احتاج للمساعدة ياجماعة حول (( اجراءات الفيزا)) الي طلع فيزا ياليت يساعدني

السلام عليكم

اسعد الله صباحكم ومسائكم

انا الى الان ماوصلني الضمان المالي وحاط يد على يد ورجل على رجل ومستكن مع نفسي

فقلت ياولد ليه تسوي كذا وليه ماتبدأ في اجراءات الفيزا لو بعض منها من الان وتشيل عنك فكرة انتظار الضمان المالي

يكون اذا وصلني الضمان اكون منتهي من امور تجهيزات الفيزا لو بعض منها

المهم انا ابيكم تساعدوني في امور اجراءات الفيزا وماراح انساكم ابد من الدعاء

اول شي اببتعث لوحدي يعني مامعاي مرافق وحاب اقول لكم الاشياء الي انا عارفها في التجهيزات وانتم قولو لي ايش الي ناقص
طبعا ماخذها من كتاب((الابتعاث للدراسة في الولايات المتحدة الأمريكية )) صفحة 44

1-جواز السفر الأصلي وصورة منه
2-تسديد مبلغ (498 ريال ) من احد فروع سامبا واخذ ايصال بذلك <<< ياليت تعلموني الحين لازم يكون لي حساب في بنك سامبا ولا لا ؟؟
وياليت تقولون لي طريقة التسديد بالصرافة يعني هل هي من عمليات أخرى ؟؟؟
(المبلغ صار 532 ريال , مو شرط يكون عندك حساب تروح البنك عند خدمات العملاء وتعطيهم الفلوس ويعطوك الايصال)
3-صورتين شخصيتين مقاس 5سم X 5سم خلفية بيضاء طبيعية .
(خلي الرجال ينزلها لك على الفلاش او cd عشان تقدر تحملها على الإستمارة بعدين)
4-الضمان المالي.
(وتنوب عنه بطاقة الملتقى الصغيرة بس عادي خذو معاك )
5-استمارة I-20 الاصلية وصورة منها
6-صورة من المؤهلات الاكاديمية ((الوثيقة + كشف الدرجات ))
7-تسديد رسوم ( SEVIS) في احد فروع بنك سامبا واخذ ايصال بذلك <<< ياليت برضع تعلموني كيف طريقتها
وعندي سؤال عن السيفس هل طريقة التسديد من الفرع كافية ؟؟؟؟ ولا لازم ندخل موقع السيفس ونعبي استمارة لاني اذكر مرة في موضوع بالمنتدى
بخصوص تعبئة استمارة السيفس؟؟؟
(السيفيس التسديد مثل حجز الموعد ببطاقة الفيزا أو مستر الكارد راجع الموضيع في تسديدو كثيرة )

8-تعبئة استمارة رقم DS-156 <<<< هذي النقطة الاهم بالموضوع بالنسبة لي ياليت توضوحوها لي
هل هذي الاستمارة هي الي بالموقع هذا
https://evisaforms.state.gov/ds156.asp
واذا كانت هي احس البيانات مره كثير والخط صغير كيف ممكن نترجمها لان اللغة عندي صفر
وبعد اكمال البيانات فيها هل اطبعها ولا ارسلها ؟؟ لان في نهاية الصفحة كأن في ارسال او شي زي كذا
9- الكتاب هنا بيقول تعبئة استمارة DS-157 لمن تتراوح اعمارهم مابين 16 و70 <<< من وين اجيب الاستمارة
وكاتب تعبئة استمارة DS-158 لمن هدفه السفر من اجل الدراسة <<< برضه هذي من وين اجيبها
(انت راح تعبي نموذجds-160 على هذا الرابط https://ceac.state.gov/genniv/)

وطبعا الاستمارة اون لاين وأنت في أول الصفحة اختار اللغة العربية وراح تترجم وقت تحط الماوس عليها والمواضيع كثيرة في ذلك وانصحك بموضوع الفيزا الأمريكية من الالف إلى الياء
ياليت يااخوان تفيدوني وان شاء الموضوع يفيد غيري ويدعي لاصحاب المساعده على هذي الاستفسارات

قبل ماراوح عندي سؤالين

1- استمارة الفيزا اذا كانت pdf هل عادي تكتب بخط اليد ولا بالكمبيوتر

كما قلنا سابقا اون لاين
2- هل بطاقة الدخول للملتقى مطلوبة في اجراءات الفيزا ؟؟؟
تطلب احيانا عند المقابلة الشخصية
بالنهاية اعتذر على الاطالة او على بعض الاسالة الغريبه بس حبيت امشي شويه من الاجراءات

بدل انتظار الضمان المالي

انتظر افادتكم