تم اصدار قرار الابتعاث وامر الاركاب والاجازه الاستثنائية ( اي سوال انا حاضر )

تقدر تحجز بس تعرف يعطونك موعد لقص التذاكر اظن ما يتجاوز يومين او ثلاثه وبعدين تعرف الرحلات الدوليه درجات وانت ما تعرف الوزاره باي درجه راح تحطك بس ما يمنع من المحاوله لا تخاف مثل الوقت هذا الرحلات كثيره انا طلعت قبل الكرسمس بكم يوم ما بغيت اطلع من الزحمه كل الرحلات مقفله بس الحين اتوقع فاضيه احجز واركب على طول
الله يوفقك وييسر امورك
الله يوفق الجميع

شوف المرافق يحق له الدراسه اذا كان معه اجازه سواء دراسيه استثنائية او غيره بمده دراسة المبتعثه يعني لازم تكون مده الاجازه مثل مده الدراسه ويحق لك الدراسه كمرافق اذا قدمت الاجازه على الملحقية طبعا انت راح تاخذ اجازه استثنائية من جهة عملك بدون راتب وبدون سنوات خدمه
بس فيه حركه تقدر تسويها تقلب الاجازه الاستثنائية الى اجازه دراسيه ويحسب لك راتب بالسعودية في بلد الابتعاث وتحسب لك سنوات الخدمه
والطريقه هذا تكون بعد ما تنهي مرحلة اللغه وتقدم على جامعه وتختم القبول من الملحقية وترسله الى جهة عملك اول ما يوافقون على الطلب تصير مبتعث من جهة عملك ومرافق في نفس الوقت يعني راتب من هنا وراتب من هنا
اتمنى اني افدتك ولو ما فهمت ارجع اشرح من جديد ولا يهمك بس انت امر
الله يوفقك
الله يوفق الجميع

اللـه يســعدك أخـوي ،،

بــشـرني أخـوي كيــف آخبـآرك هنـآإك ؟!!

وأي شــي تحتـآجـه من الريــآض آنـآ مـوجـود بمـآ آننآ من نفـس المهنــة ،،

بســآلك يالغــلآ عـن شيئيـن لآهــنت ،،

الشـي الآول بـآلنســبة لورقـة الاجـآزة الاستثنآئيـة لقـيتهم مكــتوب فــيهآ مآهـو سـبب سفـرك ؟

وش رآيــك آكـتب لـهم آني السـبب هـو مرآفقـتي لزوجـتي أو أكتـب أنـي رآح آكمـل درآســتي

وآيضـآ بنفــس الورقــة كم عـدد السـنوات اللي تــبي تآخذ فـيهآ آجـآزة آستثنآئــية ،، مآ آدري بســآلك آنـت كم سـنة حطيــت ؟ بـصرآحـة ودي آكــتب ســبع ســنين بس آخآف مآيوآفقـون علـيهآ ،،


الشـي الثـآني بالنسـبة للسفـآرة ،، طبـعآ آنـآ جـــبت لـي ضمـآن مـآلي من البـنك ،، ولو سـآلوني بالسفـآرة رآح تطلـع على حسـآبك وش آرد علـيهم ؟

يـعـني آقـول لـهم آيـه وهذه ورقـة الضمآن المآلـي وكشـف الحسـآب أو آقـول لـهم رآح تدفع الوزآرة مصآريفـي ،،


تذكـرت شي آخــير ،، هـل السفــآرة تطلــب ورقــة تعريــف بالعمــل آو لآ ؟



والله يســعدك ويوفقـك يـآرب ،،

الله يسعدك ويوفقك
الله يسلمك ويخليك كل شي هنا متوفر لعبت على نفسي وشريت كل ملابسي من الرياض وتفاجات في ولايتي الملابس ارخص من الرياض ونفس الماركات هههههههه

بالنسبه لورقة الاجازه الاستثنائية لا تكتب فيها انك راح تكمل دراستك لانهم ما راح يعطونك اجازه اكتب اني مرافق مع زوجتي المبتعثه بس
وبالنسبه لعدد السنوات انا حطيت ثلاث سنوات واحسبها بالميلادي لان الهجري يختلف هم راح يحسبونها لك لانك لازم تحط كم يوم
ولا تخاف من ناحية الاجازه تقدر تمدد على راحتك وتقدر تقطعها وترجع تداوم يعني الامور كلها طيبه
بالنسبه للسفاره عادي قلهم طالع على حسابي الخاص وانا راح اتكفل بمصاريف دراستي وعطهم كشف الحساب اصلا هم عارفين انك راح تقلب على ضمان الملحقية يعني وضع تسليك
واخذ معك تعريف بالراتب ومترجم انجليزي تعرف هم يحبون الدراهم ههههههه
الله يوفقك وييسر امورك اي شي تبيه انا حاضر باي وقت
اسف على الكتابه العجله
الله يوفق الجميع

معليش اللي ما وصله الرد على الخاص ياليت يرجع يرسل ثاني مره
اعتقد عندي مشكله بالجهاز
الله يوفق الجميع

السلام عليكم

بالنسبة لتغيير الاجازة الاستثنائية الى دراسية فهذا لا يعني الابتعاث من جهة العمل بل من وزارة التعليم العالي وذلك يتم فقط بعد اثبات وجود الاجازة الدراسية ويعامل الموظف كطالب مبتعث فقط .. يحصل على بعض الامتيازات من جهة العمل ..سنوات الدراسة تحتسب في الخدمة وكذلك العلاوت في حالة اتم المرحلة الدراسية بنجاح ..

شكرا لكم ..

وعليكم والسلام ورحمة الله وبركاته

اشكر لك التوضيح هذا ما اقصده تحويل الاجازه الاستثنائية الى دراسيه بعد اتمام مرحلة اللغه ودخولك النهائي للجامعة بعدها تقدم على وزارة التربية والتعليم وتحول اجازتك الاستثائية الى دراسيه لكي تحسب لك سنوات الخدمه ويمشي لك راتب من وزارة التربية والتعليم وراتب من وزارة التعليم العالي والا مافائدة الاجازه الدارسيه وايضا عند رجوعك بعد شهادة الماستر او الدكتوراه تقفز على المستوى السادس مباشره وتحسب سنوات الخدمه لديك وتعدل الراتب هذا ما اعنيه
اشكر لك التوضيح .
الله يوفقك وييسر امورك
الله يوفق الجميع

السلام عليكم
عندي كم استفسار كتبتها بموضوع بس محد رد علي بإجابه واضحه مدري اذا صح اكتبها هنا او لا بس اتمنى القى الاجابه عندكم

انا جالسه اعبي نموذج الفيزا للوالد وواجهني كم سؤال ياليت تساعدوني

1- المنظمه المتكفلة بالسفر؟ >>> احط نفس اللي حطيته لي (برنامج الملك عبدالله للابتعاث ... وباقي التفاصيل) ؟؟؟

2- الوالد متقاعد وذكرت هذا الشي بس جاني اسئلة عن الوظيفة السابقة :
اسم جهة العمل -مسمى الوظيفة - صف بإيجاز مهامك الوظيفية ؟؟

وش اكتب انا لقيت شهادة نهاية الخدمة حقّت ابوي بكتبلكم اللي فيها :
شرطة العاصمة المقدسة , الرتبة جندي اول , بالنسبة للمهام الوظيفية مدري سألت ابوي يقول خفارة !!!!! مافهمت

وياليت تكتبونها لي بالانجليزي

وجزاكم الله خير

السلام عليكم

مبرووك يااخوي والله يوققك وييسر لك امرك وامورنا اجمعين

عندي كم استفسار ...
1- خطوات اصدار الاجازة الاستثنائية لان انا وزوجي مو عارفين من وين نبدا

2- مذكور في متطلبات قرار الابتعاث تعهد من المحرم بمرافقة المبتعثة، والإقامة معها إقامة دائمة مدة الدراسة*

هل في نوذج معين للتعهد ولا تعهد خطي عادي من زوجي ؟؟؟





والف شكر لك مقدما