات بان عددنا اكثر من 30 سعودي (شباب وصبايا)
لذلك اسمحولي جميعاا الطلاب المبتعثين لهذا المعهد اني ارسلت خطابات بالسالفه هذي كلها للمحلقيه بامريكا وبرضو للوزارة واتكلمت باسمنا جميعاا طلاب المعهد انهم يشوفولنا حل في اقرب وقت ممكن وبكره ان شاءالله حرجع للوزاره وتيتي تيتي ويتدخلو ويحلو القضيه البايخه هذي ولا اذا كل واحد راح يجيب ضمان بنكي اجل وش فايدة الابتعاث وليش احنا مبتعثين ؟؟؟؟؟؟

دعواتكم ان الله يسهل امورنااا ويوفقنا لما يحبه ويرضااه

لا حول ولا قوة إلا بالله. من الموظف الذي أصدر لك هذا الضمان المالي. الصيغة فيها خطأ قواعدي بدائي فادح. والمشكلة الدكتور الحربي موقع عليه .!.! حسبنا الله ونعم الوكيل.

يارجل لاتدقق مشي حالك اهم شي انه مشي هنا وهناك وخل القبول يجي بعدين نتفاهم