اللي وصلو قبول من columbia school of enghlish in portland يدخل

هل جيمس عندو ايميل؟؟؟؟؟؟؟؟

مساكم الله بالخير
هاه وش صار عليكم؟؟؟
اقتراح للي الحين اندرو ما ارسل له I-20 موقع
خذ موعد للسفارة ووعبء النماذج وتوكل على الله وروح السفارة
خلوكم زيي رحت ادربيها ومشت اموري خخخخخخخخخخخخخخ
بس اهم شي ايصال السيفيز
اتوقع بيقولون لكم زيي
جب ايصال السيفيس والايتونتي موقع وارسلهم لنا مع الجوازات فيديكس

ياهلا اخت احس
الفندق ابغاه مؤقت لين اشوف الشقق المناسبه
يعطيك العافيه ماقصرتي

مساء النور.. اخوي نايف
يعني اخذموعد على قولتك لاني باقي ماسويت شي

طيب بشر وصلك الايتوني والا باقي..؟

اخوي تركي المطيري انا حجزت فندقي عن طريق موقع boking تقريبا حصلت هالموقع انسب الاسعار فيه اكتب اسم الدوله والولايه ويطلع لك كل شي بس عندي لك نصيحه اذ حجزت فندق خذه ليله وحده واذ رحت هناك وودك تمدد مدد لانو يمكن الوضع مايعجبك فيها ونفس الشي للشقه الي بتاخذها ادفع لشهر بس يعني كل شهر بشهره اذ طلبو منك لسته شهور قول لهم لا ابغاه كل شهر بشهره علشان اذ حبيت تغير شقتك كثير دفعو لسته شهور وتوهقو لانهم ماعطوهم باقي مبلغ الشهور الي دفعوها وراحت عليهم ---انشاء الله تكون فهمت علي

في ناس موعد دراستهم في المعهد في تاريخ 26 /3 في مارس
وفي ناس وانا منهم -- في تاريخ 2 / 4 يعني شهر ابريل بس الفارق تقريبا ااسبوع بين التاريخين

يعني يادوبكم تطلعون الفيزا الان والي ماوصل له الااي توني الا صوره عادي تطلع فيزته بدون الاصل بس لازم السيفس اكيد فهمتو علي
ولازم نكون كلنا هناك اقصد ببورتلاند على تاريخ 15 // 3 شهر ثلاثه مارس اقصى شي فلكل يرتب اموره من الان

ماقصرتي ويعطيك الف عافيه ..تصفحة الموقع جدا مريح وسهل في الحجز وفعلا اسعاره مناسبه , برايك ايش افضل فندق وقريب من المعهد وياليت كمان يستقبلني في المطار
اما من ناحية الشقق قرأت اغلب الشقق اجار سنوي والا ستة شهور مالقيت شهري هو اكييد افضل فرضاً لو مااعجبك المعهد بنتوهق وندفع غرامه .

بالنسبه لي المناطق القريبه من المعهد على حسب الخريطه الي وضعها المعهد انا اقرب منطقتين للمعهد هما منطقه هابي فالي ----وفيها فنادق كثيره بس الاكثريه نجمتين وثلاث
ثاني منطقه جارشم --- وكلاكاماس وفيها فندق ماريوت اربع نجوم وفي فندق ارمادا مبين عندي في الخريطه انه تقريبا على نفس شارع المعهد
وبالنسبه للفنادق ترى موقع بوكينج في فنادق كثير قريبه من المطار تحتار بصراحه وش تختار انا عن نفسي باخذ لي سكن بوسط المدينه علشان اشوف لي شقه لاايجار الشهري ---- كان ودي احط لك فنادق معينه بااسمائها بس بصراحه الخيارات كثيره والاذواق تختلف وكمانا الميزانيه تختلف سهل الله اموركم

صبأأح الخير

بمآ آنه مآ رد علي آندرو .. خلنآ نغيير الموضوع

يا آحبآئي هل التذكره اللى من وآشنطن الى بورتلآند على حسآبنآ ولآ على حسآب الوزآره ؟

لآن شيكت على الرحلآت من وآشنطن الى بورتلاند " لو تحجز الآن " اقل سعر بـ ١٥٥٠ ريال " One way "
طبعآ الاسعار هذي من تآريخ ٢٧ مآرس الى ٣٠ مآرس

والنقطه الثآنيه هذآ موقع للي ما يعرفه بآذن الله بيفيدك كثير في الحجوزآت بحيث آنه يسوي لك مقآرنه بين جميع الخطوط اللي تسآفر في نفس اليوم من المدن اللى آنت تحددهآ
ويرتب لك ارخصها .. وللآسف نآس مآتعرفه

Flight search

دعوآتكم لنآ بوصول الـ i-20

وصل بعد المهاوشات. طبعا انا اندرو كان مرسل لي الــــ I-20 بدون توقيع وطلعت لموعد السفارة وانا ما كنت ادري ان المعهد لازم يوقعة وماعندي ايصال السيفيس وقالوا اذا جتك الاوراق وايصال السيفيس ارسلها لنا مع الجوازات بالفيديكس
وجلست اسبوع ع بال ما ارسلي (بعد ماقلت له خلاص رجع فلوسي وبغير المعهد,, للمرة الثانية اسويها فية)
المهم من بكرة وارسل لي الـــ I-20 بالايميل وموقع وعلى طول كمل شحنة فيديكس, طبعا اقول كملها لانه كان معطينيي رقم تتبع لما ارسل لي الـــ I-20 بدون توقيع خخخ هو اصلا سجلها عندهم بس بالحقيقة ما ارسل شي ذاك الوقت
اخذت الــ I-20 وطبعتة من الايميل ووقعتة ووطلعت فيديكس يوم الاربعاء الي راح وقلت ارسلوها قالوا توصل السبت قلت اخاف لا تضيع عندكم بلخميس والجمعة عاد انا قايلها استهبال وهم يقولون ترا صارت لكذا شخص,,, بعدها قلت بخليها عندي اجيكم الجمعة توصل السبت قالوا اوكي.... رحت الجمعة ارسلتها السبت الصباح وهي بالسفارة وفيديكس ارسلي رسالة جوال يوم الثلاثاء امس ورحت اخذت الجوازات والحمدلله كل الامور تمام
موعد الدراسة كنت طالب من اندرو يحطة لي يوم 16 ابريل
على كلامة يقول تقدر تجي بداية اي شهر قلت اوكي