حوار رحلتي إلى الرياض.(المرافق+الضمان المالي+خطاب الوزارة للسفارة+كندا+أمريكا- صورتعليمات)

بسم الله الرحمن الرحيم

هالموضوع إن شاء الله بيفيدكم كثير خاصة للمبتعثات ومرافقينهم

بإختصار حالتي هي :

أنا مرافق لأختي المبتعثة كلنا بندرس ماجستير في كندا

وعندنا قبول المعهد في تورونتو

أرسلنا طلب الحصول على الضمان المالي من شهرين .. وبعدها إنتظرنا أسبوع بعد نهاية ملتقى الخبر

للحصول على الضمان المالي+خطاب الوزارة للسفارة اللي كثرت عليه الأقاويل...

ولكن للصبر حدود

فقررت إني أروح للرياض وأخوض معركة الضمان المالي لاني فعلاً حسيت إنها حرب

تعالو معي عالرحلة :



طبعاً مسكة الخطوط هو الحل الأمثل من الجبيل لللرياض لعيون الضمان المالي

الحمدلله وصلت عند المقر الساعة 7 ونص ومجهز كل الأوراق اللازمة



جهزت الأوراق اللي معي علشان أحصل عالضمان المالي+خطاب الوزارة للسفارة الكندية:

1- صور من قبول المعهد.

2- صورة من الوكالة الشرعية .

3- صور لكل من :الجوازات والإثباتات وبطاقة العائلة.

قدمت للوزارة رقم الطلب للمبتعثة +الأوراق المذكورة وبلحضتها ارسلي الضمان المالي الحمدلله شيكت عالإيميل

وبعد فترة وصل أحدالمراجعين الله جابه وضعه إن صح التعبير (مرافق) لأخته في كندا (نفس وضعي)

وسمعته متذمر لأنه لما قدم عالفيزا الدراسية رجعو ارواقهم وقالوله وين خطاب الوزارة الموجه للسفارة الكندية

قلت للموظف هذا اللي قلتلك عنه وخايف إنه يصير ,, قال خلاص عطوني مره ثانية قبولات المعهد + صور الجوازات

وبعدها سلمتله اللي طلبه وأعطاني بعد فترة الخطاب ومشيت

فيا جماعة الخير إنتبهو للنقاط اللي ذكرتها وموفقين يارب.

إستفسارات متوقعة :

- وش مكتوب في الضمان ؟

إسم المبتعثة فقط ..بدون المرافقين

-وش مكتوب في خطاب الوزارة للسفارة؟

إسم المبتعثة ومرافقينها .

-كيف أحصل على الضمان المالي ؟ ضماني تأخر ماوصل ؟/ المعهد متكدس? / كيف أغير إسم المعهد?/ خطأ في الإسم الموجود في الضمان ؟/
أبي خطاب الوزارة للسفارة علشان الفيزا الدراسية للمبتعثة والمرافق؟/
كيف اعدل بياناتي؟/ كيف أحصل على أمر الإركاب?/
تأجيل البعثة؟/ تغيير من مدينة إلى أخرى؟/ ....

الجواب واحد :

راجع مقر البعثات وبتخلص أمورك


اسألو مجرب ولاتسألون طبيب هذا اللي شفته في عيني من المراجعين

رجاءً ياأخوان فضو نفسكم يوم ولايومين وخلصو أموركم بسرعة

الوزارة ماهمتها موعد دراستك ولافيزتك

هم حاطين في بالهم أمر الإركاب إلى شهر 7 يعني بالعربي الموظفين ماهم مستعجلين عليك

عندهم مهلة إلين شهر 7( يعني قبل شهر من المرحلة الثامنة ) فمحد محترق على وضعك غيرك

لهالسبب هم مو مستعجلين على الردود في الإيميل

اللي مستعجل زي وضعي ودراسته بتبدأ بعد 3 شهور أو أقل يطلع ألحين ويروح لهم

ولا إحلم يوصلك الرد

همسة بإذن الإدارة : هل يعقل أن تنتهي معاملات المراجعين بوجود 2-3 موطفين فقطــــــــــ ؟

قبل الختام

حبيت أفيدكم ببعض الإعلانات الموجودة في الإدارة :




















في النهاية

باقيلي بس إستخراج الفيزا وأمر الإركاب يعني لي رجعه لهم بعد الفيزا

فيا شباب /بنات خلصو أموركم بأنفسكم ..!!

وإن شاء الله بترجعون منصورين على معركة الضمان المالي



دعواتكم

وبالتوفيق لكم


تحياتي,,,Saud88